Тыа хаһаайыстыбатын оҥорон таһаарааччылара 28 кыһыл көмүс мэтээллээхтэр
Үгэс буолбут тыа хаһаайыстыбатын быыстапка-дьаарбаҥкатыгар Саха сирэ, өрүү буоларын курдук, көхтөөх кыттыыны ылла.
Сүөһү иитиитигэр үрдүк көрдөбүллэри ситиспиттэрин иһин «Бөтүҥ» ТХПК уонна И.Я. Строд аатынан ТХПК (Амма улууһа), «Хорообут» ХЭТ (Мэҥэ Хаҥалас улууһа), «Күндээдэтээҕи И.В. Николаев-Бытык Уйбаан аатынан» АУо (Ньурба улууһа) уонна «Бэртэ сылгы собуота» ХЭТ (Хаҥалас улууһа) кыһыл көмүс мэтээлинэн наҕараадаланнылар.
Итини сэргэ кыһыл көмүс мэтээлгэ «Дүпсү» ТХПК 82,5%-наах «Традиционное» арыы иһин кыһыл көмүс мэтээлгэ, СӨ «Саха сүөһүтэ» Генофонднай ХТ «Арыы», «Мэҥэдьэк кымыһа» уонна «Ис үөрэтэ» үгэс буолбут бородууксуйа иһин үс кыһыл көмүс мэтээлгэ тигистилэр.
Мархатааҕы В.Ф. Кабохин аатынан «Сибирь» племенной сибиинньэнэн дьарыктанар бааһынай хаһаайыстыбата (Дьокуускай куорат) икки кыһыл көмүс мэтээли ылла.
Агропрофилированнай хайысхалаах оскуолалар өрөспүүбүлүкэҕэ 10 кыһыл көмүс мэтээли аҕаллылар. Ол курдук, Тулагы агрооскуолата 7 кыһыл көмүс мэтээллээх, «Хатастааҕы агробизнес оскуолата» ТХПК биир, Сылаҥнааҕы профессор Г.П. Башарин аатынан орто оскуола (Чурапчы улууһа) икки кыһыл көмүс мэтээллээхтэр.
Дьокуускайдааҕы научнай киин учуонайдарын үлэлэрэ 7 кыһыл көмүс мэтээлинэн сыаналанна.
В.П. Ларионов аатынан Майа оскуолата 2 үрүҥ көмүс мэтээллээх.
Сонуннар
Ордук ааҕаллар
