19.10.2022 | 19:00

«Ийэ кут» быыстапка көрөөччүлэри күүтэр

Алтынньы 12 күнүттэн Саха Өрөспүүбүлүкэтин Национальнай художественнай музейыгар Ийэ сылыгар анаммыт «Ийэ кут» быыстапка үлэлиир.
«Ийэ кут» быыстапка көрөөччүлэри күүтэр
Ааптар: Айыына ДОНСКАЯ
Бөлөххө киир

Экспозицияҕа биллиилээх саха маастардара – Э.С. Сивцев, В.С. Карамзин, А.Л. Соргоева, М.Г. Старостин, Л.И. Гоголева, М.М. Лукина, Т.Е. Шапошникова  живопись уонна графика көрүҥнэринэн айымньылара бааллар. Саха сирин худуоһунньуктара хатыламмат, ураты суоллаах-иистээх үлэлэрэ ийэ буолууну уруйдууллар, хас биирдии киһи дууһатын сылааһынан илгийэллэр.

Ийэ буолуу тиэмэтэ, ийэ уобараһа – былыр-былыргыттан аан дойду култууратыгар уонна искусствотыгар сүрүн хайысха. Поэзия буоллун, ойуулуур-дьүһүннүүр искусство эбэтэр скульптура буоллун, барытыгар үөрбүт-көппүт эбэтэр санааҕа ылларбыт, хомойбут ийэ сырдык мөссүөнэ үйэтитиллэр. Ийэ уобараһа – кэрэ буолуу муҥутуур үтүө холобура. 

Саха култууратыгар ийэ диэн тыл, кини уобараһа киһи дууһатын (кутун) кытта ыкса ситимнээх. Саха итэҕэлинэн, хас биирдии үүнээйи, көтөр, кыыл куттаах буолар. Киһини үс куттаах дииллэр: буор кут, салгын, ийэ кут. Куттары киһиэхэ икки сүдү күүс – Үрүҥ Айыы Тойон уонна Айыыһыт иҥэрэллэр. Киһи үөскүүрүгэр уонна төрүүрүгэр ити икки күүс холбоһон арчылыыллар, араҥаччылыыллар. 

Саха итэҕэлинэн, ийэ кут уонна буор кут сүрүн суолталаахтар, кинилэри куһаҕан тыын “уордаҕына” киһи ыалдьар, өлүөн да сөп диэн өйдөбүл өбүгэлэрбититтэн хаалбыт. Салгын кут киһи утуйа сыттаҕына сири-дойдуну кэрийэр.

Киин куорат олохтоохторун уонна ыалдьыттарын «Ийэ кут» алаһа дьиэни араҥаччылыыр күн-күбэй ийэҕэ анаммыт быыстапка бу дьыл сэтинньи  27 күнүгэр диэри күүтэр. 

Быыстапка үлэлиир сирэ: Дьокуускай куорат, Киров уул., 9, Национальнай художественнай музей, 2 этээс фойета.

Музей үлэтин эрэсиимэ: сэрэдэ 12.00-20.00 (каасса 19.30 чааска диэри үлэлиир), чэппиэр-баскыһыанньа 10.00-18.00 (каасса 17.30 чааска диэри үлэлиир), бэнидиэнньик-оптуорунньук – өрөбүл күннэр.

Киирии билиэт сыаната: улахан дьоҥҥо – 150 солк.; 18 саастарын туола илик дьоҥҥо – босхо; устудьуоннарга – 80 солк., биэнсийэлээхтэргэ – 50 солк., элбэх оҕолоохторго – 75 солк., (туһааннаах докумуоннарын көрдөрөллөр). Экскурсиялары тэрийии сыаната туспа. 

Сонуннар

Ордук ааҕаллар

Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Рулет арааһын астыахха
Тускар туһан | 23.03.2024 | 10:00
Рулет арааһын астыахха
Бүгүн ааҕааччыларбытыгар астыырга чэпчэки уонна судургу, ол эрээри олус минньигэс уонна тотоойу сокуускалар ырысыаптарын бэчээттиибит. Бырааһынньыктааҕы сандалыгытын киэргэтиэхтэрэ, өрөбүллэргэ сонун бүлүүдэ буолуохтара.