Дьон | Страница 11 | EXO-YKT

Дьон | 08.07.2021 | 19:00

Артыыс, ыытааччы, күүстээх мадьыны, блогер – Борислав Степанов

Борислав Степановы кытта устудьуон эрдэҕинэ, саха ыччатын таптаан ааҕар хаһыатыгар интервью оҥорон турабын. Оччолорго, кини киирбит-тахсыбыт, сытыы-хотуу, барыга бары көхтөөх уол оҕото этэ. Хас иккис тэрээһин Борислава суох ыытыллыбат буолара. Балай да кэм ааспытын кэннэ уолбут биир тарбахха баттанар чаҕылхай, ситиһиилээх киинэ артыыһа быһыытынан бэйэтин киэҥ эйгэҕэ ааттатта. - Ааҕааччыга...

Дьон | 08.07.2021 | 17:13

Надежда Львова: «Алҕаһаабат киһи сайдыбат»

Надежда Григорьевна Львова – Сунтаар улууһугар “КОРОНА” атыы-эргиэн дьиэтин ситимин хаһаайката, уопсастыбанньык, ситиһиилэээх бизнесмен, айар куттаах киһи. Бүгүн Надежда Григорьевна аан дойдуну аймаабыт хамсык кэмигэр биисинэскэ сыһыаннаах көрүүлэрин, анаарыыларын билсиэҕиҥ. Бэйэ-бэйэни харыстаһан – Хамсык кэмигэр биисинэскэ эмиэ ыарахан күннэр-дьыллар турдулар. Дьаҥ-дьаһах намыраан, хааччахтааһыннар уһуллубуттарын да иһин, бастакынан охсууну ылбыт дьоҕус...

Дьон | 08.07.2021 | 13:30

Айсен Елисеев: «Спортан олох сылайбаппын!»

Айсен Елисеев, Чурапчы улууһун Чыаппара нэһилиэгиттэн сылдьар. Билигин М.К. Аммосов аатынан ХИФУ физкультурнай салаатын үһүс кууруһун устудьуона. Эдэр-сэнэх ыччат диэтэххэ, өй-санаа өттүнэн быдан сиппит-хоппут киһи эбит. - Улахан кылаастарга Дыгын оонньууларыгар кыттар баҕа санааламмытым, ол иһин олохпун спорду кытта ситимнииргэ санаммытым. Үөрэхпэр кыанар этим, маҥнай спорду таларбын элбэх дьонум утарбыттара....

Дьон | 08.07.2021 | 13:30

Дмитрий Петров: «Дьарык тохтообот!»

“Дыгын оонньууларын” күрэҕин кэтэһэн-кэтэһэн баран, дьэ, икки күн устата күөх экрантан арахпакка олорон көрдүбүт. Бары билэрбит курдук, ыраас кыайыыны Хаҥалас хотойо Егор Филиппов ылла. Хас биирдии көрөөччү, бэйэтин фаворитыгар күүс-көмө, тирэх буолла. Бу сырыыга спорт саҥа сулустарын, кинилэр кимнээхтэрин туһунан сырдатабыт. - Бүлүү улууһун Тааһаҕар нэһилиэгэр төрөөбүтүм. Бииргэ төрөөбүттэр алтыабыт,...

Дьон | 05.07.2021 | 12:49

Манчаары оонньууларын төрүттээччи Афанасий АЛЕКСЕЕВ: «Саха норуота дьоллоох уонна доруобай буолуохтаах. Ол төрдө — спорду, физкультураны батыһыы»

87-ис хаарыгар сылдьар Афанасий Егорович Алексеевы интервьюга ыҥырарбар аарыма кырдьаҕас кэлиэ дии санаабытым, киһим этиллибит бириэмэтин иннинэ эрийэн, көрсөөрү ааҥҥа тахсан далбаатаабыппар эрчимнээхтик утары сүүрэн кэлэн соһутта. Чип-чиргэл көстүүлээх, иҥиир ситии эр киһи. Спортивнай форматын түөһүгэр “Манчаары” диэн суруктаах... Афанасий Алексеев – Саха спордун тыыннаах легендата, СӨ физкультурнай-спортивнай хамсааһынын историятыгар...

