Иван Подойницыҥҥа - бюст, Василий Филипповка пааматынньык туруохтара

Бэс ыйын 14 күнүгэр буолан ааспыт Дьокуускай куорат Дууматын уочараттаах 50-ус сессията уопсайа 23 боппуруоһу көрдө. 
Ол иһигэр дьокутааттар А.С. Пушкин аатынан Нуучча драматическай тыйаатырын номох буолбут дириэктэрэ, ССРС култууратын туйгуна, СӨ норуотун хаһаайыстыбатын үтүөлээх үлэһитэ, Дьокуускай куорат уонна Саха Өрөспүүбүлүкэтин бочуоттаах олохтооҕо Иван Иванович Подойницын кэриэһигэр Ярославскай уул., 20 дьиэтин таһыгар -- бюст, Саха Өрөспүүбүлүкэтин Наукаларын академиятын Бастакы Бэрэсидьиэнинэн, Ил Түмэн бэрэссэдээтэлинэн таһаарыылаахтык үлэлээбит Василий Васильевич Филипповка Ленин Проспегын, 33 пааматынньык туруорар туһунан быһаарыыны ылыннылар. 
Куорат дуумата маны сэргэ Иванов Василий Николаевичка, Попов Андрей Иннокентьевичка, Попова Земфира Петровнаҕа мемориальнай дуоска туруорары ылынна.