Паасха үтүө үгэстэрэ

Паасха –  былыргы уонна кэрэхсэнэр бырааһынньыктартан биирдэстэрэ. Хайдах да уустук кэмҥэ олорбуттарын иһин, православнай итэҕэллээх норуот христианскай бырааһынньыгы көтүппэт этэ. Ыраас эбэтэр Улуу чэппиэр быйыл муус устар 29 күнүгэр түбэстэ. Бу эмиэ үйэлэри нөҥүөлээн кэлбит туспа үгэстэрдээх.

Аныгы үйэҕэ итэҕэлиттэн тутулуга суох дьон Паасханы дьиэ кэргэн бырааһынньыгын курдук ылынар, үөрэ-көтө көрсөр, кулич астыыр, сымыыт кырааскалыыр. Бүгүн Паасха күнүн көрсө дьон сөбүлээн астыыр аһын ырысыабын саныахха.

6 кулич тахсар:

Үүт – 500 мл

Бурдук – 1 киилэ

Ынах арыыта – 200 г

Саахар – 300 г

Сымыыт – 6 устуука

Доруоһа – 12 г

Изюм – 275 г

Ванилиннаах саахар – 1 ч.нь.

Туус – 0.25 ч.нь.

Тиэстэҕитин доруоһа эбэн таһаараҕыт, бары састаабын кутаҕыт. Илиигитинэн көпсөркөй гына мэһийэҕит, пуормаларга быһаҕас гына кутаҕыт. Сылаас сиргэ өссө төгүл үллүөр диэри туруора түһэн баран, духуопкаҕа быһа холоон 35 мүнүүтэ 180 кыраадыска буһараҕыт. Куличтаргыт сойбуттарын кэннэ сөбүлүүргүтүнэн киэргэтэҕит.