20.09.2020 | 11:19

Үүнэ, сайда, чэчирии тур, тапталлаах куораппыт!

Үүнэ, сайда, чэчирии тур, тапталлаах куораппыт!
Ааптар: Киин Куорат
Бөлөххө киир

(Куорат бырааһынньыгыттан онлайн-репортаж)

  Ааспыт нэдиэлэҕэ киин куораппыт төрүттэммитэ 388 сылыгар аналлаах бырааһынньыктааҕы култуурунай уонна тематическай тэрээһиннэр буолан аастылар. Дьокуускай куорат баһылыга Сардана Авксентьева инники үс сылы куораты Тупсарыы сылынан биллэрдэ. Онон кэлэр үс сылга тапталлаах куораппыт өссө да сайда, араас тутууларынан куорат олохтоохторун үөрдэ туруо диэн эрэниэххэ.

Быйылгы сыл тэрээһиннэрэ эпидемиологическай балаһыанньанан сибээстээн, уратытык аастылар. Ол курдук, бары аныгы үйэ ситиминэн онлайн уонна оффлайн нөҥүө ыытылыннылар. Куораттааҕы Култуура уонна духуобунай сайдыы управлениета иһитиннэрбитинэн, Дьокуускайга 122 култуурунай тэрээһин буолан ааста .114 дистанционнай уонна 8  оффлайн форматынан ыытыллыбыттар. Онлайн нөҥүө ыытыллыбыт тэрээһиннэргэ 1391 киһи кыттыыны ылбыт. Оттон оффлайн тэрээһиҥҥэ –  521 киһи.

Куорат сайдар, тупсар

    Куорат бырааһынньыктааҕы тэрээһиннэригэр элбэх социальнай эбийиэктэр үлэҕэ киирдилэр. Куорат дьоно сынньаналларыгар анаан сынньанар сирдэр баар буоллулар. Ону сэргэ Петр Бекетов уонна Семен Дежнев, Абакаяда  пааматынньыктарыгар сибэкки дьөрбөтүн куорат бас-көс дьоно уурдулар. Дьаһалта улахан саалатыгар уопсастыбаннас мунньаҕа буолан ааста. Манна куорат олоҕор, социальнай-экономическай сайдыытыгар кэккэ ситиһиилэри киллэрбит дьону чиэстээтилэр. Саха Өрөспүүбүлүкэтин Ытык Сүбэтин чилиэнэ Альбина Михайловна Лыхинаҕа “Дьокуускай куорат Бочуоттаах олохтооҕо” үрдүк аатын иҥэрдилэр. 

   Кыайыы Пааркатыгар үбүлүөйдээх Кыайыы 75 сылыгар, Саха Автономията төрүттэммитэ 100 сыллаах уонна куорат 390 сааһын үбүлүөйүн көрсө анаммыт өйдөбүнньүк стеланы туруордулар. Тэрээһиҥҥэ кыттыбыт ыҥырыылаах ыалдьыттар эйэ символа буолбут маҕан холууптары үрдүк мэҥэ халлааҥҥа үтүө санаа алгыһынан көтүттүлэр. Бырааһынньыктааҕы тэрээһин “День Победы” норуокка биллэр ырыанан түмүктэннэ. Бу паарканы тутуу үлэтэ 2022 сылга түмүктэниэхтээх. Онон куорат олохтоохторо өссө биир дьоһун тутуу олоххо киирэрин долгуйа кэтэһэбит.

  Чернышевскай уонна Краснояров уулуссалар быһа охсуһууларыгар Дьаамсыктарга анаммыт саҥа сквер үөрүүлээх аһыллыыта буолан ааста. Сквер территориятыгар дьон сынньанар сирэ олохтоохтук оҥоһуллубут, идэлээх скульптордар оҥоһуктара дьон биһирэбилин ылыан ылла. Бу сквергэ инникитин күн-дьыл алтыһыытыгар сөп түбэһэр дьаарбаҥкалар, быыстапкалар буолуохтара. Бу барыта норуот туһугар оҥоһулунна. Куорат дьаһалтатын баһылыга Сардана Авксентьева бу миэстэ куорат олохтоохторо саамай сөбүлээн сынньанар сирдэрэ буолуо диэн эрэлин биллэрдэ. Онон бүгүҥҥү күҥҥэ куораты тупсарыы, сайыннарыы үлэтэ киэҥ тэтиминэн ыытылла турар.