Дьон | 24.06.2021 | 10:00

Алгысчыт Афанасий Федоров: «Сылаас илгийиэ. Туохтан? Сырдык сыдьаайыа. Хантан?»

Билбэти арыйыы Айыы дьоно, Күн оҕолоро Алгыстаах санаанан Арчылана сылдьыаҕыҥ, Үөһэ айыыларбыт Сырдык ситимнэрин Сыыһа-халты туппакка, Айан ыыппыт аартыктарын Таба хаамар туһугар Өйбүтүн-санаабытын Холбуоҕуҥ, бука бары! Дуонай Ити тылы истээт, туох үчүгэй ааты ылыммыт киһиний, “Дуо, уон, ай” үчүгэй тыллартан бэйэтэ сыымайдаан таллаҕа дуу дии санаабытым. Мин улахан дуолан диэҥҥэ...

Дьон | 18.06.2021 | 19:46

Төлөн: «Кэрэни туойарбыттан дуоһуйабын»

Бу күннэргэ балаһабар дьоруой көрдөөн биир дойдулаахпар, буолаары буолан ийэм төрөөбүт сириттэн төрүттээх, Өнөр Эбэтэ дуо дэппит Уус Алдан улууһун биир кэрэ-мааны айылҕалаах, дьэдьэн, хаптаҕас силигилии үүнэр, сардаана сибэккинэн симэммит алаастардаах, лэһигирэс көмүс хатырыктааҕынан аатырбыт Өнөртөн төрүттээх киһини дьүөгэм булан биэрдэ. Онон, билсиҥ, хоһоон хонуутугар хорутуулаахтык суруйар, оһохчут быһыытынан улууһугар...

Дьон | 11.06.2021 | 19:24

Уон сыл "Оһуохай" түмсүүнэн кынаттанан

Мин "Оһуохай" түмсүү тэрийэн, ити бырайыагым олоххо киирэн, үлэлээбитим номнуо 10 сыл ааспыт.

Дьон | 07.06.2021 | 18:45

Маһы ыллатар уус, ырыаһыт, үҥкүүһүт, артыыс...

Хатас олохтооҕо Андрей Лукич Малышев-Толлуман – “Эр Бэрдэ” балаһабыт бүгүҥҥү ыалдьыта. Кини Горнай улууһуттан төрүттээх. СӨ култууратын туйгуна, “Уус – уран оҥоһуктар” бэлиэ хаһаайына, мас ууһа, столяр идэлээх. Хоһоон суруйар, ырыа айар, үҥкүүлүүр. Хатастааҕы норуодунай театр солбуллубат артыыһа. Барыга-бары дэгиттэр талааннаах эр бэрдэ. Кини тугу сатаабатаҕа баарай... Маһы ыллатар уус,...

Дьон | 06.06.2021 | 16:50

Пандемия кэмэ: ырыаһыт, үҥкүүһүт туох тургутууну ааста?

Биллэр ырыаһыттар, үҥкүүһүттэр пандемия кэмигэр атын туох сонун дьарыктаах буоллулар? Бу хааччах кэмигэр туох кыһалҕаны көрүстүлэр? Киинэ аартыгын арыйдым Валентина Романова – Чыскыырай, Саха Өрөспүүбүлүкэтин үтүөлээх артыыһа, эстрада ырыаһыта: – Аан дойдуну атыйахтаах уу курдук аймаабыт дьаҥ кэмигэр туох дьарык баар буолуоҕай. “Выживание” курдук. Ол эрэн санаабытын түһэрбэккэ, бу күҥҥэ...

Дьон | 06.06.2021 | 16:43

Антон Васильев: «Олохпут сайдыыта, кэскилбит ЫЧЧАТТАН тутулуктаах!»

