Үтүө киһи аата үйэлэргэ тыыннаах хаалыа

Дьокуускай куорат «Үс Хатыҥ» култуурунай-этнографическай комплексын «Дьөһөгөй» ипподромугар тыыннааҕар аата иҥэриллибит Иннокентий Саввич Свинобоев-Тыыннаахап алтынньы ый 25 күнүгэр 97 сааһыгар орто дойду олоҕуттан күрэннэ.
Үлэ, тыыл бэтэрээнэ, СӨ тыатын хаһаайыстыбатын үтүөлээх үлэһитэ, Саха Өрөспүүбүлүкэтин, Томпо, Мэҥэ Хаҥалас оройуоннарын Бочуоттаах гражданина, Саха АССР ат сүүрдүүтүн спордугар бастакы үтүөлээх тренер, Дьоруой Охлопков аатынан сопхуос чемпион-булчуттарын иитэн-такайан таһаарбыт номоххо киирбит сонордьут Иннокентий Саввич Свинобоев-Тыыннаахап аата «Дьөһөгөй» ипподромҥа 2021 сыллаахха Дьокуускай куорат баһылыга Евгений Григорьев дьаһалынан иҥэриллибитэ. 
Иннокентий Саввич Свинобоев-Тыыннаахап соҕурууттан ыраас хааннаах атыыры, биэни аҕалан, тыйыс айылҕалаах Сахабыт сиригэр ыраас хааннаах сүүрүктэри үөскэтэн, бастакы эркээйи оҥорбут киһинэн биллэр. 
Иннокентий Саввич Свинобоев-Тыыннаахап дьоһун олоҕун, Саха сиригэр ат спорда сайдарыгар, сүүрүүк сылгылары иитиинэн дьарыктаныыга сүҥкэн кылаатын туһунан «Киин куорат» хаһыакка тахсыбыт «Тыыннаахап аатынан ипподромҥа» диэн Иннокентий Аммосов суруйуутугар билсэргитигэр ыҥырабыт: https://kiinkuorat.ru/articles/tyynnaahap-aatynan-ippodrom-a