Мэйии сөбүлүүр астара

Түөрт уон саастарын ааспыт үгүс киһи төбө ыарыытын, мэйии эргийиитин, умнуган буолууну, сэниэ эстиитин эттэринэн-хааннарынан билбит буолуохтарын сөп. Биричиинэтэ биллэр. Мэйии үлэтигэр кэһиллии тахсан эрэр сибикитэ. Онуоха мэйии сөбүлүүр астарын рациоҥҥа киллэрэр туһалаах.

1. Балык. Нэдиэлэҕэ кырата үстэ, өссө ордуга күн аайы 100-150 г сиэниллиэхтээх. Муора балыгар элбэх микроэлемент баар, цинк, фосфор дэлэй. 

2. Үүнээйи арыылара. Лүөн, оливковай арыылары  астанарга  хото туһаныҥ.

3. Муора бородуукталара: креветкалар, кальмардар, муора хаппыыстата о.д.а. элбэх белоктаах, микроэлеменнэрдээх, дьуоттаах.

4. Оҕуруот астара – моркуоп, помидор, биэрэс, горох, фасоль ордук туһалаахтар.

5. Эриэхэлэр – грецкэй, фундук ,о.д.а. “В” бөлөх битэмииннэрэ дэлэй, үгүс микроэлеменнэрдээх, ордук кобальт, магний.

6. Куруппа. Буурай (бурый) рис, гречка, эбиэс (овсянка), уотурба (отруби). Киһи сааһыран истэҕин аайы мэйиитин үлэтэ бытаарар. Сөптөөх аһы аһаан, кыаҕын иһинэн үлэлиир-хамсанар, ааҕар-суруйар, мэйиитин үлэлэтэр буоллаҕына,  киһи үйэтэ уһуурун учуонайдар бигэргэтэллэр.

7. Фрукталар – банан, инжир, виноград, апельсин “В” бөлөх, “С” битэмииннэринэн, калийынан, фосфорынан, магнийынан баайдар. 

8. Үрүҥ ас. Суорат, быырпах, кымыс, иэдьэгэй о.д.а. Бу астарга белок, кальций, лецитин “В” бөлөх битэмииннэр бааллар.