04.05.2021 | 19:22

Саҥа мобильнай сыһыарыы ОДьКХ үлэтигэр көмөлөһүө

Дьокуускай куоракка намыһах сирдэртэн уонна суоллартан чалбаҕы оборторор үлэни хонтуруоллуур, сакаастыыр мобильнай сыһыарыы баар буолуоҕа. Бу бородууксуйаны «Soft Group» хампаанньа үлэһиттэрэ оҥоро сылдьаллар.
Саҥа мобильнай сыһыарыы ОДьКХ үлэтигэр көмөлөһүө
Ааптар: Киин Куорат
Бөлөххө киир

Баһылык Евгений Григорьев айар хамаанданы кытта көрсүһүүгэ саҥа бырагыраама анал тиэхиньикэ ханна үлэлии сылдьарын көрдөрүөҕэ диэн бэлиэтээтэ. Онуоха GPS датчик уонна ГЛОНАСС систиэмэ ирдэммэт, смартфон баар буоллаҕына сөп.

Хампаанньа бэрэстэбиитэлэ Дмитрий Дмитриев сервис ханнык анал тиэхиньикэ симиэнэҕэ тахсыбытын, ханна сылдьарын, хайысхатын, хас килэмиэтири барбытын көрдөрөр буолуоҕа диэн кэпсээтэ.

“Үлэни сүрүннүүр тэрилтэ салайааччыта маны барытын сыһыарыы нөҥүө көрө олорор кыахтаныаҕа”, – диэн быһаарда. Аны туран, ким баҕарар чалбаҕы хачайдыыр АСМ анал тиэхиньикэни сакаастыырыгар көмөлөһүө.

Айар хамаанда специалистар сүбэлэрин, этиилэрин учуоттуохтара, сыһыарыы үлэтин ситэрэн, тупсаран биэриэхтэрэ.

“Сервис туттарга балачча табыгастаах, үлэни чэпчэтэргэ көмөлөһүө. Наада буоллаҕына, эбии-сабыы киллэриллиэ, өссө намыһах сирдэр испииһэктэрэ көстөр буолуоҕа. Биһиги куораппытыгар оннук 400 кэриҥэ сир баар”, – диэтэ Евгений Григорьев.  

Бу күннэргэ хампаанньа итэҕэстэри-быһаҕастары көннөрөр, эбии компоненнары киллэрэр. Сыһыарыы икки нэдиэлэнэн үлэлиирэ былааннанар.  

Сонуннар

Ордук ааҕаллар

Ким? Төһө? Туохха?
Сонуннар | 17.02.2024 | 12:00
Ким? Төһө? Туохха?
Ааҕааччыларбытын кытта Сахастат ааспыт 2023 сыл түмүгүнэн таһаарбыт өрөспүүбүлүкэбит социальнай-экономическай туругун кэккэ чахчыларын кытта үллэстэбит.
Ийэлиин кэпсэтии...
Сонуннар | 16.02.2024 | 18:30
Ийэлиин кэпсэтии...
Анал байыаннай дьайыы тиэмэтин суруйарбар төрөппүтү, ийэни, аҕаны кытта кэпсэтэр ордук ыарахан. Кэпсэтэ олорон бөтө бэрдэрэн, оҕотун санаан, аһынан тохтоон, хараҕын уутун соттон, ол быыһыгар, кини туһунан кэпсиэхтээҕин, кини дьоруойун бар дьон билиэхтээҕин санаан, күүстээх санаатын, тулуурун киллэрэн эмиэ саҥарбытынан барар. Биир сөҕөрүм диэн, маннык кэпсэтиилэргэ биир да төрөппүт, уолаттар...
Ыар сүтүк
Дьон | 17.02.2024 | 16:00
Ыар сүтүк
Үүммүт саҥа сылга Баатара нэһилиэгэ уонна Мэҥэ Хаҥалас улууһа эрэ буолбакка, бүттүүн өрөспүүбүлүкэ ыар сүтүктэннэ.