17.07.2021 | 11:30

От ыйын уларыйыылара

От ыйын уларыйыылара
Ааптар: Розалия Томская
Бөлөххө киир

Коронавирус кэннэ
диспансеризация

Коронавирустан өрүттүбүт дьоҥҥо дириҥэтиллибит диспансеризация ыытыллыаҕа. Икки түһүмэҕинэн барыаҕа. Бастакы түһүмэххэ хроническай инфекционнайа суох ыарыыларга бэрэбиэркэлиэхтэрэ, манна сэттэ чинчийии киириэхтээх. Иккис түһүмэххэ диагнозтары чуолкайдааһын ыытыллыахтаах – үс чинчийии киирэр.

Медицинскэй чинчийии түмүгэр ханнык эмэ ыарыы көһүннэҕинэ, ыарыһаҕы диспансернай учуокка туруоруохтаахтар. Туһааннаахтарга медицинскэй көмө уонна реабилитация оҥоһуллуохтаах.

Дойду бэрэсидьиэнэ В.В.Путин бу соругу от ыйын 1-кы күнүттэн толорон барарга соруйбута. Диспансеризация бу ыйтан саҕаланна.

 

Социальнай реклама дэлэйиэхтээх

Интэриниэт ситимигэр реклама 5 бырыһыана социальнай хайысхалаах буолуохтаах. Маннык ирдэбиллэр телевидениенэн уонна баннердарынан бэриллэр рекламаҕа эмиэ турдулар.

Дьокуускайга социальнай рекламалаах баннердар номнуо баар буоллулар.

 

ИП-лартан кассовай
тиэхиньикэ ирдэнэр

Үлэ дуогабарынан үлэһиттэрэ суох предпринимателлэр, бэйэ оҥорон таһаарар бородууксуйатын атыыга таһааралларыгар, араас өҥөнү оҥороллоругар хонтуруоллуур кассовай тиэхиньикэлээх буолаллара булгуччу ирдэнэр буолла.

Гражданнары регистрациялааһын түргэтээтэ

От ыйыттан гражданнар кэлбит сирдэригэр регистрацияланаллара түргэтээтэ. Регистрациялыыр уорган биир күн иһигэр (урут үс күн этэ), сайаапка киирээтин кытта, гражданнары кэлбит сирдэринэн бэлиэтиэхтээх уонна регистрацияламмытын туһунан сибидиэтэлистибэ туттара охсуохтаах буолла.

 

Гаджеттарга бэйэ сыһыарыылара

От ыйын 1-кы күнүттэн араас гаджеттары оҥорон таһаарааччылар тэрилгэ баар браузерга Арассыыйаҕа оҥоһуллубут поисковигы туруорар эбээһинэстэннилэр.

Гражданин атыыласпыт гаджетынан туттарыгар, бэйэтин дойдутун поисковигынан туһаныахтаах.  Оннук бэйэ сыһыарыыта суох гаджеты атыылаабыт хампаанньалар административнай эппиэтинэскэ тардыллар буоллулар. Дуоһунастаах сирэйдэртэн 30-50 тыһ. солк., хампаанньалартан – 50-200 тыһ. солк.

 

Тыа хаһаайыстыбатыгар өйөбүл

Аграрийдар от ыйыттан регион иһигэр биллэриллэр ыксаллаах быһыы-майгы олохтонуутуттан тыа хаһаайыстыбатын страховкалааһын дуогабарын түһэрсэр кыахтаннылар. Саҥа сокуон старховкаланааччыга субсидия кээмэйин эмиэ чопчулуохтаах.

 

Дьарыктаах буолуу биир кэлим реестрэ

От ыйыттан дьарыктаах буолуу биир кэлим реестрэ цифровой платформаҕа олохтонно. Манна гражданнар туһааннаах үлэ миэстэтин, оттон үлэһиккэ наадыйааччылар каадырдары булар кыахтаныахтара. Маннык тэйиччиттэн олорон үлэ уонна дьарыктаах буолуу кииннэригэр илэ көрсүһэн ыытыллар үлэ тэҥинэн барыахтара.

 

Уһук Илин гектарын ылар сир кэҥээтэ

Уһук Илин гектарын биэрэр регионнар ахсааннарыгар Мурманскай уобалас, Ненецкэй автономнай уокурук уонна Ямало-Ненецкэй автономнай уокурук  киирдилэр. Маны тэҥэ Красноярскай кыраай 23 муниципалитетыгар, Архангельскай уобаласка, Коми өрөспүүбүлүкэтигэр уонна Карелияҕа сир ылыахха сөп буолла. Чуолкай ханнык сирдэри биэрэллэрин олохтоох былаастар бэйэлэрэ чопчулуохтаахтар.

Бастакы алта ый устата, ол аата 2021 сыл иккис аҥаарын устата, биир гектар сири олохтоох пропискалаах эрэ дьон ылар бырааптаахтар. Оттон 2022 сыл олунньутуттан  - ким баҕалаах сир ылар кыахтанар.

 

Саанан-саадаҕынан эргинии быраабылата кытаатар

Сааны-саадаҕы харайыы быраабылаларын кэһии иһин, бу от ыйытан саҕалаан ыстараап 10 тыһ. солк. тиийдэ. Эбэтэр буруйдаах саатын былдьатан, сааны-саадаҕы тутар бырааба 3 сылга тиийэ быһыллыан сөп буолла.

Росгвардия соторуднигын ирдэбилин толорботох юридическэй сирэй 500 тыһ. солк. тиийэ ыстарааптаныан сөп.

 

Шахтердарга
медицинскэй болҕомто

Сир анныгар үлэлиир шахтердарга хас симиэнэ аайы медицинскэй чинчийии олохтонно. Маны таһынан диспансеризация, профилактическай чинчийиилэр киириэхтэрэ.

 

Баһаарынай суох буоллаҕына компенсация

Баһаарынайдар, таможня үлэһиттэрэ, холуобунай систиэмэ, накаастабыл систиэмэтин үлэһиттэрэ олохтон туоруур түгэннэригэр дьиэ кэргэттэрэ ый аайы ылар компенсацияланар буоллулар. Компенсация кээмэйэ суох буолбут киһи хамнаһын уонна иитэр киһитэ суох хаалбыт дьон биэнсийэлэрин арытын толорон биэрэр сыаллаах ааҕыллыаҕа.

 

Туристарга кешбэк уонна саҥа ирдэбиллэр

От ыйыттан Арассыыйаҕа сынньанар устудьуоннарга уонна оскуола үөрэнээччилэригэр, чуолаан “Россия – страна вохможностей” куонкурус кыайыылаахтарыгар, кешбэк кэлэн түһэр буолла. Маныаха 2 млрд. солк. көрүлүннэ.

Краснодарскай кыраайга бары гостиницалар уонна санаторийдар сынньана кэлээччилэр ПЦР-анаалыс эбэтэр быһыыны ылбыттарын туһунан ыспыраапкалаах кэлэллэрэ булгуччулаах буолла.

 

Чэпчэтиилээх ипотека

От ыйыттан чэпчэтиилээх ипотека усулуобуйата уларыйан, аны 2017 сылтан бэтэрээ төрөөбүт биир да оҕолоох  ыал 6 бырыһыаннаах ипотеканы, 12 мөл. солкуобайга тиийэ ылар кыахтанна.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...