Бөдөҥ тэрээһиннэртэн киирэр үбү анал байыаннай дьайыы байыастарыгар ыыталлар

Алтынньы 18-20 күннэригэр Дьокуускайга буолан ааспыт ССРС, РСФСР, Саха АССР үтүөлээх тренерэ Д.П. Коркин кэриэһигэр XV-с Норуоттар икки ардыларынааҕы көҥүл тустуу турнирыгар киирбит 1,5 мөл. солк. харчыны анал байыаннай дьайыыга сылдьар байыастарга ыыттылар, диэн иһитиннэрэр Ил Дархан уонна Бырабыыталыстыба пресс-сулууспата. 

Киирбит үбү спорт миниистирэ Леонид Спиридонов Хотулугуу-Илиҥҥи көмө уонна Донбасс куоракка өйөбүлү оҥорор пуонда салайааччыта Георгий Куркутовка туттарбыт.
Алтынньы 25-27 күннэригэр Дьокуускайга Хомсомуол болуоссатыгар ыытыллыбыт «Рыба Якутии» быыстапка-дьаарбаҥкаҕа буолбут «Тоҥ балыктан ураһа» күрэххэ кыһыллыбыт балык атыытыттан киирбит үбү эмиэ анал байыаннай дьайыыга сылдьар байыастарга көмөҕө ыыппыттарын туһунан тыа хаһаайыстыбатын министиэристибэтин пресс-сулууспата иһитиннэрэн турар.

Хаартыска: Андрей Сорокин, СИА