Библиотека онлайн тэрээһинигэр 30 тыһыынча куорат олохтооҕо кытынна

Надежда Осипова, куораттааҕы кииннэммит библиотека ситимин методиһа:

- Дьокуускай куорат төрөөбүт күнүгэ аналлаах бырааһынньыкка куораттааҕы кииннэммит библиотека ситимэ көхтөөх кыттыыны ылла. Ол курдук, куорат библиотекаларын тэрийиитинэн, уопсайа 90 араас онлайн тэрээһин буолан ааста. Виртуальнай быыстапкалар, онлайн викториналар, хоһоон ааҕыы күрэхтэрэ, куорат чулуу дьонун кытта быһа эфирдэр, куонкурустар, онтон да атын тэрээһиннэр ыытылыннылар. Онтон чуолаан «Мин куоратым саҥата» диэн бырайыакпытын чорботон бэлиэтиэхпитин баҕарабыт. Бырайыак 30-тан тахса ааҕааччыны түмтэ, кинилэр ортолоругар куорат олохтоохторо, артыыстар, актыбыыстар, оскуола оҕолоро, араас идэ бэрэстэбиитэллэрэ, поэттар тапталлаах куораппыт, ийэ дойдубут туһунан хоһоону аахтылар. Киин куорат бырайыак кыттыылааҕа, куорат баһылыга Сардана Авксентьева Василий Полятинскай «Дьоллоох куорат Дьокуускай» диэн хоһоонунан эҕэрдэлээтэ. Сүрүн тэрээһиммитинэн «Якутск на карте мира» бырайыак иһинэн ыытыллар виртуальнай экскурсиялар буоллулар. izi.travel диэн сыһыарыыга сүүрбэ араас тиэмэни хабар маршруту бэлэмнээбиппит, маршруттар хас биирдии туочукаларыгар сиһилии билиһиннэрэр аудиогид сыһыарылынна. Ааҕааччыларбыт Дьокуускай пордуттан саҕалаан, киин болуоссаттарынан, ону таһынан куорат таһыгар тиийэ баар пааматынньыктар, мемориальнай дуоскалар, уулуссалар, дьиэлэр тустарынан биһиги экскурсияларбытыттан биллилэр. Куорат библиотекалара ыыппыт онлайн тэрээһиннэригэр уопсайа 30 тыһыынчаттан тахса киһи кыттыыны ылла. Бу курдук, куораттааҕы кииннэммит библиотека ситимэ араас хайысханы хабар интэриэһинэй тэрээһиннэри ыытар, үлэбит туһунан сиһилии Сbsykt.ru библиотека сайтыгар киирэн билсиэххитин сөп.

Александр Назаров түһэриилэрэ.

Сонуннар

Ордук ааҕаллар

Былатыан Эверстов:  «Элбэх дьоҥҥо сонуну кэпсиир кыахтаах буолар — дьол»
Дьон | 06.06.2024 | 10:00
Былатыан Эверстов: «Элбэх дьоҥҥо сонуну кэпсиир кыахтаах буолар — дьол»
Хас сир аайы ураты дьон баар буолар. Кинилэр олохторун хара маҥнайгыттан атыннык олоро сатыыллар. Барыларыгар баар курдук нус-хас дьылҕаҕа дураһыйбаттар. Оннук дьикти киһинэн Дьааҥы улууһугар олорор эрээри, өрөспүүбүлүкэ, дойду, аан дойду үгүс бэлиэ спортивнай түгэннэрин көтүппэккэ хамнаһа суох сырдатар суруналыыс, киэҥ сырыылаах айанньыт, коллекционер, фотограф, спортсмен, норуот тапталын ылбыт Платон...
Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Элбэх оҕолоохторго — ураты болҕомто
Сонуннар | 06.06.2024 | 16:00
Элбэх оҕолоохторго — ураты болҕомто
2024 сыл ыам ыйын 28 күнүгэр ыытыллыбыт Ил Түмэн сэттис (уочараты таһынан) пленарнай мунньаҕар норуот дьокутааттара «Саха Өрөспүүбүлүкэтигэр элбэх оҕолоох ыал статуһун туһунан» өрөспүүбүлүкэ сокуонугар уларытыылары киллэриини өйөөтүлэр.   Санатан эттэххэ, дойду баһылыга Владимир Путин 2024 сыл тохсунньу ыйыгар элбэх оҕолоох дьиэ кэргэттэр статустарын болдьоҕо суох оҥорбута. Ол эбэтэр үс уонна...