18.12.2022 | 13:00

Улуу худуоһунньуктар хартыыналара — оҕо кыраҕы хараҕынан

Леонардо да Винчи, Рафаэль, Пикассо хартыыналарын худуоһунньук эрэ барыта хатылыан, кистэлэҥнэрин арыйыан баҕарар. Аан дойду чулуу айымньыларын таабырынын оҕолор кытта таайарга холоноллор.
Улуу худуоһунньуктар хартыыналара — оҕо кыраҕы хараҕынан
Ааптар: Айыына КСЕНОФОНТОВА
Бөлөххө киир

Соторутааҕыта Хатастааҕы Оҕо искусствотын оскуолатын “Живопись” салаата тэрийэн ыыппыт “Картины великих художников глазами детей” аһаҕас дистанционнай күрэҕэ түмүктэннэ. Үһүс төгүлүн ыытыллыбыт куонкурус сыл аайы кыттааччыта элбээн, далааһына кэҥээн иһэр. Быйыл Алдан, Амма, Бүлүү, Үөһээ Бүлүү, Мииринэй, Өймөкөөн, Өлүөхүмэ, Томпо, Усуйаана, Чурапчы, Хаҥалас, Кэбээйи, Уус Алдан, Мэҥэ Хаҥалас улуустарыттан уонна Дьокуускайтан, Табаҕаттан уонна Хатастан барыта 156 оҕо кытынна. Бу сырыыга оҕолор ийэ уобараһын үйэтиппит чулуу үлэлэри бэйэлэрин көрүүлэринэн тиэрдэргэ холоннулар.

“Эдэркээн худуоһунньуктар улуу маастардар үлэлэрин үтүктэллэрэ дьоҕурдарын, сатабылларын сайыннаралларыгар олус наадалаах. Үөрэх кыһаларыгар маннык практика мээнэҕэ киирбэтэх буолуохтаах. Тоҕо диэтэххэ худуоһунньуктар былыр-былыргыттан куоппуйаларынан үөрэнэллэрэ, оннук ойуулуур-дьүһүннүүр искусство уопсай быраабылаларын, сокуоннарын уонна ньымаларын баһылыыллара. Күрэххэ кыттыбыт оҕолор үлэлиир кэмнэригэр улуу маастардартан элбэххэ үөрэммит буолуохтаахтар диэн эрэнэбит”, – диэтилэр тэрийээччилэр.      

Куонкуруска киирбит үлэлэри СӨ култууратын туйгуна, Арассыыйа Худуоһунньуктарын сойууһун чилиэнэ, В. Васильев аатынан бириэмийэ лауреата, П.П. Романов аатынан Дьокуускайдааҕы художественнай училище живописька салаатын сэбиэдиссэйэ Мария Николаевна Иннокентьева уонна СӨ култууратын туйгуна, ДьХУ декоративно-прикладной искусствоҕа уонна норуот оҥоһуктарыгар салаатын сэбиэдиссэйэ Нюргустана Владимировна Филиппова сыаналаатылар. Кинилэр кыттааччылар таһымнара үрдүгүн бэлиэтээтилэр, эдэркээн худуоһунньуктарга айар үлэнэн салгыы дьарыктаналларыгар, уруһуй күрэхтэригэр инникитин да кытта туралларыгар баҕа санааларын тиэртилэр. Дьүүллүүр сүбэ үрдүкү кылаас үөрэнээччилэрэ үчүгэйдик бэлэмнэнэн, П.П. Романов аатынан Дьокуускайдааҕы художественнай училищеҕа туттарсан киирэллэригэр сүбэлээтэ.

Тэрийээччилэр куонкуруска оҕолору көҕүлээн кытыннарбыт преподавателлэргэ, салайааччыларга барҕа махталларын биллэрдилэр.

Худуоһунньук норуоттар икки ардыларынааҕы күнүгэр уонна СӨ Ийэ сылыгар аналлаах куонкуруска киирбит уон бастыҥ үлэни үөрэ-көтө бэчээттиибит. Көрүҥ, сэргээҥ.

ГРАН-ПРИ – Карина Наумова, 16 саастаах
Эмиль Мюнье «Нежные объятия», 1887 с.
Хатастааҕы Оҕо искусствотын оскуолата. 
Уһуйааччы: Макарова С.М. 
Вероника Шилова, 12 саастаах
Пабло Пикассо «Мать и дитя», 1902 с.
Депутатскайдааҕы Оҕо искусствотын оскуолата, Усуйаана улууһа. Уһуйааччы: Сивцева А.А.
Диана Загорулько, 11 саастаах
Г. Климт «Три возраста женщины», фрагмент «Материнство», 1905 с.
Депутатскайдааҕы Оҕо искусствотын оскуолата, Усуйаана улууһа. Уһуйааччы: Фролова  И.Г.
Сахаайа Гуринова, 10 саастаах
Рафаэль Санти «Сикстинская мадонна», 1513с.    
Светлэйдээҕи Оҕо искусствотын оскуолата, Мииринэй улууһа.
Уһуйааччы: Яковлева Н.М.
Марина Лыткина, 11 саастаах
Афанасий Осипов «Хозяйка очага» левая часть триптиха «В краю предков», 1971 с.
Депутатскайдааҕы Оҕо искусствотын оскуолата, Усуйаана улууһа. Уһуйааччы: Сивцева А.А.
Фая Мостахова, 14 саастаах
Леонардо да Винчи «Мадонна Литта», 1481-1495 сс.
М.Е. Николаев аатынан Өктөмнөөҕү научнай үөрэтэр киин, Хаҥалас улууһа.
Уһуйааччы: Слепцова И.И.
Полина Оконешникова, 14 саастаах
Владимир Маковскай «Свидание матери с сыном», 1883с.
Сангаардааҕы Оҕо искусствотын оскуолата, Кэбээйи улууһа.
Уһуйааччы: Оконешникова Н.С.
Амелия Полятинская, 9 саастаах
Кузьма Петров-Водкин «Мать», 1915 с.
Бэрдьигэстээхтээҕи Оҕо искусствотын оскуолата, Горнай улууһа. 
Уһуйааччы: Васильева А.В.
Алина Старостина, 16 саастаах
Висенте Ромеро Редондо «Материнская забота» 
А.А. Черемных аатынан Амматааҕы Оҕо искусствотын оскуолата
Уһуйааччы: Жиркова К.Н.
Любомир Степанов, 14 саастаах
Иван Горюшкин-Сорокопудов «Мать с ребенком», 1910-сс.
Хатастааҕы Оҕо искусствотын оскуолата 
Уһуйааччы: Егорова Е.П.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...