28.09.2021 | 13:00

Саха сирин бастыҥ парикмахердара уонна истилиистэрэ кимнээхтэрий?

Саха сирин бастыҥ парикмахердара уонна истилиистэрэ кимнээхтэрий?
Ааптар: Киин Куорат
Бөлөххө киир

«Киин куорат» хаһыат бу сырыыга ааҕааччыларын сэргэхситээри, өрөспүүбүлүкэбит талба талааннаахтарын – баттаҕы кырыйар, бүрүчүөскэ оҥорор, сирэйи-хараҕы тупсарар, таҥаһы-сабы талан биэрэр маастардары сырдатар.

Дмитрий Васильев

Дмитрий Васильев эстрадабыт ырыаһыттарын сирэйдэрин-харахтарын, баттахтарын оҥорор. Ордук Олимпия, Сахая, Лиза Газизова, Айса Седалищева, Далаана, Ника сыанаҕа тахсар уобарастарын айар. Ону сэргэ, Дмитрий талбыт бүрүчүөскэни оҥоруон, кырыйыан, кырааскалыан сөп. Бэйэ сэбэрэтин оҥостууга араас үөрэх куурустарын, маастар-кылаастары тэрийэн ыытар.

Анжелика Жиркова

Анжеликаҕа билигин элбэх кыыс сөбүлээн кырааскалатар. Ордук фотосессияларга, бырааһынньыктарга, бэлиэ күннэргэ кыргыттар сирэйдэрин-харахтарын оҥорор. Анжелика макиаһа кими баҕарар таһыччы уларытар, тупсарар.  Кыыс билигин бэйэтэ салоннаах, үлэһиттэрдээх, «топовай” сирэйи-хараҕы оҥорооччуларга инники күөҥҥэ сылдьар. 

Дарья Соколова

Дьокуускай куорат биир тарбахха баттанар истилииһэ буолар. Саха биир талба талааннааҕа, Москва курдук куораты таҥыннарар Гала Борзова иитиллээччитэ. Үс уол оҕо тапталлаах ийэтэ. Эр киһи, дьахтар таҥаһыгар анаан элбэх сүбэтин-аматын бэйэтин блогар сырдатар. Ханнык баҕарар киһиэхэ сөп буолар, барсар таҥаһы булан биэрэр кыахтаах.

Ирина Ховрова

Сирэйи-хараҕы тупсарар талааннаах визажист. Олус элбэх килийиэннээх буолан, киниэхэ эрдэттэн суруйтардаххына биирдэ тиийэҕин. Чахчы, хас биирдии кэрэ аҥаар тупсарыгар олус кыһамньылаах исписэлиис.

Василий Афанасьев

Василий  Сахабыт сирин легендата диэтэхпинэ, сыыспаппын. Бу сыллар тухары төһөлөөх элбэх киһи сирэйин тупсарбытын, баттаҕын бүрүчүөскэлээбитин, таҥаһын кытта талан биэрбитин ааҕан сиппэппит буолуо. Бу испииһэккэ баар кыргыттарбытын үөрэппит, бэйэтин кынатын анныгар илдьэ сылдьыбыт талааннаах киһи. Артыыстартан саҕалаан политиктар сирэйдэрин-харахтарын кытта оҥорор. Уопсайынан, хас биирдии киһиэхэ, үөрэппит да үөрэнээччитигэр олус кыһамньылаах визажист. Чахчы, айылҕаттан бэриллибит талаан.

Ия Никифорова

Кини кэргэн тахсаары сылдьар кыргыттарга макиаһы, бүрүчүөскэни  ордук табыллан оҥорор. Нюдовай, нарын-намчы дьүһүнү сөбүлээн туттар.

Светлана Ховрова

Куорат бастыҥ фешн-истилииһэ, талааннаах кыыс. Кини бэйэтин универсальнай  истилиис быһыытынан сыаналыыр. Инньэ гынан, ханнык баҕарар киһиэхэ ханнык баҕарар өҥөнү  холкутук оҥорор кыахтаах. Кыргыттарга гардеробтарын ырытар, ураты истиили таҥар. Биллэр-көстөр дьон таҥаһын эмиэ талан, уобарастарын айар.

Яна-Мария Ирназарова

Яна-Мария бэйэтэ кэрэ куолар күрэстэригэр хаста даҕаны кыттан турар. Билигин бэйэтэ бас билэр салоннаах, үлэһиттэрдээх. Кэрэ буолууга анаан араас марафоннары тэрийэр. Бэйэтэ хас нэдиэлэ ахсын хайдах кырааскаланарын туһунан видео устан көрдөрөр.