М.К. Аммосов аатынан ХИФУ историческай факультетын бүтэрээри сылдьар Антон Васильев «Саха» национальнай көрдөрөр-иһитиннэрэр хампаанньатыгар эдэр ыччакка аналлаах биэриигэ продюсер быһыытынан үлэлиир, ону тэҥэ өрөспүүбүлүкэҕэ ыччат политикатын киэҥник тарҕатааччы, кэскиллээх ыччат. Бүгүн кини «Тэтим” балаһаҕа ыалдьыттыыр, үөрэххэ туттарсаары сылдьар үөрэнээччилэргэ бэйэтин сүбэтин-аматын кэпсиир. ХИФУ талааны арыйар 2016 сылга Дьокуускай куорат 1-кы...

Дьон | 05.06.2021 | 21:21

Икки герой-ийэ уонна кинилэр сыдьааннара

Бу сырыыга рубрикабыт “Ыалдьыт” оннугар “Ыалдьыттар” диэн буолла. Суруйуубун ааспыт Оҕо көмүскэлин күнүгэр саҕалаатым уонна кэлэн иһэр Дьиэ кэргэн күнүгэр аныыбын. Кырдьыбаттар Икки улахан геройбут 90-ча саастаахтар. Норуот ааттыырынан, Ылдьааналаах Өлөксөөс кыыстаах уоллара холбоһуохтарыттан хардарыта сылдьыһаллар, сотору-сотору төлөпүөннэһэллэр. Сэрии, сут, көһөрүллүү кыһалҕаларын ааспыт Чурапчы ытык кырдьаҕастара. Билиҥҥэ диэри көхтөөх майгылаахтар,...

Дьон | 31.05.2021 | 12:09

Эргиччи дьоҕурдаах Валентина Свешникова

Дьиэ кэргэн алаһа уйата дьахтартан тутулуктаах. Сылаас холумтаннаах, сандалытыгар итии чэйдээх ыалдьыттары эйэҕэстик көрсөр хаһаайка бастыҥнара тыа сиригэр олороллор. Олортон биирдэстэрэ бары өттүнэн дэгиттэр талааннаах, СӨ култууратын туйгуна, “Нуоралдьыма” үҥкүү ансаамбылын салайааччыта, “Алаас ыала” уопсастыбаннай түмсүү салайааччыта Валентина Николаевна Свешникова буолар. Сатабыллаах салайааччы Ыал мааны Далбар хотуна Мэҥэ Хаҥалас улууһун...

Дьон | 31.05.2021 | 11:56

Симона Никулина: «Ханна да чэпчэки суол суох»

Кэнники кэмҥэ саха кыргыттара атыы-эргиэн, бизнес, үөрэх өттүгэр эрэллээхтик кимэн киирдилэр. Урукку сылларга бэйэ дьыалатын тэринии хайдах эрэ уустуктардаах буоллаҕына, аныгы үйэҕэ олоҕу кыраҕы хараҕынан көрөр киһи тугу барытын сатыыр, кыайар-хотор. Биир оннук холобурунан Симона Никулина буолар. Эдэр ийэ икки бизнестээх. Бэйэтин олоҕун-дьаһаҕын, үлэтин-хамнаһын туһунан хаһыаппыт ааҕааччыларыгар кэпсиир. Баҕар, кини...

Дьон | 30.05.2021 | 11:58

«Биһиги — Концепция оҕолоробут!»

Тыл – омук тыына. Тыл – омук кэскилэ. Ыам ыйын 23 күнүгэр үрүҥ тыыммытын өллөйдөөбүт, оҕобутун, ыччаппытын төрөөбүт тылыгар, норуотун култууратыгар, омугар хайыһыннарбыт Национальнай оскуоланы саҥардан сайыннарыы Концепцията олоххо киирбитэ 30 сылын туолла. Олохтоох омукка тыын суолталаах буолбут Концепция оччотооҕу Саха Өрөспүүбүлүкэтин үөрэххэ миниистирэ Егор Петрович Жирков көҕүлээһининэн, бүттүүн өрөспүүбүлүкэ...

