07.02.2021 | 17:46

Күрэхтэргэ уонна граннарга кыттыҥ

Күрэхтэргэ уонна граннарга кыттыҥ
Ааптар: Киин Куорат

«Улуу Кыайыы Дьоруойдара» литературнай күрэс

«Улуу Кыайыы Дьоруойдара» сылын ахсын буолар. Быйыл сэттис төгүлүн ыытыллар. Арассыыйа бары куораттарын хабар, далааһына улам кэҥиир. 

Тэрийэр бөлөх: Арассыыйа Суруйааччыларын сойууһа, РФ оборонаҕа, үөрэххэ, култуураҕа министиэристибэлэрэ. Ону тэҥэ Арассыыйа судаарыстыбаннай библиотеката уонна «Не секретно» издательскай дьиэ.

Күрэх кыттааччылара кэпсээн, очерка суруйан, хоһоон, ырыа айан, Улуу Кыайыы Дьоруойдарыгар аналлаах уруһуй уруһуйдаан, бэйэ түһэрбит  хаартыскаларын ыыталлар.

Куонкуруска ким баҕалаах кыттар. Оҕолорго, улахан дьоҥҥо туспа номинациялар бааллар. Ону тэҥэ, РФ Сэбилэниилээх күүстэрин байыаннайдарыгар уонна кинилэр дьиэ кэргэннэригэр туспа номинациялар көрүллүбүттэр.

Үлэлэргитин уонна сайаапкаҕытын 2021 сыл муус устар 1 күнүгэр диэри gvp2017@mail.ru аадырыска ыытаҕыт. Күрэх туһунан http://героивеликойпобеды.рф. сайтка киирэн билсиэххитин сөп.

Норуот дружиналарыгар субсидия көрүллэр

СӨ Ыччат дьыалаларыгар уонна социальнай коммуникацияларга министиэристибэтэ СӨ судаарыстыбаннай бүддьүөтүттэн субсидияны туһаныыга олохтоох дьаһалталарга норуот дружиналарын үлэлэрин-хамнастарын тэрийиигэ харчынан көмөлөһүө уонна субсидиялары биэриигэ сайаапкалары хомуйар.

Куонкуруска куорат уонна тыа сирин нэһилиэнньэтэ, уокуруктара кытталлар. Сайаапкалары 2021 сыл тохсунньу 25 күнүттэн олунньу 8 күнүгэр диэри туталлар. Аадырыстара: Дьокуускай куорат, Ленин проспегын 30 нүөмэрдээх дьиэтэ, 412 кэбиниэт (09.00 чаастан 18.00 чааска диэри). Биитэр электроннай  почтанан эбэтэр электроннай докумуон ЕСЭД тиһигин быһыытынан ыытыаххытын сөп.

Билсэр төл.: 8(4112)507-127 уонна https://minmol.sakha.gov.ru сайтка «Профилактика правонарушений» салааҕа киирэн сиһилии билсиҥ.  

Оҕолорго уруһуй күрэҕэ

Бүтүн Арассыыйатааҕы биэрэпис чэрчитинэн ыытыллар уруһуй күрэҕэр 7-эн 12-гэр диэри саастаах оҕолор кыттыахтарын сөп. Кыайыылаахтар дипломнарынан уонна харчынан бириэмийэлэринэн наҕараадаланыахтара.

Уус-уран үлэлэр сүрүн тиэмэринэн биэрэпис ыытыллар кэмигэр дьиэ кэргэни уонна аймахтарын, биэрэпискэ сылдьыыны, ону тэҥэ Госуслуги портал нөҥүө биэрэпискэ кыттыыны ойуулааһын буолуон сөп. Маны таһынан оҕолор бэйэлэрин олорор куораттарын, нэһилиэктэрин, сэлиэнньэлэрин уруһуйдуохтарын сөп. Онно дойду ытык-бэлиэ сирдэрэ, нэһилиэк, улуус  ситиһиитэ, киэн туттар эбийиэктэрэ эмиэ киириэн сөп. Хас биирдии уруһуйга Арассыыйатааҕы биэрэпис тус эмблематын уруһуйдааһын учуоттаныа.