Вера Поликарпова

Вера кыыс эстрада сулустарыгар, кэргэн тахсаары сылдьар кыргыттар бүрүчүөскэлэрин оҥорор. Дьон кинини таптаан уонна дьиҥ чахчы бэйэтин үлэтигэр талааннааҕын иһин “Богиня локона” диэн ааттыыллар. 

Жорик Осипов

Эр дьон баттаҕын кырыйар, бүрүчүөскэлиир. Быһа сэрэйдэххэ, элбэх саха эр киһитэ баттаҕын киниэхэ кырыйтарар буолуохтаах. Эдэр киһи буолан ураты, сонун бүрүчүөскэлэри оҥортуур, туттара-хаптара да түргэн диэн килийиэннэр сэргииллэр. Өссө кини устудьуоннуур саҕаттан уопсайга олорон эрэ кырыйар буолара, билигин төһө эрэ уопутурда?

Сонуннар

07.12.2023 | 10:00
Сокуон-тойон

Ордук ааҕаллар

Афанасий Романов:  «Сорох үлэбин ситэрэргэ үөһэттэн күүс киирэр»
Дьон | 30.11.2023 | 16:00
Афанасий Романов: «Сорох үлэбин ситэрэргэ үөһэттэн күүс киирэр»
Бүгүҥҥү кэпсиир киһим – “СӨ худуоһунньуктарын айар сойууһа” уопсастыбаннай тэрилтэ бэрэссэдэтээлэ, СӨ норуодунай худуоһунньуга, СӨ искусствотын үтүөлээх деятелэ, РФ үтүөлээх худуоһунньуга, Дьокуускай куорат бочуоттаах олохтооҕо Афанасий Афанасьевич Романов. Сэтинньи ыйга Дьокуускай куорат 203-с түөлбэтигэр 24 №-дээх «Сардаана» оҕо саадын кэлэктиибин көҕүлээһининэн уонна төрөппүттэр, уопсастыбаннас өйөбүллэринэн Саха сирин историятыгар бастакы уонна...
Саха сирин 2024 сыллааҕы бүддьүөтүн сокуона ылылынна
Сонуннар | 01.12.2023 | 15:00
Саха сирин 2024 сыллааҕы бүддьүөтүн сокуона ылылынна
Ил Түмэн мунньаҕар, тиһэх иккис ааҕыыга, Саха Өрөспүүбүлүкэтин 2024 уонна былааннаммыт 2025-2026 сыллардааҕы судаарыстыбаннай бүддьүөтүн туһунан сокуона ылылынна.
Мас тардыһыытын айти технология тупсарыаҕа
Дьон | 01.12.2023 | 10:00
Мас тардыһыытын айти технология тупсарыаҕа
Оскуола биэрэр билиитин таһынан оҕолору дьоҕурдарынан, талааннарынан, туохха тыыппалаахтарынан көрөн эбии үөрэхтээһини тэрийии киин куораппытыгар үрдүк таһымҥа барар. Бу күннэргэ Дьокуускай куорат Оҕо айымньытын дыбарыаһын “Кванториум” технопааркатын иһинэн үлэлиир “IT-Энерджи” куруһуок уһуйуллааччыта Арсений Колесов уонна салайааччыта Денис Алексеевич Данилов “Мас тардыһыытыгар аналлаах модифицированнай тэрил” диэн бырайыактарыгар патент ылары ситистилэр.   Патеннаммыт...
Уон ыйдаах көрдөрүү куһаҕана суох
Сонуннар | 01.12.2023 | 12:30
Уон ыйдаах көрдөрүү куһаҕана суох
Саха сирин тыатын хаһаайыстыбатын тэрилтэлэрэ сүрүннээн ынах-сүөһү, сылгы, сибиинньэ, таба уонна көтөр иитиитинэн дьарыктаналлар. Былырыыҥҥы, алтынньы ыйдааҕы көрдөрүүнү кытта тэҥнээтэххэ, өрөспүүбүлүкэ үрдүнэн ынах-сүөһү ахсаана 1,1%-нан, сибиинньэ – 4,4%-нан, сылгы – 5,3%-нан аҕыйаата. Таба ахсаана 2,9%-нан уонна көтөр 0,2%-нан эбилиннэ.   Быйыл, 2023 сыл уон ыйын түмүгүнэн, өрөспүүбүлүкэ тыатын хаһаайыстыбатын тэрилтэлэригэр уопсайа...