24.11.2022 | 15:00

Промышленнай уокурук олохтоохторун ыра санаалара туолла

Промышленнай уокурук олохтоохторун ыра санаалара туолла
Ааптар: Киин Куорат
Бөлөххө киир

Сэтинньи 22 күнүгэр Промышленнай уокурукка киин куорат баһылыгын солбуйааччы Антон Алексеенко Дзержинскэй уул., 40/3, Федор Попов уул., 16/3  дьиэтин олохтоохторун кытта көрүстэ. Манна тиэргэннэри тупсарыы бырагырааматынан элбэх үлэ ыытылынна, сакаасчытынан “Главстрой” МХТ, бэдэрээтчитинэн “Основа” ХЭТ буоллулар.

Олохтоохтору кытта көрсүһүүгэ Антон Алексеенко быйыл хаһааҥҥытааҕар да элбэх, 75 тиэргэн өрөмүөннэммитин, ол барыта 100 тыһыынча кв. миэтэрэттэн тахса иэннээх сир буоларын бэлиэтээтэ.

 «Сүрүн үлэ барыта, ол иһигэр аспааллааһын, спортивнай бүрүөһүннэри тэлгэтии, бордюрдары ууруу түмүктэннэ. Дьоҕус архитектурнай формалары тиэйэн аҕалыыга мэһэйдэр үөскээннэр графиктан кыратык хаалыы баар”, –  диэтэ баһылык солбуйааччыта.

Бу үлэ барыта 3 сыл мэктиэлээх. “Главстрой” МХТ муниципальнай сакаасчыт быһыытынан үлэни тутууга, хонтуруолга, аакталары оҥорууга уонна итэҕэстэри-быһаҕастары туоратыыга болҕомтотун уурар. Гарантияҕа олоҕуран, ситэ оҥоһуллубатах уонна бытархай ситэрии барыта кэмигэр оҥоһуллара ирдэнэр.

Баһылык солбуйааччыта олохтоохторго тугу бэлиэтии көрбүттэрин, итэҕэстэри туоратыыга этиилэрин хорсуннук киллэрэн иһэллэригэр сүбэлээтэ. Маныаха олохтоохтор Управаларыгар иһитиннэриилэрин киллэриэхтээхтэр.

Бэдэрээтчит “Основа” ХЭТ бэрэстэбиитэлэ Ньургун Яковлев иһитиннэрбитинэн, Дзержинскэй уул., 40/3 аадырыһыгар тиэргэни тупсарыы үлэтэ атырдьах ыйыгар саҕаламмыт. Саҥа бырайыакка олоҕуран, оҕо балаһааккатын иэнэ биллэ кэҥэтиллибит. Итиэннэ олохтоохтор баҕалара учуоттанан, массыына парковкатын кэҥэппиттэр. Тупсарыы үлэтэ барыта кэмигэр түмүктэннэ, үлэ болдьоҕун кэһии улаханнык тахсыбатах.

 

Уокурук олохтооҕо Галина Коновалова бэдэрээти толорбут тэрилтэ үлэни барытын кэмигэр толорбутун таһынан, олус хаачыстыбалаахтык үлэлээтилэр диэн хайҕаата:

— Өрөмүөн бара турар кэмигэр биһиги, таһынааҕы дьиэ олохтоохторо, бары кыттыспыппыт, санаабытын, баҕабытын барытын этэн испиппит. Ону барытын учуоттаабыттарыгар, биллэн турар, махталбыт улахан. Дьокуускай дьаһалтатыгар уонна Уокурукпут салалтатыгар олус махтанабыт. Билигин аны оҕо балаһааккатын таһынан ааһар суолга массыыналар түргэннэрин намыратар курдук, суолга анал оҥоһуулары тэлгииллэрин туруорсабыт.

 

Федор Попов 16/3 аадырыһыгар олорор дьон ааттарыттан Валентина Бястинова тыл эттэ:

— Биһиги ыытыллыбыт өрөмүөнтэн олус астынныбыт. Күн аайы хайдах үлэлээбиттэрин көрөн олордубут. Эппиэтинэстээхтэрин уонна үрдүк хаачыстыбалаахтык үлэлээбиттэрин сөбүлээтибит. Оҕо балаһаакката тупсубутун таһынан, суол кытыыта барыта тэҥнэннэ, массыыналар сырыыларын бытаардар “полицейскайдар” кытта баар буолбуттара үчүгэй.