Үлэлэри кулун тутар 1 күнүгэр диэри (Москва бириэмэтинэн 12:00 чааска диэри) тутуохтара.

Күрэххэ кыттарга төрөппүт эбэтэр оҕо сокуоннай бэрэстэбиитэлэ https://www.strana2020.ru официальнай сайтка регистрацияны ааһар.

Куонкурс икки бөлөххө арахсан ыытыллыаҕа: 7- тэн 9-гар диэри уонна 10-тан 12-гэр диэри саастаах оҕолорго. Кыайыылаахтарга 25 тыһыынча солкуобай бириэмийэни уонна анал дипломнары  туттарыахтара.

Уруһуйгут өҥнөөх буолара ирдэнэр. Үлэҕитин Instagram социальнай ситимҥэ угаҕыт, @strana2020 аккауну бэлиэтиигит уонна  #ярисуюперепись хэштеги туруораҕыт. Күрэх быраабылатын, туһааннаах  ыйытыыларгытыгар хоруйдары https://www.strana2020.ru сайтка киирэн көрүҥ.

Владимир Потанин пуондатын күрэҕэ

СӨ коммерческайа суох тэрилтэлэри өйөөһүҥҥэ уоннагражданскай көҕүлээһиннэри сайыннарыыга биир кэлим ресурснай киинэ маннык куонкурустарга сайаапкалары ылыы туһунан иһитиннэрэр.

“Спорт для всех” күрэххэ грант

Куонкурс тэрийээччитэ – Владимир Потанин аһымал пуондата. Сайаапкалары тутуу болдьоҕо –  2021 сыл олунньу 28 күнүгэр диэри.

Кимнээх кытталлар?

Коммерческайа суох тэрилтэлэр уонна кинилэр структураларын   подразделениелара.

Ирдэбиллэр:

бэйэ кыамтатын уонна профессиональнай ситиһиилэри учуоттууллар;

лиидэр хаачыстыбалаах киһи кыттар. Бырайыактыыр бөлөхтөрү, хамаандалары, кэлэктииптэри салайар уопуту көрөллөр.

Куонкурус кыайыылаахтара спортивнай социальнай бырайыактары олоххо киллэриигэ граннары ылаллар. Муҥутаабыт кээмэйэ 1,5 мөл. солк. тэҥнэһэр.

Сиһилии иһитиннэриини уонна күрэх балаһыанньатын https://www.fondpotanin.ru/competitions/sport-dlya-vsekh/  сайтка булуохха сөп.

«Россия — футбольная страна!» Бүтүн Арассыыйатааҕы куонкурус

Сайаапкалары тутуу болдьоҕо – 2021 сыл олунньу 28 күнүгэр диэри.  Куонкурс тэрийээччитэ – Арассыыйатааҕы футбол сойууһа.

Кимнээх кытталлар?

Футболу сайыннарарга, араас бырайыактары көҕүлүүргэ баҕалаах уонна оонньууну тэрийиэн сөптөөх тус сирэйдэр киирэллэр.

Кыттааччы күрэххэ кыттарын туһунан сайаапканы толорор, бырайыак туһунан презентацияны бэлэмниир уонна куонкурус балаһыанньатыгар сөп түбэһиннэрэн  grassroots@rfs.ruэлектроннай аадырыска ыытар.

Куонкурус туһунан сиһилии https://rfs.ru/news/212866 сайтка киирэн көрүҥ.

Сиһилии билсэр төл.: 8 (914) 2391334 уонна 701- 082. 

РФ Бэрэсидьиэнин граннара

Олунньу 1 күнүттэн кулун тутар 15 күнүгэр диэри Арассыыйа Бэрэсидьиэнин граннарын иккис куонкуруһугар сайаапкалары ылыы саҕаланна.

