Тэстибит бассейн быраҕыллыбат

Куйаас күннэргэ итииттэн быыһанаары кыралыын, улаханныын бары сөрүүн ууга сөтүөлээн сөрүүкүүбүт. Үгүс дьон олбуордарыгар бассейн ылан туруораллара элбээтэ. Бу бастатан туран, оҕолорго куттала суох, уута ыраас, түргэнник сылыйар, ыраах сөтүө сирин көрдүүр наадата суох. Үрүллэр эбэтэр каркаснай бассейн сыаната кээмэйиттэн, көрүҥүттэн араас буолар. Өскөтүн тэһиннэҕинэ саҥаны атыылаһарга ханнык баҕар ыалга ыарахан. Онон, төһө кыалларынан өрөмүөннүү сатыыбыт. Онно анаан туһалаах сүбэлэри таһаарабыт.

Үгүс фирма бассейннарыгар өрөмүөннүүргэ бэлэм набордар угуллаллар. Оннук бүппүт буоллаҕына, балыксыттарга аналлаах маҕаһыынтан эрэһиинэ лодканы өрөмүөннүүр набор ылыахха сөп.

Манна бэлэм набор сакаастыахха сөп:

Yandex.market 69-1710 солк.

Wildberris 274-790 солк

Ozon.ru 370 -680 солк.

Атыыласпыт дьон сайтка суруйалларынан, үчүгэйдик сыстыбат. Ол эрэн, мин санаабар быраабыла тутуһар оруннаах. Холобура, клей эбэтэр бэйэтэ клейданар абырах сыһыарыах иннинэ бассейны хайаан даҕаны сууйуллуохтаах, кураанах гына сотуллуохтаах уонна сыата-арыыта суох гына уксуһунан эбэтэр водканан куурдуллуохтаах. Абырах иһинэн эрэ буолбакка, таһыттан эмиэ сыһыарыллар. Клей аччаабыта 24 чаас кэриҥэ кууруохтаах. Клейдэнэр сир көнө сиргэ ууруллуохтаах уонна үрдүтүгэр ыарахан ыйааһынынан баттатыллар.

Арай итинник наборга итэҕэйбэт буоллаххытына маннык сүбэ:

Ханнык баҕар эрэһиинэ кырыйабыт (оҕо оонньуура, урукку устар круг  эбэтэр үрүллэр матрас) уонна эрэһиинэ Момент клей эбэтэр силикон клейинэн сыһыарабыт. Эмиэ икки өттүттэн. Онтон дьөлөҕөс олус кыра буоллаҕына герметик даҕаны барсар.

Каркаснай бассейн тэстибит сирин хайдах булабыт?

Анал кырааскалыыр расствор ылабыт. Бу ньыманан тэстибит сир түргэнник көстөр. Онтон таһыттан элбэх кир мустубут сириттэн булаллар.

Үрүллэр бассейн тэстибит сирин хайдах булабыт?

Бассейнмытын үрэбит уонна мыылалаах уунан сотобут. Маннык ньыманан салгын тахсар сиригэр мыльнай раствор төгүрүктэрэ ордук үллэллэр. Арай тэстибит сирбит олус улахан буоллаҕына? Эрдэ этиллибитин курдук, эрэһиинэ тыы өрөмүөннүүр наборун ылабыт. Эбэтэр бассейнмытын шиномонтаж диэки илдьэбит. Манна шина өрөмүөннүүр вулканизация маастардара барытын оҥорон биэриэхтэрэ.

Бассейн өр туһалыырын туһугар:

Оҕолор уһуктаах оонньууру илдьэ киирбэттэр.

Кыыллары бассейҥҥа киллэрбэппит.

Кыһыҥҥы кэмҥэ ыраах ууруох иннинэ бассейн хайаан даҕаны кууруохтаах, күүскэ кумалаабаппыт.

Сайын олус өр кэмҥэ күннээх сиргэ туруорбаппыт. Итииттэн эрэһиинэтэ сымныыр, ордук кэбирэх буолар. Ол иһин күлүктээх сиргэ туруорабыт, эбэтэр навес ыйыыбыт.

Маннык гыналлар эбит