Дьон | 30.05.2021 | 11:48

Саха сирэ IT саҥа саҕахтарын арыйар

Саха сирэ ураты регион ахсааныгар киирэр. Сиртэн хостонор баайынан, тыйыс айылҕатынан уонна аныгы технологияларга сайдыытын таһымынан Арассыыйаҕа киэҥник биллэр. Өрөспүүбүлүкэҕэ IТ эйгэтэ төһө кэскиллээҕин Арассыыйа саамай хотугу технопааркатын дириэктэрэ Петр Габышевтыын кэпсэттим. –Петр Петрович, дорообо! «Якутия» технопаарка хайдах тэриллибитин туһунан ааҕааччыларбытыгар сырдата түс эрэ. Дьокуускай бастыҥ хаһыатын ааҕааччылара, дорооболоруҥ! Бастатан...

Дьон | 27.05.2021 | 12:05

Светлана ПОПОВА: «Интэриниэт библиотеканы кытта күрэстэһэр кыаҕа суох»

Ыам ыйын 27 күнэ – Арассыыйаҕа Библиотека күнэ. Биһиги хаһыаппытыгар Саха Өрөспүүбүлүкэтин Национальнай библиотекатын “мэйиитэ”, тарбахха баттанар биир тутаах үлэһитэ, аныгы кэми кытта тэҥҥэ хардыылаан иһэр салайааччы – Библиотечнай-информационнай киин сэбиэдиссэйэ Светлана Александровна Попова ыалдьыттыыр. – Мин үлэм күнэ сарсыарда эрдэ, киирбит корреспонденцияны бэрэбиэркэлээһинтэн саҕаланар. Кэллиэгэлэрбин кытта күннээҕи үлэбитин быһаарсабыт....

Дьон | 27.05.2021 | 11:12

Уус Александр ШАДРИН: «Искусство муҥутуур чыпчылҕан түгэнэ мууска баар»

Былыр уустары ойуун кэнниттэн иккис кэккэҕэ туталлара. Оннук ытыктыыллара, талааннарыгар сүгүрүйэллэрэ. Уус идэтэ сахаларга көлүөнэттэн көлүөнэҕэ бэриллэн иһэр, аҕаттан уолга барар, бэйэтэ туспа эйгэлээх, дириҥ суолталаах өйдөбүллэрдээх, сакральнай тыыннаах төрүт дьарыкпыт. Өрөспүүбүлүкэҕэ биллэр муус, хаар, мас оҥоһуктарга маастар, СӨ култууратын туйгуна, норуот маастара, Уус Алдан, Нам улуустарын бочуоттаах олохтооҕо, муус...

Дьон | 25.05.2021 | 16:54

Наскыйа: «Тыл күүһүнэн эмтиибин»

Биһиги ортобутугар тус эйгэлээх дьон элбэх. Кинилэр биһигиттэн уратылар, инникини өтө көрөллөр, билгэлииллэр. Тыллара уус, илбистээх, киһи ис кутугар дьайар күүстээх. Бүгүҥҥү кэпсэтэр Далбар Хотунум: “Дьиҥэ, кимҥэ да бу күҥҥэ диэри киммин кэпсээбэккэ сылдьыбытым. Кэргэним да үчүгэйдик иҥэн-тоҥон билбэт ээ. Ол эрэн, кэмэ кэллэ диэн кэпсииргэ, көҥүл ылбычча, сэгэтэр кэмим...

Дьон | 25.05.2021 | 16:51

Костас МАРСААН: «Көрөөччүнү таайыллыбат кистэлэҥинэн умсугутаҕын...»

Ыам ыйын 27 күнүттэн “Иччи” киинэ улахан экраҥҥа тахсар. Соторутааҕыта @cbsbelinka инстаграмыгар Костас Марсаан ыалдьыттаата. “Иччи” хайдах уһуллубутун, айар бөлөх аныгы сүүрээни киллэрэргэ, саҥа ньымалары туһанарга дьулуспутун, ол эрээри киинэҕэ саха тыынын хаалларар сорук турбутун сэһэргээтэ. Быһа эфири куорат кииннэммит библиотекатын сүрүн библиотекара Эльвира Тобонова иилээн-саҕалаан ыытта. Кэпсэтии сүрүн түгэннэрин...

Дьон | 20.05.2021 | 14:58

Артемьев далаҕа

(Далаҕа — кутталлаах, күүстээх)