Олимпиадаҕа Саха сирин спортсменнара ханнык күннэргэ кыттыахтарай?

От ыйын 26 күнүттэн Парижка Олимпийскай оонньуулар саҕаланнылар. Күрэхтэһиилэргэ Арассыыйаттан кыттар 15 спортсмен кэккэтигэр Саха сириттэн 4 тустуук уонна 1 сүүрүк бааллар. Кимнээх уонна хаһан кытталларын ааҕыҥ уонна ыалдьарга бэлэмнэниҥ.
Тустууга Европа чөмпүйүөнэ Владимир Егоров Македония аатыттан 57 киилэҕэ диэри ыйааһыҥҥа атырдьах ыйын 8 күнүгэр киирсэр.
Эмиэ көҥүл тустууга Азия вице-чөмпүйүөнэ, Таджикистан аатыттан кыттар Виктор Рассадин 74 киилэҕэ диэри ыйааһыҥҥа атырдьах ыйын 9 күнүгэр киирсиэҕэ.
Кыргызстан спордун үтүөлээх маастара, Азиатскай оонньуулар призера тустуук Айаал Лазарев Олимпийскай оонньууларга 125 киилэҕэ киирсэр. Кини ыйааһыныгар квалификационнай раунд атырдьах ыйын 9 күнүгэр буолуоҕа.
Көҥүл тустууга Океания чөмпүйүөнэ Георгий Окороков 65 киилэҕэ диэри ыйааһыҥҥа Австралия аатыттан атырдьах ыйын 10 күнүгэр кыттыаҕа.
Оттон сүүрүк кыыспыт Сардаана Трофимова Кыргызстан аатыттан Олимпийскай оонньууларга атырдьах ыйын 11 күнүгэр марафоҥҥа (42 килэмиэтири) сүүрүөҕэ.