22.03.2024 | 16:00

Курсовойу хайдах суруйабыт?

Сандал сааһы кытта курсовой үлэни суруйар кэм кэлэр. Курсовой үлэ — сыл иһинэн тугу үөрэппиккин, туох интэриэстээххин көрдөрөр тургутуу, ону таһынан билим эйгэтигэр киирэр күлүүс. Биирдэ суруйан баран, ити тиэмэҕин салгыы дипломнай үлэҕэ эбэтэр научнай ыстатыйаҕа кубулутуохха сөп.
Курсовойу хайдах суруйабыт?
Ааптар: Уйгулана БОЧОНИНА
Бөлөххө киир

1 хардыы: Тиэмэни булуу уонна литератураны көрдөөһүн

Бастакы хардыы хаһан баҕарар уустук. Ордук тиэмэни бэйэҥ толкуйдуур буоллаххына: тугу күүскэ үөрэтэ иликтэрий эбэтэр эн бэйэҥ тугу интэриэһиргиигиний — курсовой үлэ тиэмэтин талыыга сүрүн соруктар. Ону кытта сөптөөх ааты толкуйдуохха наада. Холобура: “С. Новгородов саха алпабыытын туттуу” оннугар “С. Новгородов саха алпабыытын аныгы дизайнҥа туттуу” диэтэххэ, тугу үөрэтэриҥ быдан өйдөнүмтүө буолан тахсар.

Тиэмэҕин талбытыҥ кэннэ литератураны кичэйэн көрдөө. Ордук табыгастаах, судургу саайтар: eLibrary.ru, CyberLeninka уонна Google Scholar. Атын курсовойдары, рефераттары, дипломнай үлэлэри көрөн, литература хайдах туттуллуохтааҕын эмиэ үөрэт. Атын тылынан суруллубут үлэлэри эмиэ көр, онуоха Google Scholar көмөлөһүөн сөп.

 

2 хардыы: Киирии тыл

Курсовой үлэҕэ киирии тылы ордук көрөллөр. Сыалгын-соруккун төһө сөпкө туруорбутуҥ, тугу чопчу чинчийбитиҥ манна көстөр. Ол эрээри үлэ бу чааһа толорорго чэпчэки, анкета курдук.

Талбыт тиэмэҥ тоҕо актуальнай буоларын быһаар

Бу тиэмэ төһө үөрэтиллибитэ

Үлэҥ сыала, соруга

Чинчийии предмета уонна эбийиэгэ

Үлэ тутула

Туттуллубут литератураны кылгас ырытыы

Чинчийии ханнык ньымата туттуллубута

 

3 хардыы: Үлэ теоретическай чааһа

Курсовой үлэ сүрүннээн икки чааска арахсар: теорията уонна практическай чааһа. Теоретическай чааһыгар тугу толкуйдаабыккын быһааран биэр уонна санааларгын литературанан бигэргэт. Хас биирдии чааска тус-туһунан  түмүктэ таһаар.

 

4 хардыы: Практическай чааһа

Курсовой үлэ ордук уустук түгэнэ — практика. Бу туһунан тиэмэни быһаарынаат да толкуйдуохха наада. Практическай чинчийии көрүҥэ элбэх: ыйытынньык, эксперимент, анаалыс, прототип оҥоруу уо.д.а. Эбэтэр үлэҥ тиэмэтэ производственнай практикаҕа олоҕурбут буоллаҕына, практика отчуотуттан дааннайдары ылыахха сөп. Саамай судургу ньыма —ыйытынньык: GoogleФормы көмөтүнэн ыйытыктары суруйан, ссылкатын бассаап бөлөхтөргө ыыт, социальнай ситимнэргэр таһаар. Практическай үлэ ыарахана диэн, элбэх бириэмэни эрэйэр. Онон төһө кыалларынан эрдэттэн оҥоро сатаа.

 

5 хардыы: Түмүк

Курсовой үлэ түмүгүн суруйаргар, сыалгын өйдөө. Сыалгын ситистиҥ дуо? Чинчийии кэмигэр тугу гынныҥ, тугу дакаастаатыҥ, туох санааҕа кэллиҥ? Курсовой хас биирдии чааһыгар түмүктэргин суруйан, биир улахан түмүгү таһаар. Ону кытта салгыы сайыннарар хайысхаларыҥ туһунан эмиэ толкуйдаа.

 

6 хардыы: ГОСТ форматыгар уларытыы

Салгыы курсовой үлэни ГОСТка барсар гына уларытабыт. Ол элбэх бириэмэни ылыа суоҕа.

Шрифт — Times New Roman, 14 кегль

Строкалар икки ардыларынааҕы интервал — 1,5

Илиис кытыылара: үөһээ — 3 см, аллараа — 2 см, хаҥас — 2 см, уҥа— 1 см

Тиэкис илиискэ сытара (выравнивание) — илиис кэтитинэн

Абзац — 1,25 см

Уопсайынан, курсовой үлэни суруйарга биири өйдөө: эн соҕотох буолбатаххын, бииргэ үөрэнэр оҕолоргун кытта кэпсэт, ыарырҕатар түгэҥҥэр, уһуйааччыгыттан ыйытаргыттан толлума. Уонна бу үлэ саамай сүрүнэ диэн — курсовой үлэҕэр интэриэс баар буолуохтаах, өскөтүн тиэмэҕин сөбүлээбэт буоллаххына, син биир туох да туһалаах тахсыбат. Онон курсовойгун суруйан саҕалаа, билигин саамай табыгастаах, тоҕоостоох кэм.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...