Сайсары олохтоохторо маршруттары уларытыыны дьүүллэстилэр

Куорат баһылыгын солбуйааччы Антон Алексеенко уонна «Куораттааҕы суол-тырааныспар сулууспата» МХТ салайааччыта Эдуард Садовников Сайсары олохтоохторун кытта оптуобустар маршурттарын уларытыыны дьүүллэстилэр. Кэпсэтиигэ уокурук салайааччыта Владимир Слепцов кыттыыны ылла.
Санатар буоллахха, Сайсары уокуругун олохтоохторо саҥа схеманан билиҥҥи 15-с №-дээх маршрут оннугар саҥа 12-с №-дээх маршрут киирэриттэн долгуйаллар. Маны сэргэ 6-с №-дээх маршруту Три Сосны уулуссаҕа киллэрэн, оҕолор 18-с уонна 14-с №№-дээх оскуолалаларга кыһалҕата суох сылдьалларын хааччыйар наадатын бэлиэтииллэр. Өссө биир этиинэн куорат машруттарын барыларын муниципальнай оҥоруу буолла.

Киирбит этиилэринэн ылыллыбыт дьаһаллары сотору кэминэн нэһилиэнньэҕэ тиэрдиэхтэрэ. 
Куораттааҕы суол-тырааныспар сулууспата иһитиннэрэринэн, 2, 4, 5, 6, 7, 12, 14, 16, 19 уонна 35 №№-дээх оптуобустар сэтинньи ый бүтүүтэ саҥардыллыбыт схеманан сырыыларын саҕалыахтара.
Куорат оптуобустарын саҥа схемата: https://yakutskcity.ru/press-tsentr/novaya-marshrutnaya-set-kak-budut-ezdit-avtobusy-v-gorode-yakutske/