01.11.2021 | 12:00

Үүнэ, сайда тур, тапталлаах куораппыт!

Үүнэ, сайда тур, тапталлаах куораппыт!
Ааптар: Айыына ДОНСКАЯ
Бөлөххө киир

Быйыл балаҕан ыйын 8 күнүгэр Ил Дархан Айсен Николаев «СӨ киин куората – Дьокуускай куорат 2032 сылга диэри сайдыытын туһунан» Ыйаахха илии баттаабыта. Докумуон Дьокуускай куорат уонунан сылларга инники сайдар кэскилин түстүүр. Ити – Хоту сир куоратыгар табыгастаах уонна бигэ туруктаах эйгэни тэрийии, куорат инфраструктуратын хаачыстыбатын үрдэтии, уопсастыбаннай тырааныспар куттала суох систиэмэтин оҥоруу, нэһилиэнньэ олоҕун тупсарыы, киин куорат күүһүн-уоҕун бөҕөргөтүү буолар.

 

Баай, дириҥ устуоруйалаах куораппыт кэнники кэмҥэ балысханнык сайдар. Хайа да кэмҥэ, ханнык да сылга Дьокуускай куораппыт кэрэтик көстөр. Иллэҥсийбиччэ, сылааһынан илгийэр, урукку кэмҥэ төннөрөр ырыаҕа ылланардыы «саһарбыт хаартыскалары» көрөн харахпытын сымнатыаҕыҥ, аныгы куораты көрөн сүргэбитин көтөҕүөҕүҥ.

Быйыл алтынньы 7 күнүттэн Ленин проспегын хапытаалынай өрөмүөнэ саҕаламмыта. Бырайыак быһыытынан, 2021 сылга Ленин проспегар бэлэмнэнии үлэ ыытыллар, ону сэргэ Кулаковскай уулуссатыттан Киров уулуссатыгар диэри 820 м уһуннаах, 20 тыһ. кв. м. тахса иэннээх учаастак сирэ оҥоһуллуохтаах, 1640 м уһуннаах кабельнай канализация тардыллыахтаах, инженернэй коммуникациялар, таһынааҕы гаас ситимнэрэ таһаарыллыахтаахтар, тутуу матырыйааллара уонна конструкциялара атыылаһыллан кэлиэхтээхтэр. Хапытаалынай өрөмүөн – «Куттала  суох уонна хаачыстыбалаах суоллар» национальнай бырайыак чэрчитинэн саамай киэҥ хабааннаахтара буолар. 

Автодорожнай уокурук Крупскай уулуссатыгар, «Теплай» күөл кытылыгар Ыччат скверэ баар буолла. Саҥа уопсастыбаннай миэстэ бэлэсипиэт парковкалаах, доруобуйаларыгар хааччахтаах дьоҥҥо анаан пандустаах.

Куораппытыгар оптуобус сылаас тохтобуллара элбээн иһэллэр, былаан быһыытынан 100 сылаас тохтобул буолуохтаах. Бүгүҥҥү күҥҥэ икки сылаас тохтобулга тыа хаһаайыстыбатын бородууксуйатын маҕаһыына үлэлиир, сотору кэминэн атын тохтобулларга эмиэ арыллыахтара.

Автодорожнай уокурук «Прометей» дьоҕус оройуонугар 2019 сыл бэс ыйын 1 күнүгэр муусукалаах, уоттаах фонтаннаах тапталлаахтар Сквердэрэ арыллыбыта.

Куораппыт тупсан, киэркэйэн иһэринэн киэн тутта, харыстабыллаахтык сыһыаннаһан, инники сайдар кэскилигэр сэмэй кылааппытын киллэриэх тустаахпыт. 

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...