03.08.2021 | 14:00

Минньигэстик аһааҥ

Минньигэстик аһааҥ
Ааптар: Киин Куорат
Бөлөххө киир

Елена Олесова – элбэх оҕолоох дьиэ хаһаайката. Сөбүлүүр дьарыга – иис. Бэйэтин билиитин, дьоҕурун үллэстэн, киин куорат кэрэ аҥаардарыгар маастар-кылаастары ыытар, иис-уус албастарыгар уһуйар анал оскуолалаах. Ол эрээри ханнык баҕар ийэ, дьиэ хаһаайкатын быһыытынан минньигэс аһынан күндүлүүрүн сөбүлүүр. Ырысыаптарын инстаграм страницатыгар таһаарар, ону #галереямоихрецептов хэштегинэн булуохха сөп.

Куурусса быарыттан торт

Эйиэхэ наада:

 

– 5 00 г куурусса быара;

– 2 ост. нь. сүөгэй;

– 2 уст. куурусса сымыыта;

– 80 г бурдук;

– 2 ост. нь. мас арыыта;

– Туус.

 

Ингредиеннэри барытын блендердиибит. Тахсыбыт састаабы хобордооххо блины курдук буһарабыт.

 

Начыыныгар наада:

 –   450 г моркуоп;

– 200 г эриэппэ луук;

– Туус;

– Майонез.

 

Олус минньигэс, күннээҕи аһылыгы, ханнык баҕар бырааһынньык да остуолун киэргэтэр минньигэс уонна тотоойу торт бэлэм.

 

Сгущёнкаттан быырпах

 

Эйиэхэ наада:

 

– 3 лиитэрэ сылаас уу;

– 1 бааҥка сгущеннай үүт;

– 1 ыстакаан быырпах (олох, аһытыы).

 

5 лиитэрэлээх уу иһитин ылабыт (эмалированнай көстөрүүлэ ордук). Ыйыллыбыт бордууктаны барытын кутабыт. Муос ытыгынан ытыйабыт (мас күөрчэх да барсар). Сылаас сиргэ уурабыт (сайын күүлэҕэ, тэпилииссэҕэ ууруохха сөп).

 

Пластик бытыылка үллүбүт буоллаҕына, сэрэнэн хаппаҕын арыйан салгынын таһааран баран, дьалкытан булкуйабыт. Көстөрүүлэҕэ туруордахха эмиэ кэмиттэн-кэмигэр ытыгынан булкуйа сылдьабыт.

 

Маннык быырпах 10-12 чааһынан бэлэм буолар. Иһиэх иннинэ холодильникка тутан тымнытыллар.

 

 

Ньээм-ньээм сибэккиттэн мүөт

 

Эйиэхэ наада:

 

– 400 устуука ньээм-ньээм сибэккитэ;

– 1кг саахар;

– 750 мг уу;

– 1 устуука лимон сога.

 

Сибэккилэрбитин кичэйэн сууйабыт. Уубутун кутабыт. Үрдүгэр лимон согун ыгабыт. 15 мүнүүтэ бытаан уокка оргутабыт.

 

– Оргуйбут састааппытын 1 суукка хонноробут.

– Сарсыҥҥы күнүгэр сиитэлиибит (дуршлаг). Сибэккилэрэ быраҕыллар, убаҕаһа эрэ хаалар. Манна саахарбыиын кутан, кичэйэн булкуйабыт уонна өссө 45 мүнүүтэ кыра уокка оргутабыт.

– Тахсыбыт мүөтү тутатына өстүөкүлэ бааҥкаларга кутаттыыбыт. Сойбутун кэннэ холодильникка харайабыт.

Кыһын маннык мүөтүнэн сорох хаһаайкалар медовай торт астыыллар.

 

Оҕо сөбүлүүр алаадьыта

 

Эйиэхэ наада:

– 1 ыстакаан үүт;

– 1 ыстакаан сылаас уу;

– 1 устуука куурусса сымыыта;

–  1/2 кыра ньуоска туус;

– 2 ост. ньуоска саахар;

– 2 (2,5) ыстакаан бурдук.

 

Оҕолор олус сөбүлээн сиир алаадьылара бэлэм.

 

Түргэн блины

 

Эйиэхэ наада:

 

– 4 устуука куурусса сымыыта;

– 4 ыстакаан үүт;

– ½ ыстакаан саахар;

– 1 кыра ньуоска сода;

– 1 кыра ньуоска туус;

– 2 ост. нь. ынах арыыта;

– ½ кыра ньуоска лимон кислотата;

– 3 ыстакаан бурдук.

 

Бастаан сымыыты, саахары, ынах арыытын, тууһу булкуйабыт, онно үүт эбэбит, онтон бурдук кутабыт. Бүтэһигэр ыстакаан аҥаара ууга суурайан баран лимон кислотатын эбэбит.

 

Оҕолорум бу ырысыабынан блинины бэйэлэрэ буһараллар.

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
Арыгы атыытын бобуутун полиция үлэһиттэрэ хонтуруоллуохтара
Сонуннар | 08.06.2024 | 11:51
Арыгы атыытын бобуутун полиция үлэһиттэрэ хонтуруоллуохтара
Куорат баһылыга Евгений Григорьев дьаһалынан VIII-с «Азия оҕолоро» Оонньуулар ыытыллар кэмнэригэр бэс ыйын 25 күнүттэн  от ыйын 8 күнүгэр диэри Дьокуускай куоракка арыгылаах утах атыыта бобуллар. Ол эбэтэр бу күннэргэ арыгылаах утах атыытыгар идэтийэр эргиэн туочукалара сабыллаллар, атын маҕаһыыннарга арыгы атыылыыр отделлар үлэлээбэттэр.  Бу хаарчах арыгынан эргинэр кафе, ресторан, бар...
Дьахтар киэли хапчаҕайын искэниттэн өлүө суохтаах
Сонуннар | 07.06.2024 | 10:00
Дьахтар киэли хапчаҕайын искэниттэн өлүө суохтаах
Искэн төрүүр-ууһуур саастаах эдэр дьахталлары булара аан дойду онкогинеколог быраастарын ордук дьиксиннэрэр. Саха сиригэр дьахтар аймах ортотугар киэли хапчаҕайын араага (рак шейки матки) эмиий искэнин кэнниттэн иккис миэстэҕэ турар уонна онкология ыарыытыттан өлүү биир сүрүн төрүөтүнэн буолар. Хомойуох иһин, дьахтар аймах 83%-на балыыһаҕа хомнуо-хойут, ыарыы хайыы үйэ ытарчалыы ылбытын кэннэ...
Үөрэнээччилэр спартакиадалара
Спорт | 07.06.2024 | 12:00
Үөрэнээччилэр спартакиадалара
Өрөспүүбүлүкэ үөрэнээччилэрин спартакиадата бэс ыйын 6-10 күннэригэр спорт 29 көрүҥэр 35 улуустан 1700 оҕо кыттыылаах буолуоҕа.  Бу туһунан билиһиннэрэр пресс-конференцияны Саха Өрөспүүбүлүкэтин үөрэххэ уонна наукаҕа миниистирин солбуйааччы Альбина Аргунова, “Спортивные якутяне” Киин дириэктэрин солбуйааччы Александр Брызгалов уонна Спартакиада сүрүн судьуйата Юрий Балаганскай иһитиннэрдилэр. Спартакиада кыайыылаахтарыгар туттарыллыахтаах Кубоктар, мэтээллэр, спортсменнар экипировкалара...