18.02.2023 | 18:00

Саха гимназиятыгар Аҕа сыла биллэрилиннэ

Саха гимназиятыгар Ийэ сылын түмүктүүр, ону таһынан Арассыыйаҕа – Педагог уонна уһуйааччы, Өрөспүүбүлүкэҕэ – Үлэ, гимназияҕа – Аҕа сылын арыйыы үөрүүлээх тэрээһинэ үрдүк таһымҥа ыытылынна.
Саха гимназиятыгар Аҕа сыла биллэрилиннэ
Ааптар: Надежда Жерготова, «Үктэл» эдкор куруһуок салайааччыта
Бөлөххө киир

Оҕону таба иитии – төрөппүт дьоло буоларын бэлиэтээн туран, ааспыт үөрэх дьылыгар «Дьиэ кэргэн – оҕо сайдар тирэҕэ» сылы биллэрэн үлэлээбиппит үтүө түмүктэрдээх буолла. Сыл устата хас биирдии дьиэ кэргэҥҥэ ураты болҕомто уурулунна. Ол курдук үөрэнээччи тус былааныгар, бириэмэтин аттарынарыгар, эбии дьарыгар болҕомто уурарыгар, ону таһынан тас эйгэҕэ кыттан ситиһиилээх буоларыгар ураты ньыманы булан үлэлээһин тиһигин быспакка салҕанан бара турар.

Сыллааҕы иитэр үлэ былаанын чэрчитинэн сиэри-туому тутуһуннарар соруктаах үлэ бара турар. Өрөспүүбүлүкэ 100-сыллаах үбүлүөйүн күргүөмнээхтик бэлиэтээн, Сахабыт сирин историятын дириҥник үөрэтэр-чинчийэр үлэлэр түмүктэринэн биирдиилээн кылаастар анал хомуурунньуктары бэчээттээн таһаардылар, хас бирдии дьиэ кэргэн тэрээһиннэргэ көхтөөхтүк кытынна.

Гимназия дириэктэрэ, Саха Өрөспүүбүлүкэтин үөрэҕириитин үтүөлээх үлэһитэ, педагогическай наука кандидата Валентина Васильевна Софронеева эҕэрдэ этиитигэр ааспыт үөрэх дьылыгар Ийэ уонна дьиэ кэргэн сылларынан үөрэтэр-иитэр үлэ сөптөөх хайысханан ыытыллыбытын, элбэх дьиэ кэргэн хабыллан үлэлээбитин, бырайыак сыалын-соругун толору ситиспитин, оскуолаҕа ордук Аҕа сүбэтэ ситимнээх үлэтин, сонун бырайыактары олоххо киллэрэрин, үлэлэрэ киин куоракка эрэ буолбакка, бүтүн өрөспүүбүлүкэҕэ тарҕанарын бэлиэтээн туран, Саха гимназиятыгар 2023 сылы Аҕа сылынан биллэрдэ.

Аҕа сылын Үөрүүлээх бэлиэтин Аҕа сүбэтин бэрэссэдээтэлэ Егор Егорович Жерготов уонна кини солбуйааччыта, актыыбынай аҕа, куорат Аҕаларын сүбэтин толорооччу дириэктэрэ Яков Тимофеевич Оконешников туттулар.

Ыҥырыылаах ыалдьыт, «Арассыыйа ийэлэрэ» Бүтүн Арассыыйатааҕы хамсааһын Саха сиринээҕи салаатын бэрэссэдээтэлэ Прасковья Петровна Борисова бэйэтин эҕэрдэтигэр сүрүн болҕомто кыыс оҕо уонна ийэ доруобуйатыгар уурулларын, сүнньүнэн саҥа бырайыактар былааннаммыттарын бэлиэтээн туран, онно актыыбынайдык кыттарга ыҥырда.

Бу бэлиэ түгэни бигэргэтэн, Саха гимназиятын Аҕа сүбэтин ансаамбыла анал футболкалаах тахсан, «Аҕам алааhа» ырыанан эҕэрдэлээбиттэригэр бука бары ылластылар.

Маны таһынан Киин уокурук дьаһалтатын салайааччыта Юрий Робертович Семенов, «Адгезия» тутуу тэрилтэтин сүрүн дириэктэрэ, элбэх оҕолоох улахан дьиэ кэргэн аҕата Ариан Иванович Габышев, Саха сирин Аҕаларын холбоһугун толорооччу бэрэссэдээтэлэ, төрөппүт Петр Петрович Черкашин кыттыыны ыллылар.

Петр Петрович оскуола үөрэнээччилэрэ эт-хаан өттүнэн сайдалларыгар улахан болҕомто уурулларын, спорт араас көрүҥнэригэр уһулуччу ситиһиилээх спортсменнар баалларын, сыл аайы учууталларга анаан «Дириэктэр Кубога» анал спартакиада ыытылларын биһириирин биллэрдэ уонна оҕолор бары эргиччи сайдыылаах, күүстээх-уохтаах буоллуннар, «Көтөр мээчик» күрэххэ өссө үрдүк ситиһиилэнниннэр диэн туран оскуола дириэктэрэ Валентина Васильевнаҕа волейбол мээчиктэрин туттарбыта дохсун ытыс тыаһынан, махтал тылларынан доҕуһуолланна.

  Түмүккэ гимназия элбэх оҕолоох ийэлэрин ансаамбылын толоруутугар ылбаҕай ырыа, нарын хамсаныылаах үҥкүү, Егор Жерготов эҕэрдэ хоһооно, ону сэргэ оскуола дириэктэрэ Валентина Софронеева тылларыгар уонна матыыбыгар «Ахтылҕан» диэн истиҥ-иһирэх ырыа мустубут дьону барыларын долгутта.

Бу курдук оҕо-учуутал-төрөппүт тутуспутунан биллэриллибит бэлиэ сылга үтүө түмүктээх буолалларыгар баҕарабыт.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...