ТҮРГЭН САЛААТТАР

“Венеция” салаат

Састааба: Ыыһаммыт халбаһы – 100 г, кытаанах сыыр – 150 г, оҕурсу – 1 уст, моркуоп – 1 уст, кукуруза – 1 бааҥка, майонез – 100 г.

Аспытын барытын уһун синньигэс гына кырбастыыбыт. Остуолга уурарга салаат сэбирдэҕин үрдүгэр өрөһөлүү кутабыт.

“Иэйии” салаат

Састааба: хаппыыста – 300-400 г, ыыһаммыт халбаһы – 200 г, чеснок – 3 өлүүскэ, петрушка – 3 салаа, майонез – 100 г, туус.

Барытын тэҥ гына кырбаан, майонеһынан тумалаан баран бытархай гына кырбаммыт петрушканан киэргэтэбит. 

1 мүнүүтэлээх салаат

Састааба: крабовай палочка – 1 пачка, сухарик – 40 г, кукуруза – 1 бааҥка, пекинскэй хаппыыста – 200-300 г, кытаанах сыыр – 200 г.

Крабовай палочканы, хаппыыстаны, сыыры түөрт муннуктуу бытархай гына кырбыыбыт. Остуолга ууруохпут иннинэ эрэ майонезтыыбыт.

Кукурузалаах салаат

Састааба: кукуруза – 300 г, кытаанах сыыр – 200 г, майонез – 3 ост. нь.

Бу салаакка сымыыты эрэ буһарабыт, кыра гына кырбыыбыт. Сыыры теркалыыбыт. Барытын холбоон майонеһынан тумалыыбыт.

Краб салаата

Састааба: крабовай палочка – 200 г, сыыр – 200 г, помидор – 2 устуука, майонез – 100 мл.

Помидору чараас өлүүскэлэргэ бысталыыбыт. Сыыры уонна крабовай палочканы кубиктыы кырбыыбыт, чесногу бытархай гынабыт. Майонезтыыбыт. Бу салааты ордук эр дьон астыналлар.

“Түргэн” салаат

Састааба: ыыһаммыт халбаһы – 150 г, кытаанах сыыр – 100 г, сымыыт – 2 устуука, бөдөҥ моркуоп – 1 устуука, майонез – 2 ост. нь., чеснок – 1-2 өлүүскэ, хара биэрэс, күөх от – ким хайдах сөбүлүүрүнэн.

 Моркуобу уонна сыыры теркалыыбыт. Сымыыппытын иһиккэ ытыйан баран хобордооххо икки устуука блины курдук ыһаарылаан ылабыт. Халбаһыны, сымыыттан оҥорбут блиныларбытын уһун синньигэс гына бысталыыбыт. Майонезтаан, чесноктаан, араас оттоон биэрэбит.