Токсиннартан ыраастанабыт уонна ырабыт

Интэриниэт ситимигэр хайдах ырабыт, токсиннартан хайдах босхолонобут, доруобуйабытын хайдах тупсарынабыт, чөлүгэр түһэрэбит диэн тиэмэҕэ сүбэ арааһа баар. Сорох сүбэ судургу, сорох уустук, эбэтэр дэҥҥэ көстөр састааптаах буолар. 
Бүгүн фитотерапевтар биир судургу сүбэлэрин кэпсиибит. Бэйэҕит доруобуйаҕыт туругун учуоттаан туһаныаххытын эбэтэр туһаныа суоххутун сөп. Ол хас биирдии киһи бэйэтин көҥүлэ. 
Медиктэр сарсыарда булгуччу аһыыр наадалааҕын этэллэр. Сарсыардааҥҥы аһылык туһалаах, иҥэмтэлээх буолара ордук дииллэр. Фитотерапевтар маннык састааптаах сарсыардааҥҥы аһылыгы сүбэлииллэр:
-2 остолобуой ньуоска эбиэс көмнөҕө (хлопья)
-300 мл сыата суох йогурт
-3 устуука чернослив
-чаайынай ньуоска 1/3 какао бороһуок
-1 чаайынай ньуоска илдьиритиллибит лен сиэмэтэ

Бэлэмнээһинэ:
Барытын киэһэттэн бэлэмниибит. Черносливы 100 мл оргуйбутунан ууга хаппахтаан туран 10 мүнүүтэ паардыыбыт. Эбиэс көмнөҕүн (хлопья), илдьиритиллибит лен сиэмэлэрин уонна какао бороһуогу йогурту кытта булкуйабыт. Черносливпытын итии ууттан хостуубут, сойутан баран кыра гына кырбыыбыт уонна састааппытыгар эбэн биэрэбит. Хаппахтаан баран сарсыардааҥҥа диэри холодильникка туруорабыт. Сарсыарда аһыахпыт чаас аҥаара иннинэ холодильниктан таһаарабыт. 
Фитотерапевтар этэллэринэн, итинник сарсыарда аайы оҥостон истэххэ, токсиннар тахсаллар, оһоҕос ыраастанар, ас буһарар систиэмэ үлэтэ тупсар, 3-5 киилэ ыйааһын түһэр, ону тэҥэ  тирии туруга тупсар, оннооҕор төбө ыарыыта, умнуган буолуу ааһар үһү. 
Боруобалаабыт дьон бастакы үтүө түмүк нэдиэлэ курдугунан биллэр диэн суруйаллар.