Оҕолоох ыалларга сарсын босхо юридическай консультациялары ыытыахтара

Сарсын, сэтинньи 20 күнүгэр, Бүтүн Арассыыйатааҕы Оҕоҕо быраап боппуруоһугар көмөнү оҥорор күнүнэн, Арассыыйаҕа Дьиэ кэргэн сылынан СӨ Юстицияҕа судаарыстыбаннай кэмитиэтин тэрээһининэн оҕолоох ыалларга босхо консультациялар ыытыллыахтара.
Бу күн сарсыарда 09.00 чаастан киэһэ 17.00 чааска диэри туһааннаах тэрилтэлэр элбэх оҕолоох, оҕолорун соҕотоҕун иитэр, эпэкиинниир о.д.а. оҕолоох ыалларга босуобуйа, оскуола, уһуйаан, субсидия, сир учаастагын ылыы о.д.а. боппуруостарыгар босхо консультациялары ыытыахтара.
Тэрээһиҥҥэ кыттар тэрилтэлэр:
- СӨ үлэ уонна социальнай сайдыы министиэристибэтэ;
- СӨ тутуу уонна олорор дьиэ судаарыстыбаннай хонтуруолун управлениета;
- Үөрэх управлениета
- Олох-дьаһах сыһыаннаһыыларыгар департамент;
- Баай-дуол, сир сыһыаннаһыыларыгар департамент;
- Эпиэкэ уонна бэпэчиитэлистибэ департамена;
- Биэнсийэ уонна социальнай страховкалааһын пуондатын салаата;
- СӨ Адвокатскай палаатата.
Буолар сирэ: Аммосов уул., 18, «Мои документы» («МФЦ РС(Я)» Бириэмэтэ: сарсыарда 09:00 чаастан киэһэ 17:00 чааска диэри
Ол туһунан СӨ Юстицияҕа судаарыстыбаннай кэмитиэтэ иһитиннэрэр.