«Звезднай» түөлбэҕэ бастакы оптуобус тохтобулун миэстэтэ быһаарылынна

«Өрөспүүбүлүкэтээҕи ипотека агентствота» Сакаасчыт сулууспата АУо (РИА), «Главстрой» МХТ, ЯПАК МУТ уонна 14-с №-дээх оптуобус маршрутун салайааччылара «Звезднай» түөлбэҕэ бастакы оптуобус тохтобулун оҥорор миэстэни быһаардылар. 

Көһө сылдьар мунньах кыттыылаахтара хас да барыйааны көрдүлэр. Сүрүн мэһэйинэн, тутуу бүтэ илигинэн, «С» сектор тула барыта буор суоллар сыталлара буолар. Түмүккэ 1 уонна 14 №№-дээх оптуобустар түөлбэҕэ эргийэн тахсалларыгар «С» секторга «А» сектор өттүттэн киириигэ миэстэни анаатылар. Онон билигин «Главстрой» МХТ саҥа быһаарыллыбыт тохтобулга лаампа туруорара хаалла. 
Бэлиэтээн эттэххэ, бастакы оптуобустар манна сэтинньи 15 күнүттэн сылдьыахтара. Оттон куорат мастар-былаанынан «Звезднай» түөлбэҕэ кэнэҕэһин өссө 5 оптуобус тохтобула тэриллиэҕэ, диэн иһитиннэрэр Олохтоох дьаһалта пресс-сулууспата. 

Хаартыска: РИА