10.04.2022 | 22:00

Өймөкөөн — тымныы чыпчаала

Өймөкөөн — тымныы чыпчаала
Ааптар: Маргарита СТЕПАНОВА (Акимова)

Өймөкөөн улууһа тымныытынан эрэ буолбакка, баай историятынан, сирин баайынан, булдунан, хоһуун, үлэһит, эйэҕэс, ыалдьытымсах дьонунан биллэр.

Кулун тутар бүтэһик күннэригэр Саха АССР төрүттэммитэ 100 сылын бэлиэтиэхпит лоп курдук биир ый иннинэ Саха АССР оскуолаларын 1985 сыллаахха бүтэрбиттэр Дьокуускай-Өймөкөөн-Дьокуускай хайысханан автодесаҥҥа сырыттыбыт.

Сүрүн сыалбыт – "Үтүө дьыала Кубога" хамсааһыммыт иитинэн ыыппыт үлэбит-хамнаспыт түмүгүн билиһиннэрии, ол сүнньүнэн күн сирин көрүөхтээх кинигэбитин Өймөкөөн тымныы чыпчаалыгар сүрэхтээһин.

Томтор оскуолатыгар Антонина Прокопьевна Егорова биһигини үөрэнээччилэри кытта көрүһүннэрдэ. Манна баар оҕо хамсааһына биир бастыҥ үлэлээх уопсастыбаннай тэрилтэ буоларын, Бүтүн Арассыыйатааҕы конкурс дипломанын үрдүк аатын ылан, 2019 сыллаахха Санкт Петербург куоракка ыҥырыллыбыттарын кэпсээтэ. Билигин оскуола лидерынан уруһуйга өрөспүүбүлүкэҕэ бастыҥ үлэлэрдээх талааннаах кыыс Лия Винокурова үлэлиир.

Автодесант аатыттан Лилиана Ивановна Антонова үөрэххэ киириигэ наадалаах сүбэлэри биэрбитин оҕолор сэргии иһиттилэр.

Оҕо уопсастыбаннай тэрилтэтин бэрэссэдээтэлэ, Томтор орто оскуолатын 11 кылааһын үөрэнээччитэ, СӨ Ыччат дьыалаларыгар уонна социальнай коммуникацияларга министиэристибэтин наҕараадатын хаһаайына Тимур Егоров:

– Быйыл оскуолабын бүтэрэбин уонна историк идэтигэр киирэр санаалаахпын. Үөрэхпин бүтэрдэхпинэ төрөөбүт оскуолабар кэлэн үлэлиэхпин баҕарабын.

Томтор орто оскуолатын иһинэн литературнай-кыраайы үөрэтэр музей – Арассыыйа үтүөлээх учуутала М.П. Боярова кэргэнинээн С.В. Слепцовтыын өр сыллаах сыралаах үлэлэрин түмүгэ.

Экспозицияларга ГУЛАГ тиэмэтигэр хорутуулаах үлэ түмүгэ, аатырбыт Халыма трассатын тутууну кэрэһилиир матырыйааллары, элбэх киһини кытта суруйсуу, көрдүүр үлэ туһунан көрүөххэ сөп.

Өймөкөөн – аан дойду араас муннугуттан туристар, айанньыттар, блогердар үгүстүк   тиийэр сирдэрэ.

"Өймөкөөн" ыалдьыт дьиэтин хаһаайката – улуус бочуоттаах гражданина, кыраайы үөрэтээччи, элбэх кинигэ ааптара Тамара Егоровна Васильева. Манна 2004 сылтан 79 араас тас дойдуттан, Арассыыйа араас муннугуттан кэлэн, хонон-өрөөн, сынньанан ааспыттар. Тамара Егоровна көмөтүнэн Өймөкөөн туһунан 30-тан тахса киинэ күн сирин көрбүт.

Үтүө дьыала Кубога бу дьиэҕэ эмиэ күндү ыалдьыт буолла. Бэйэтин баай историятын, өрөспүүбүлүкэ улуустарынан айанын, үтүө дьыалаларын туһунан кэпсээнин ыалдьыт дьиэтин хаһаайката сэргии, сөҕө истэн, өссө да маннык уопсастыбаннай дьыала сайдарыгар кэс тылын анаата.

Өймөкөөн-85 – бары үлэ үөһүгэр сылдьар дьон. Ыраах олорор үөлээннээхтэрбитигэр түмсүүбүт туһунан документальнай киинэбитин көрдөрдүбүт. Автодесаны Дьокуускайтан бииргэ үөрэммит доҕордоро Анна Атастырова иилээн-саҕалаан сырытыннарда.

