Пассажирдары тиэйэр быраап иһин аһаҕас куонкурус буола турар

Дьокуускай куораттааҕы Суол-тырааныспар сулууспата иһитиннэрэринэн, 2018 сылга түһэрсиллибит муниципальнай хантараактар болдьохторо 2024 сыл сэтинньи 30 күнүгэр бүтэр. 
Онон алтынньы 22 - сэтинньи 7 күннэригэр «Суол-тырааныспар сулууспата» МХТ Дьокуускай куорат территориятыгар пассажирдары тиэйэр быраабы ыларга аһаҕас куонкуруһу ыытар.
Куонкурус 5 лотка ыытыллар. Биир лот үс маршруту хабар. Бу үс маршрут барыстаах, орто барыстаах, барыһа суох диэҥҥэ арахсар. Маны кытта маршруттар уһуннара, төһө тиэхиньикэлээхтэрэ, төһө киһи туһанара барыта учуоттанан таҥыллыбыт. 
Куонкурус туһунан сиһилии Олохтоох дьаһалта официальнай саайтыгар «торги» салааҕа билсиэххэ сөп: https://yakutskcity.ru/administration/torgi/152620/.
Ылыллар дьаһаллар пассажирдарга даҕаны, тиэйээччилэргэ даҕаны табыгастаах усулуобуйаны тэрийэллэригэр эрэнэбит, диэн иһитиннэрэр Суол-тырааныспар сулууспата.