26.05.2022 | 19:00

Уокка сиэтиини эмтиир матырыйаал

(оскуола оҕото айан таһаарда)
Уокка сиэтиини эмтиир матырыйаал
Ааптар: Розалия ТОМСКАЯ
Бөлөххө киир

Өрөспүүбүлүкэтээҕи лицей үөрэнээччитэ Уруйаана Сокольникова Н.И. Лобачевскай аатынан Бүтүн Арассыыйатааҕы научнай конференцияҕа үһүс миэстэни ылла. Кини ХИФУ Наукатын дьиэтин уонна “Сириус. Лето” федеральнай барыгыраама кыттыгастаах ыытар “Полимердар уонна композиттар” куруһуокка дьарыктанан оҥорбут бырайыагын көмүскээтэ.

Уруйаана Сокольникова - Өрөспүүбүлүкэтээҕи лицей 10-с кылааһын үөрэнээччитэ:

– Мин дакылаатым полилактидтан оҥоһуллубут пленка физико-механическай өрүттэрин чинчийии туһунан этэ.

Кылгастык быһаардахха, биһиги полилактидтан 10, 100 уонна 200 микрометр халыҥнаах пленкалары оҥорон, “матрикс дермального эквивалента” диэн тирии бааһыгар туһалаах матырыйаалы таһаарбыппыт. Маныаха биһиги “экструзия” диэн оҥорон таһаарыы бэрт уустук технологиятын туһаммыппыт.

Алта араас халыҥнаах пленка көрүҥүн таһааран баран, Shimadzu диэн анал массыынаҕа физико-механическай кыаҕын үөрэппиппит уонна 10 мкм халыҥнаах пленка ордук барсарын быһаарбыппыт. Бу пленка уунаҥнас уонна бөҕө-таҕа. Төһө да чараас буоллар, структурата сааһыламмыт буолан, кытаанах.

***

Уруйаана Намтан төрүттээх, 9 кылааһын Нам улуустааҕы гимназиятыгар бүтэрэн баран, Өрөспүүбүлүкэтээҕи лицей биолого-химическэй кылааһыгар туттарсан киирбит. Үөрэх дьыла саҕаланыаҕыттан “Полимердар уонна композиттар” куруһуоктарыгар утумнаахтык дьарыктанар. Инникитин химик-технолог идэтин талар былааннаах.

 

Уруйаана Сокольникова бырайыага уокка сиэтии бааһыгар улахан төһүү буолар кэскиллээх. Синтетика матрикс уонна клеточнай компонент холбоһуктара буолан, уокка буһууну эмтииргэ медицинэҕэ хото туттуллуон сөп. Бу матырыйаал аһаҕас бааһы сыһыарар, тирии туох да бээтинэтэ уонна чэрэ суох оһоругар көмөлөһөр кыахтаах диэн кэпсиир.

Эдэр чинчийээччигэ бырыайыагын сайыннарарыгар ситиһиилэри баҕарабыт!

Сонуннар

Ордук ааҕаллар

Дьоҕур-талаан арыллыыта
Спорт | 26.01.2023 | 18:00
Дьоҕур-талаан арыллыыта
Дьиҥинэн, Орто дойдуга кэлбит киһи барыта туохха эрэ дьоҕурдаах, талааннаах. Дьэ, ол арыллара, туттуллара дэбигис кыаллыбат. Ону үрдүк үөһээ айыыларбыт бэйэлэрэ быһааран эрдэхтэрэ. Биллэн турар, улаханнык сыраластахха, күнү-дьылы бараатахха, сүрэхтээх-бэлэстээх, туруу үлэһит, айылҕаттан айдарыылаах буоллахха эрэ дьоҕур, талаан кэлиэн сөп. Дьөгүөр Картузов, дьэ, кырдьык, айылҕаттан хатаҕаламмыт киһи. Тыа киһитин сиэринэн...
Сардаана Токоемова:  «Иистэн дуоһуйууну ылабын...»
Дьон | 28.01.2023 | 16:00
Сардаана Токоемова: «Иистэн дуоһуйууну ылабын...»
Иис сахаларга урут-уруккуттан хааммытыгар баар. Билигин биһиги ортобутугар талааннаах иистэнньэҥнэр, норуот маастардара аҕыйаҕа суохтар. Кустуктуу субуллар оһуор быысапкалары, сахалыы тыынынан илгийэр кылтан, сиэлтэн оҥоһуктары, туостан көбүөрдэри, сэлээппэлэри, халадаай былаачыйалары, оноолоох соннору, хаһыаччыктары о.д.а. саха дьахталлара ис сүрэхтэриттэн тигэллэр. Бу тигиилэргэ төһөлөөх дууһа сылааһа ууруллубута буолуой диэн киһи сөҕө эрэ саныыр....
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Куорат олоҕо | 01.02.2023 | 17:00
«Прометей» оскуолатыгар сахалыы иитиини туруорсар төрөппүт кэккэтэ кэҥиир
Дьокуускай куорат историятыгар аан бастаан 990 миэстэлээх улахан оскуола аны күһүн үлэҕэ киириэхтээх.  990 миэстэ диэн бырайыактаммытынан уйунар кыаҕа буоларын өйдүөххэ наада. Киин куораппытыгар миэстэ тиийбэт кыһалҕата баарын тухары оскуолаларбыт 2-3 төгүл ноҕоруускалаах, иккилии симиэнэнэн үлэлии олоруохтара турдаҕа. Онон бу саҥа оскуолаҕа балтараа тыһыынчаҕа тиийэ оҕо үөрэнэрэ буолуо диэн барыллаан...
Көмө мүнүүтэ да тохтообот
Дьон | 03.02.2023 | 12:00
Көмө мүнүүтэ да тохтообот
Аҕа дойду Улуу сэриитин кэмигэр Саха сирин дьоно-сэргэтэ төһө да тыһыынчанан килэмиэтиринэн ыраах олордоллор, өйдөрө-санаалара Кыайыы эрэ туһугар сытара. Биир дойдулаахтарбыт харчынан, облигациянан, үрүҥ көмүһүнэн, кыһыл көмүһүнэн, балыгынан, күндү түүлээҕинэн о.д.а. көмөнү хара көлөһүннэрин тоҕон туран фроҥҥа ыыппыттара. Ийэлэрбит, эбэлэрбит ыарахан үлэлэрин быыһыгар төһөлөөх кээнчэни, үтүлүгү тигэн ыыппыттарай! Дэлэҕэ сэрии...