29.06.2022 | 10:18

Үөрэхтээһин управлениетын начаалынньыга Мария Петрова: “Биһиэхэ эдэр каадырдар наадалар”

Үөрэхтээһин управлениетын начаалынньыга Мария Петрова: “Биһиэхэ эдэр каадырдар наадалар”
Ааптар: Киин Куорат
Бөлөххө киир

Дьокуускай куорат уокуруктааҕы дьаһалтатын Үөрэхтэһиҥҥэ управлениетын начаалынньыгынан соторутааҕыта анаммыт Мария Петрова киин куоракка үөрэх сайдыытын туһунан көрүүлэрин үллэһиннэ: Биһиэхэ эдэр каадырдар наадалар, кинилэр инникитин оҕону иитэр үчүгэй учуутал буола үүнүөхтэрэ. Билигин үөрэхтээһин туһунан сокуоҥҥа кэккэ уларыйыылар киирдилэр, онно олоҕуран, үһүс куурус устудьуоннара оскуолаҕа быраактыкаларын ааһан баран, салгыы дуогабарынан үлэлии хаалыахтарын сөп буолла.

Саха өрөспүүбүлүкэтин Ил Дарханын ыйааҕынан, 2030 сылга диэри биһиги 17 тыһыынча үөрэх миэстэтин уонна 5 тыһыынча учууталларга үлэ миэстэтин оҥоруохтаахпыт. Ол иһин билигин эдэр педагогическай үөрэхтээх каадырдары оскуолаҕа ыҥырарбыт наада, ол туһугар устудьуоннары кытта үлэ барыахтаах”.

Салайааччы бэлиэтииринэн, үөрэхтээһин сокуонугар уларыйыыга олоҕуран, устудьуоннар үөрэнэ сылдьан учууталлыыр кыахтаныахтара. “Биллэн турар, маныаха настаабынньыктар оруоллара улахан буолуоҕа. Холобур, билиҥҥи кэмҥэ Дьокуускайга 240 настаабынньык үлэлиир. Кинилэр эдэр үлэһиттэри уонна устудьуоннары кытта ыкса алтыһаллар, көмө, өйөбүл буолаллар, - диир Мария Петрова.

Арассыыйаҕа кэлэр 2023 сыл Педагог уонна настаабынньык сылынан биллэриллэр буолбутун туһунан Үөрэхтээһин управлениетын начаалынньыга маннык санаалаах: “Биһиги бу сонуну истэн сүргэбит көтөҕүлүннэ. 2010 сыл Учуутал сыла этэ. Онно учууталлар үгүс өйөбүлүнэн туһаммыттара, уопсастыбаҕа учуутал оруола өссө бигэргэммитэ. Учуутал өйдөбүлүгэр эбии үөрэхтээһин, музыкальнай уонна художественнай үөрэхтээһин уһуйааччылара эмиэ киирэр буоллулар. Үөрэх хаачыстыбатын кытта учуутал аата тэҥҥэ таһыма үрдээн иһиэхтээх дии саныыбын”.

Дьокуускай куорат Үөрэхтээһиҥҥэ управлениета начаалынай кылаас учууталларын форумун ыытыаҕа. Билигин Дьокуускайга 740 начаалынай кылаас учуутала үлэлиир. Учуутал уопсай ахсаана – 4300, кинилэр 50 625 оҕону үөрэтэллэр.

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Оҕуруотчут кистэлэҥнэрэ
Тускар туһан | 23.05.2024 | 18:00
Оҕуруотчут кистэлэҥнэрэ
Кылгас, ол эрээри өҥүрүк куйаас сайыннаах Сахабыт сиригэр эгэлгэ сибэккилэри, оҕуруот аһын арааһын үүннэрэн ылабыт. Сылтан сыл аайы соҕуруу дойдуга силигилии үүнэр сонун үүнээйилэр көрүҥнэрин олордон,  тиэргэммит, дьиэбит  кэрэ көстүүлэнэр, ону тэҥэ оҕуруот аһыттан, отонноох талахтартан кэнсиэрбэлэри, хомпуоттары оҥосторбут элбээтэ.    Бастыҥ тиэргэннээх  хаһаайка Мин бүгүн сайыҥҥы сырал күннэргэ ис сүрэхтэн...