Граннар социальнай эйгэҕэ, култуураҕа, үөрэхтээһиҥҥэ уонна да атын социальнай суолталаах коммерческайа суох көҕүлээһиннэри олоххо киллэриигэ туһуланаллар.

Күрэх балаһыанньатын https://президентскиегранты.рф/public/contest/index сайтка киирэн билсиэххитин сөп.

Бэрэсидьиэн граннарын куонкуруһун кэмигэр коммерческайа суох тэрилтэлэргэ, сайаапкалары сөпкө толорорго кэккэ үөрэтэр хабааннаах  тэрээһиннэр ыытыллыахтара. Ол туһунан «Обучение» диэн салааҕа киирэн ааҕыаххытын сөп.

Куонкурус түмүгэ бэс ыйыгар биллиэҕэ. Өйүүр бырайыактары үбүлээһин от ыйын 1 күнүттэн саҕаланар.

Куонкурус түмүгүнэн коммерческайа суох тэрилтэлэр икки ардыларыгар 4 млрд солк. тахса үп көрүллүөҕэ.

Сонуннар

Ордук ааҕаллар

Николай Винокуров:  «Дойдубар этэҥҥэ эргиллэн кэллим...»
Дьон | 19.11.2022 | 18:00
Николай Винокуров: «Дойдубар этэҥҥэ эргиллэн кэллим...»
«Боотур» этэрээт байыастарын ортотугар биһиги биир дойдулаахпыт Алаһыай нэһилиэгиттэн төрүттээх Николай Винокуров баарын истэн, кэпсэтиэхпин баҕардым. Ол эрэн сэһэргэһиибин хайдах-туох саҕалыахпын тобуларбар олус ыарахан этэ. Бу үлэ, үөрэх, сайдыы, тэрээһин туһунан суруйуу, кэпсэтии буолбатах... Бу — олох, дьылҕа, тыын былдьаһыы, өлүү-сүтүү, инники олох иһин охсуһуу туһунан сэһэргэһии. Николай тута хоруйдаабытыгар...
Халбаакыттан — Олоҥхо тыйаатырыгар
Дьон | 25.11.2022 | 10:20
Халбаакыттан — Олоҥхо тыйаатырыгар
Дьокуускайга саха тылын учууталларын сийиэстэрин сэргэ өрөспүүбүлүкэтээҕи Олоҥхо декадата ыытылла турар. Оттон чулуу айымньыбыт баай философиятын кэлэр ыччакка тиэрдэр биир бэртээхэй ньыманан тыйаатыр буолар. Бу дьыл сэтинньитигэр Олоҥхо тыйаатыра «Дьорҕостой Бэргэн» куукуланан испэктээк туруоран сүрэхтээбитэ. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат хас да уһуйааныгар...
Мария Матвеева:  «Дьоҥҥо үтүөнэн эрэ сырыттахха, олорорго чэпчэки»
Дьон | 26.11.2022 | 10:00
Мария Матвеева: «Дьоҥҥо үтүөнэн эрэ сырыттахха, олорорго чэпчэки»
Тыа сиригэр көмүс куоластаахтар, үҥкүүһүттэр, айар, суруйар дьон баалларын куруук кэрэхсии, сэргии истэбит. Ханна да сырыттарбын талааннаах дьону кытта билсэрбин, санаа атастаһарбын туохтааҕар да ордоробун.
Элэгэнтэй Адамов:  «Сиэрдээх өй-санаа төрүт дьарыкка эрэ баар»
Дьон | 20.11.2022 | 11:00
Элэгэнтэй Адамов: «Сиэрдээх өй-санаа төрүт дьарыкка эрэ баар»
Бүгүҥҥү нүөмэргэ Чурапчы улууһун Чакыр нэһилиэгин олохтооҕо Элэгэнтэй Адамовы кытта тыа сирин олоҕун, итэҕэл, уус идэтин, сайдыы, норуот дьылҕатын, кэскилин туһунан сэһэргэстибит. Дьоҕурдаах киһи анаарыыта киэҥэ, этэр тыла оруннааҕа сөхтөрдө.