"Саһыл" учаастакка баар бааһынай хаһаайыстыба хаһаайката Евдокия Захаровна Винокурова: "Бэйэ сибиэһэй, ыраас бородууксуйатын оҥорон таһаарарбыт – доруобуйа төрдө. Манна сайын оҕо лааҕырын тэрийиэхпин баҕарабын. Үлэҕэ үөрэнэн, сибиэһэй минньигэс үрүҥ аһынан аһаан, ыраас салгыҥҥа сылдьан абыраныа этилэр. Эмтээх от, сир аһа даҕаны дэлэй дойдута".

Томтор – Чысхаан резиденциятын дойдута. 
Манна муус чопчулара, хаар кырыата дьикти кэрэтин, чарааһын, араас буоларын сөҕө көрөҕүн. 
Сахабыт сирин биир ытык сиригэр бастакынан хомус тыаһын дьүрүһүтэн, сахалыы тойугу туойан, иһийэн турбут чуумпуга саха буоларбытынан киэн туттуу, астыныы туругар киирэн таҕыстыбыт.
2023 сылга манна, Өймөкөөҥҥө, Олоҥхо ыһыаҕа былааннанар.

Сонуннар

Ордук ааҕаллар

Оҕуруот аһын олордооччуларга саҥа субсидия көрүллүөҕэ
Сонуннар | 18.05.2022 | 15:00
Оҕуруот аһын олордооччуларга саҥа субсидия көрүллүөҕэ
«Развитие овощеводства и картофелеводства» саҥа федеральнай бырайыак чэрчитинэн субсидия бэриллэр буолуоҕа. Манан дьоҕус уонна орто предпринимателлэр, маны сэргэ, “самозанятайдар” уонна кэтэх хаһаайыстыбалаах дьон эмиэ туһаныахтарын сөп. Ол курдук, судаарыстыба хортуоппуйу уонна да атын оҕуруот аһын олордуунан дьарыктанар оҥорон таһаарааччылары өйүүр миэрэлэри кэҥэтиэҕэ. Бу туһунан уураахха Арассыыйа бырабыыталыстыбатын бэрэссэдээтэлэ Михаил Мишустин...
Ньургуһуну эмкэ туһаныы
Сынньалаңңа | 12.05.2022 | 12:30
Ньургуһуну эмкэ туһаныы
Тоҥ буору тобулан тахсар хорсун сибэкки ньургуһун барахсан олоххо тардыһыытынан, кэрэ көстүүтүнэн эрэ буолбакка, араас ыарыыны эмтиир кыахтааҕынан өбүгэ саҕаттан аатырар. Аныгы үйэ киһитэ ньургуһунан хайдах эмтэниэн сөбүй? Бу туһунан айылҕаттан айдарыылаах норуот эмчититтэн туоһуластыбыт. Юлия Юрьевна Николаева – норуот эмчитэ, “Арчы дьиэтин” иһинэн үлэлиир өбүгэ үгэһин, сиэрин-туомун дьоҥҥо тарҕатар,...
Тааттаҕа музей тэриллиитэ
Куорат олоҕо | 14.05.2022 | 15:00
Тааттаҕа музей тэриллиитэ
Кэлэр сэрэдэҕэ, ыам ыйын 18 күнүгэр, аан дойдуга Музей күнэ бэлиэтэнэр. Быйыл Таатта улууһугар кыраайы үөрэтэр музей тэриллибитэ 77 сыла.   Музей тэриллиитэ норуодунай худуоһунньук И.В. Попов аатын кытта ыкса ситимнээх. Дэгиттэр дьоҕурдаах, хас да экспедицияҕа сылдьыбыт (бастакы Сибиряковскай экспедиция 1894-96 сс.), баай матырыйаалы муспут буолан да буолуо, 1938 с. саҕалаан...
Сааскы Ньукуолун — күөххэ үктэнии өрөгөйө
Тускар туһан | 20.05.2022 | 14:00
Сааскы Ньукуолун — күөххэ үктэнии өрөгөйө
Ыам ыйын 22 күнэ – сааскы Ньукуолун. Кыһыҥҥы Ньукуолун ахсынньы 19 күнүгэр бэлиэтэнэр (День святого Николая Чудотворца) Таҥара дьиэтин  бырааһынньыга.   Саха дьонугар былыр-былыргыттан сааскы Ньукуолун күнэ олус ытыктанар, улахан суолталаах, күүтүүлээх. Бу күн уһун кыһыны этэҥҥэ туораан, күөххэ үктэнии үөрүүтэ-өрөгөйө буолар. Мөккүөрдээх соҕус да буоллар, бу күнү сорохтор өссө саха...