Чулуу суруйааччыларбытыгар пааматынньык арылынна

Куорат килбэйэр киинигэр, Ленин проспегын 36 №-гэр саха норуота киэн туттар, сүгүрүйэр айар куттаах дьонугар — норуодунай суруйааччыга уонна норуодунай поэкка сквер арылынна.
Ини-бии Семен, Софрон Даниловтарга анаммыт пааматынньык үөрүүлээх аһыллыытыгар СӨ Ил Дархана Айсен Николаев, Горнай улууһун баһылыга Никита Андреев, Софрон Данилов төрөппүт кыыһа, философия наукатын доктора, ХИФУ профессора Вера Данилова уонна бырабыыталыстыба чилиэннэрэ, норуот дьокутааттара, Суруйааччылар Сойуустарын чилиэннэрэ, суруйааччылар биир дойдулаахтара – Горнай улууһун бэрэстэбиитэллэрэ кытыннылар.
21 мөлүйүөн солкуобай кэриҥэ сыаналаах пааматынньыгы Арассыыйа үтүөлээх худуоһунньуга, скульптор Семен Прокопьев уонна Саха сирин бочуоттаах архитектора Алексей Самсонов оҥорбуттар. Пааматынньык Красноярскай куоракка боруонсанан кутуллубут.