01.05.2021 | 09:46

Уопсастыбаннай сэбиэт дьэллик ыттар боппуруостарын быһаарарга көмөлөһүө

Дьокуускай куоракка кыылларга эппиэтинэстээх сыһыан баар буоларыгар Уопсастыбаннай сэбиэт тэриллиэҕэ.
Уопсастыбаннай сэбиэт дьэллик ыттар боппуруостарын быһаарарга көмөлөһүө
Ааптар: Киин Куорат
Бөлөххө киир

Уопсастыбаннай сэбиэккэ киирэргэ нэһилиэнньэттэн сайаапкалары хомуйуу саҕаланна. Манна уопсастыбаннай тэриллиилэр, коммерческай уонна коммерческайа суох тэрилтэлэр, волонтердар уонна куорат олохтоохторо кыттыахтарын сөп. Сайаапкалары Олох-дьаһах коммунальнай хаһаайыстыбатын департамена ыам ыйын 14 күнүгэр диэри хомуйар.

Бу сэбиэти тэрийэргэ Олох-дьаһах коммунальнай хаһаайыстыбатын департамена этии киллэрбитэ. Сэбиэт бэрэссэдээтэлинэн куорат баһылыгын ОДьКХ боппуруостарыгар солбуйааччыта үлэлиэҕэ. Ону сэргэ сэбиэккэ Уокуруктааҕы дьаһалта структуралаах салааларын салайааччылара, территориальнай салайар уорганнар уонна бэрэстэбиитэллэрэ, уопсастыбанньыктар киириэхтэрэ.

Уопсастыбаннай сэбиэт харамай эйгэтин уонна дьиэ кыылларын  кыһалҕаларын, доруобуйаларын көрүүгэ-истиигэ уонна дьэллик кыылларга киһилии сыһыаннаһыы боппуруостарынан, ону сэргэ нормативнай бырааптары бэлэмнээһининэн, этиилэри киллэриинэн дьарыктаныаҕа. Сүрүн хайысхатынан куорат уулуссаларыгар дьэллик ыттар ахсааннарын хонтуруоллуур буолуоҕа.

Ыт ытырда диэн үҥсүү аҕыйаҕа суохтук бэлиэтэнэр. Статистика көрдөрөрүнэн, үксүн хаһаайыннаах эрээри босхо сылдьар ыттар дьоҥҥо саба түһэллэр эбит. Дьокуускай куорат Доруобуйа харыстабылыгар управлениетын дааннайдарынан, 2021 сыл саҥатыттан кулун тутар ыйга диэри ыт ытырбытын туһунан 113 үҥсүү киирбит, олортон 72-тэ хаһаайыннаах, 41-рэ – дьэллик ыт.

Дьиэ кыылын иитэр дьон эппиэтинэстэрин үрдэтэр сыаллаах үгүс өйдөтөр үлэ барыахтаах. Чип туруоруу, учуокка ылыы, регистрациялааһын хайаан да ыытыллыахтаах.

Улахан болҕомтону чааһынай дьиэлэргэ, даачаларга, харабыл ыттаах тэрилтэлэргэ уурар тоҕоостоох. Ону тэҥэ ыттарын босхо ыытар уонна быраҕар дьону эппиэтинэскэ тардан ыстарааптыыр миэрэ киирэрэ уолдьаста.

Сонуннар

Ордук ааҕаллар

Биир санаанан салайтаран
Дьон | 19.01.2023 | 13:00
Биир санаанан салайтаран
Норуот сомоҕолоһуута, биир санааланыыта – олохпут сарсыҥҥыга эрэллээх буолуутун олуга. Хаһыаппыт бүгүҥҥү нүөмэригэр Ытык Күөл бөһүөлэгэр түөлбэнэн үлэни салайар бастыҥ уопсастыбанньык, олоххо көхтөөх позициялаах Агафья Савватееваны кытта кэпсэтэбит.
Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
«Сатал» кыһалҕатын быһаарар былаан оҥоһулунна
Сытыы муннук | 20.01.2023 | 13:00
«Сатал» кыһалҕатын быһаарар былаан оҥоһулунна
«Киин куорат» хаһыат ааспыт нүөмэригэр «Сатал» түөлбэҕэ тахсыбыт саахал туһунан суруйан турабыт. Тохсунньу тоһуттар тымныыта саамай муҥутаан турар кэмигэр аны маннык быһылаан хатыламматын, дьон дьиэтэ, гарааһа хам тоҥмотун туһугар олохтоохтор сүрүннүүр бөлөх тэринэн, Ил Дархаҥҥа тиийэ сурук суруйдулар.   Дьокуускайга кытыы түөлбэлэри, тыа хаһаайыстыбатын, атыыны-эргиэни уонна урбааны сайыннарыыга куорат баһылыгын солбуйааччы...
Мөлүйүөҥҥэ тиийэ иликпит
Сонуннар | 21.01.2023 | 17:00
Мөлүйүөҥҥэ тиийэ иликпит
Сахастат 2022 сыл түмүгэр 2021 сыллаахха ыытыллыбыт (2020 сыллаахха ковид ыарыынан сибээстээн көспүтэ) нэһилиэнньэ биэрэпиһин барыллааһын түмүгүн таһаарбыта.  Саха сирин нэһилиэнньэтин ахсаана: 995,7 тыһ. киһи  (2022 сыл тохсунньу 1 күнүгэр 992 115 киһи этэ)