SMART-поликлиника үлэҕэ киирэрэ чугаһаата

Гагарин уокуругар Дьокуускай куоракка саамай улахан –  куорат 2 №-дээх поликлиникатын алта мэндиэмэннээх саҥа куорпуһун тутуу 55% бэлэм. Бу бээтинсэҕэ эбийиэккэ ититии холбонон, тутааччылар ис үлэҕэ киирэллэр.

Бүгүҥҥү күҥҥэ алта мэндиэмэннээх баараҕай эбийиэги таһынан эстакада, алта массыына киирэр сылаас тохтобул тутуллубуттар. Бэлиэтээн эттэххэ, бырайыак Саха Өрөспүүбүлүкэтин бырабыыталыстыбатын уонна «ВИС» бөлөх судаарыстыбаннай – чааһынай кыттыгас үбүлээһинэринэн олоххо киирэр. Манна «ВИС» чааһынай инвестор эбийиэги тутууну таһынан магнитнай-резонанснай томографтар, үрдүк кылаастаах сыыппара УЗИлар, рентгент, эндоскопия, маммография, флюорография оборудованиеларын курдук технологиянан уонна оборудованиенан хааччыйыыга эппиэттээх. Ол курдук саҥа поликлиникаҕа диагностическай комплекс буола тутуллан, «Доруобуйа» национальнай бырайыак сыалыгар толору сөп түбэһэр, диэн иһитиннэрэр Ил Дархан уонна Бырабыыталыстыба пресс-сулууспата.