28.10.2022 | 11:00

«Танцор диско»

«Танцор диско»
Ааптар: Арсен Михайлов
Бөлөххө киир

Алтыска үөрэнэ сылдьабыт. Ыкса күһүн, физкультура уруога бүтэһигинэн буолар. Уруок бүтэһигэр стройдуугун, "рассчитайся" буолаҕын, ол кэннэ тарҕаһаҕын.

Виктор Михайлович стройдатан баран: "Бүгүн индийскэй киинэ буолар, "Танцор Диско" – сүрдээх үчүгэй киинэ, көрөөрүҥ»,- диэн тарҕаталаата. Кылааска тиийэн таҥна турдахпытына Киэһэппий: "Мин былырыын маамабын кытары улахан дьон киинэтигэр сылдьан көрбүтүм. Мощнай киинэ, Джимми диэн алдьархай охсуһуук, ырыаһыт уол туһунан", - диэн кэпсээн бөҕөтө.

Киинэбит 4 чаастан буолар. Алик миигинэн таарыйаар диэбитин иһин киниэхэ таарыйан, лааппыга сылдьан кисель ылан, кулууппутугар кэллибит. Бары да бастаан сылдьабыт быһыылаах, индийскэй киинэҕэ.

Дьэ, киинэбит туох да ааттаах бэрт эбит. Ырыа да ырыа, светомузыка дьиримнээн олорор, охсуһуу да охсуһуу. Соҕотоҕун "толпаны" сынньан кэбиһэр, киһини үөрдэр да, ытатар да түгэннэрдээх.

Сарсыныгар оҕо бары "Танцор Диско" эрэ туһунан кэпсэтэр, впечатление бөҕө. Кыргыттар уруогу быһа саппыыска суруйсан, бэйэ-бэйэлэригэр бырахсаллар. Биир сурук көтөн истэҕинэ саамай уһуммут Киэһэппий перехваттаан ылла, кыргыттар "Биэр!" дэһэллэр. Биһиги киһибит туох да иһин биэрбэт. Ордук Саргы көрдүүр, учуутал замечание биэрэн тохтотто.

Дьэ, перемена буолла, саппыыска былдьаһыыта буолла. Киэһэппий доргуччу ааҕа-ааҕа куотар, кэнниттэн үөр кыыс сырсар. Хайа эрэ муннукка хаайаллар, ону атын уолга быраҕан биэрэр, онто салгыы доргуччу ааҕа-ааҕа куотар. Хас перемена аайы хатыланар, бүтэһигэр саппыыска ис хоһоонун оскуола бары биллэ. Саргы суруйбут: "Я люблю петь и танцевать индийские песни и танцы, когда стану взрослой – выйду замуж за индийца". Дьэ, биһиги маны ааҕа-ааҕа алларастаһыы бөҕө, Индия киһитигэр кэргэн тахсар буолбут диэн.

Ол курдук, бастакы көрбүт индийскэй киинэбит үчүгэй өйдөбүлү хаалларбыта.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Бэс ыйыгар Ленин болуоссата тутуллан бүтүөҕэ
Сонуннар | 13.05.2024 | 13:58
Бэс ыйыгар Ленин болуоссата тутуллан бүтүөҕэ
Ленин болуоссатыгар сотору муусукалаах, араас өҥнөөх фонтаннар, түүҥҥү уоттаах сцена, 13 миэтэрэ үрдүктээх сэргэлэр о.д.а. баар буолуохтара диэн суруйан турабыт. Бу күннэргэ фонтан эркинин оҥоруу бүтэн, түгэҕин бастакы араҥа билиитэлэрин кута сылдьаллар. Ол курдук, «Сэттэ» тутуу хампаанньатын маастара Иван Кузьмин иһитиннэрэринэн, технологическай тутуу эркинин оҥоруу бүтэн, билигин фонтан түгэҕин бастакы...