Өрөбүллэргэ ханна бараҕыт?

Сэргэхсийэ таарыйа, тыйаатырга барыах

Алтынньы 28 күнүгэр Дьокуускайга Аҕыйах ахсааннаах хотугу норуоттар тыйаатырдара Семен Ермолаев  айымньытынан  «Хуума» испэктээги туруорар.

«Хуума» – Саха сирин төрүт омуктарын киэн туттар айымньылара.  Үһүйээҥҥэ улахан таба ыстаадатын туһунан кэпсэнэр, хотугу норуоттар олохторо-дьаһахтара ойууланар.

Туруорааччы режиссер – Сергей Потапов

Уус-уран салайааччы – Любовь Никитина

Билсэр төлөпүөн:  45-06-46, +7 (914) 234-38-00, +7 (984)112-18-80.

Алтынньы 28 күнүгэр Эстрада тыйаатыра «Үлэ үөһүгэр таптал» диэн музыкальнай испэктээги көрдөрөр. Испэктээк «Служебный роман» киинэ тахсыбыта 45 сылыгар ананар.

Уус-уран салайааччы – Мария Герасимова

Билсэр төлөпүөн:  +7 (914)-274-43-30

Алтынньы 28 күнүгэр Нуучча тыйаатырын сыанатыгар Пушкин айымньытынан “Капитанская дочка” испэктээк буолар. Режиссер Андрей Борисов тиэкиһин, сюжетын уларыппакка олус итэҕэтиилээхтик туруорбут. Сэрии да толоонугар сиэрдээх быһыы-майгы, чиэс уонна таптал баар!

Кэнсиэр буолар дуо?

Саха Өрөспүүбүлүкэтин үтүөлээх артыыһа, эстрада ырыаһыта, «Кинотавр-2020» номинациятын кыайыылааҕа Валентина Романова-Чыскыырай алтынньы 28 күнүгэр «Сэргэлээх уоттара” култуура киинэгэр «Саха дьахтара» кэнсиэригэр ыҥырар.

Ыытааччы – Александр Бурнашов

Режиссер – Амгалена Нотара

Билсэр төлөпүөн:  +7 (914)-274-43-30

Саха тыйаатырын сыанатыгар алтынньы 29-30 күннэригэр киэһээ 16:00 уонна 19:00 ч. сылын ахсын ыытыллар «Саҥа хаар» маҥнайгы хаары уруйдуур улахан гала-кэнсиэр түһүлгэтигэр ыҥыраллар. Кэнсиэркэ Владимир Татаринов, Сахая, Өркөн, Далаана, Ника уо.д.а. кытталлар.

Ыытааччылар – Василена Шарина уонна Александр  Максимов.

Билиэти Яндекс портал афишатыттан атыылаһыахха сөп.

Алтынньы 28 күнүгэр «Сэргэлээх уоттара” култуура киинигэр сылын ахсын ыытыллар «Күһүҥҥү киһи күлбүтүнэн»  дьоро киэһэ буолар.

Эһиэхэ бу эрэ күн өрөспүүбүлүкэ араас улуустарыттан көр-күлүү маастардара кыттыыны ылыахтара: Валентина Чиркова, монолог мохсоҕоло  Альберт Михайлов, «Көөчөөн көрө”, “Сыралҕан”, “Дьиикимдэ дьээбэлэрэ” уо.д.а.

Билсэр төлөпүөн:  + 7 (924)-165-95-04

Саха киинэтин таптааччыларга

Буруолуу сылдьар сахалыы киинэлэртэн биирдэстэрэ – «Күннэй”. Дьокуускай куорат бары киинэ тыйааатырдарыгар алтынньы 27 күнүттэн көстө турар. Бэлиэтээн эттэххэ, бу киинэ «Саха» НКИХ «Мин таптыыр спутнигым» сериал салгыыта буолар, ол да буоллар сериалы көрбөтөх да киһи киинэ ис хоһоонун тута өйдүүр.

Режиссер – Елена Эверстова

Алтынньы 30 күнүгэр «Республика» саалаҕа «Проклятый Хомус” “ужас” киинэ көстөр.

Киинэ туһунан кылгастык кэпсээтэххэ, дэриэбинэҕэ Сардаана диэн ааттаах эдэр учуутал кыыс хантараагынан үлэлии тиийэр. Тиийэн, Ньургуну кытта билсэр. Ньургун аҕата музей үлэһитэ, биир үтүө күн уолун харабыллата ыҥырар...

Режиссер – Петр Хики

Куорат бары киинэ саалаларыгар “Зина & Леха: Операция «Хвост и вымя» аныгы олоҕу хайдах баарынан ойуулаан көрдөрөр бэрт сэргэх, киһини олус күллэрэр киинэ көстө турар. Көрө иликтэр хайаан да сылдьыҥ, олоххутун уһатыҥ диэн сүбэлиибит!

Режиссер – Роман Дорофеев