История пааркатыгар Дьокуускай 391 сылыгар анаммыт быыстапка аһылынна

Экспозицияҕа куорат былыргыта, билиҥҥитэ уонна инники кэскилэ информационнай блоктарынан көрдөрүлүннэ. Быыстапкаҕа график-худуоһунньук, Саха сирин Худуоһунньуктарын сойууһун чилиэнэ Василий Авраменко үлэлэрэ бааллар.

«Ханна да барбытым иһин, альбоммун илдьэ сылдьааччыбын. Күн аайы дьаарбайа барааччыбын уонна тугу көрөрбүн барытын уруһуйдуур этим. Ордук икки этээстээх мас дьиэлэри сөбүлээччибин. Дьокуускай – мин тапталлаах куоратым», - диир худуоһунньук.

Василий Авраменко үгүс сыл «Якутия» хаһыакка үлэлээбитэ, куорат уларыйыыта барыта кини хараҕар ааспыта. Онон кини үлэлэригэр киин куорат 1940 сылтан уларыйан иһэрэ көстөр. Худуоһунньук графиката – Саха сирэ XX-с үйэ 60-80-с сылларыгар сайдыытын түһүмэхтэрин сүрүн историческай докумуона.

Быыстапка  «История в настоящем» бырайыак чэрчитинэн, Саха Өрөспүүбүлүкэтин Ил Дарханын гыраанын өйөбүлүнэн тэриллэр.

Тэрээһин балаҕан ыйын 30 күнүгэр диэри үлэлиир. Киирии – босхо.