Сонуннар

Ордук ааҕаллар

Замполит Александр:  «Эр санаалаах боотурдары төрөтөр Саха сиригэр сүгүрүйэбин»
Дьон | 12.07.2024 | 12:00
Замполит Александр: «Эр санаалаах боотурдары төрөтөр Саха сиригэр сүгүрүйэбин»
Бу сурук кэлбитин туһунан миэхэ Уус Алдан улууһун социальнай политика салаатын үлэһитэ, хаһыаппар сырдаппыт, анал байыаннай дьайыы саҕаланыаҕыттан үлэлии сылдьар Наталья Охлопкова от ыйын 3 күнүгэр эрийэн, хаһыаккар таһаарыаҥ дуо диэбитин тута сөбүлэспитим. Онон, сурук хайдах баарынан тылбаастаан, ааҕааччыларбар тиэрдиэм, Саха сирэ дьоруойдарын билиэхтээх!   “Наталья, дорообо! Мин аатым Александр. Мин...
Мария Мигалкина:   «Кэлии сиэмэлэринэн үлүһүйүмэҥ»
Дьон | 19.07.2024 | 10:00
Мария Мигалкина: «Кэлии сиэмэлэринэн үлүһүйүмэҥ»
Мин бүгүн ааҕааччыларбар, ордук хаһаайкаларга, 35 сыл үлэлээбит уопуттаах агроном, билигин биэнсийэлээх, дойдутугар сайылыы сылдьар Мария Семеновна Мигалкинаны кытта тэлгэһэтигэр тиийэн, үүнээйитин, сибэккитин көрө-көрө, дуоһуйа, астына кэпсэттим.   Сибэккигэ уоҕурдууну хото туттабын Бастатан туран ааҕааччыларга циния диэн сибэкки туһунан кэпсиэҕим. Урут биһиги “Циния обыкновенная” диэни олордор этибит, билигин “Циния кустовая” диэн...
Дьулустаан Ноговицын: ДЬУЛУС! ТУЛУС! КЫАЙ!
Дьон | 11.07.2024 | 10:00
Дьулустаан Ноговицын: ДЬУЛУС! ТУЛУС! КЫАЙ!
«Киин куорат» хаһыат бүгүҥҥү ыалдьыта – Туймаада туонатын Үрүҥ Тунах ыһыаҕын «Дыгын оонньуулара» күөн-күрэһин Таас Боотура, быйылгы күрэх муҥутуур кыайыылааҕа Дьулустаан Ноговицын.   Дьулустаан Ноговицын: – Дьокуускай куорат 1№-дээх баһаарынай чааһын байыаһа, төрөппүттэригэр соҕотох уол, эдьиийигэр быраат, тапталлаах кэргэн, үс оҕо амарах аҕата; – Мас тардыһыытыгар Саха Өрөспүүбүлүкэтин, Арассыыйа уонна аан...
Изабелла Попова: Сүрэхпэр сөҥөрбүт дьүөгэлэрим
Дьон | 19.07.2024 | 12:00
Изабелла Попова: Сүрэхпэр сөҥөрбүт дьүөгэлэрим
Арассыыйа үөрэҕириитин туйгуна, Саха сирин үөрэҕириитин бочуоттаах үлэһитэ, хас да кинигэ ааптара Изабелла Ильинична Попова бүгүн өрөгөйдөөх үбүлүөйүн көрсө өссө биир кинигэтин сүрэхтиир. Дьэ, кырдьык, сүрэхтиир... Сүрэҕин сылааһын иҥэрбит кинигэтин!   Ахтар-саныыр дьүөгэлэрим, Аламаҕай сэгэрдэрим, Саһарҕалаах сарсыардабын Сандаарытар куоларым!   Сүр... Сүрэх, сүрдээх, сүрэхтиир... Сахабыт тыла барахсан тугун бэрдэй! Биир тылтан силистэнэн-мутуктанан...