«ВЭБ.РФ» Дьокуускай маастар-былаанын бырайыактарын өйүүр

Бүгүн, балаҕан ыйын 11 күнүгэр, ВЭФ балаһааккатыгар Саха Өрөспүүбүлүкэтин уонна «ВЭБ.РФ» сайдыы судаарыстыбаннай корпорациятын икки ардыгар Дьокуускай маастар-былаанын сүрүн инвестиционнай бырайыактарын үбүлээһиҥҥэ бииргэ үлэлээһин туһунан сөбүлэҥ баттанна.

Бырайыак ахсааннарыгар киирэллэр:

- Дьокуускайга тырааныспар логистическай киинэ;

- уопсастыбаннай тырааныспары саҥардыы бырагыраамата;

- «Дьокуускай» аэропорт аан дойдутааҕы терминалын уларытан оҥоруу;

- «Жатайская судоверфь» АУо бырайыагын 1-кы түһүмэҕин түмүктээһин;

- Дьокуускайга COSMOS национальнай брендинэн 150 миэстэлээх 4 «сулустаах» категориялаах гостиница тутуута;

- Култуура уонна сынньалаҥ пааркатын кэҥэтии чэрчитинэн рекреационнай-досуговай комплексы оҥоруу.