Килиэп кэмбинээтэ бэйэтэ ыстаансыйаланна

Бэҕэһээ, алтынньы 30 күнүгэр, Дьокуускайдааҕы килиэп кэмбинээтэ бэйэтин электростанциятын үлэлэттэ. 
Татарстан «КАМА-Энергетика» ХЭУо 65 мөл. солк. оҥоһуллан кэлбит 1200 кВт кыамталаах электростанцияҕа өрөспүүбүлүкэ бүддьүөтүттэн 50 мөл. солк. тахса үп тыырыллыбыт. 
СӨ Бырабыыталыстабытн бэрэссэдээтэлин солбуйааччы Сергей Местников бэлиэтээбитинэн, бу хардыы бэйэ бородууксуйатын оҥорон таһаарыыны өйөөһүнү уонна өрөспүүбүлүкэ нэһилиэнньэтин сүрүн табаарынан хааччыйыы иэнин үрдэтиини кытта быһаччы ситимнээх.

Ол эбэтэр, оҥорон таһаарыы ороскуотун намтатыы кэмбинээт бородууксуйатын хаачыстыбатыгар, көрүҥүн ахсааныгар уонна сыанатыгар үчүгэйинэн дьайыахтаах. Кэмбинээт генеральнай дириэктэрэ Светлана Кынакытова бэлиэтииринэн, үлэ хаачыстыбатын тупсарар өссө биир олоххо киирбит бырайыагынан автоматизированнай тиэйии систиэмэтэ буолар. Ол курдук, 1987 сылтан былыргылыы тиэйэ олорбут буоллахтарына, билигин, автоматизированнай систиэмэни атыылаһан, күннэтэ тиэйэр 20 туоннаттан тахса килиэптэрин уонна бурдук астарын икки бүк кэриэтэ кылгас бириэмэҕэ тиэйэр кыахха тахсыбыттар. 

Ол курдук, 2024 сыллаахха «Тыа хаһаайыстыбатын уонна тыа хаһаайыстыбатын бородууксуйатын ырыынагын сайыннарыы» бырагырааманан кэмбинээт анал тиэхиньикэнэн хааччылларыгар өрөспүүбүлүкэ бүддьүөтүттэн 7,1 мөл. солк. тахса харчыны ылбыт. Ону сэргэ «Килиэби уонна атын бурдук аһын оҥорон таһаарар тэрилтэлэргэ анал тиэхиньикэни уонна энергетическэй оборудованиены атыылаһарга өйөбүл» бырагырааманан өрөспүүбүлүкэ бүддьүөтүттэн 57 мөл. солк. тахса үп тыырылынна, диэн иһитиннэрэр Ил Дархан уонна Бырабыыталыстыба пресс-сулууспата.

Хаартыскалар: Вадим Скрябин, СИА