Иммунитеты хайдах күүһүрдэбит

Иммунитет үлэтин бастатан туран, күннээҕи аһылык сүрүннүүр. Аһылыкпыт иҥэмтиэлээх, туһалаах битэмииннэрдээх буолуохтаах. Натуральнай эт, балык, үрүҥ ас доруобуйаҕа туһалаахтар.

Белок, углеводтар уонна сыа – күннээҕи аһылыкка хайаан да баар буолуохтаахтар. Диетологтар сүбэлииллэринэн, бурдук астан, фастфудтан, минньигэс астан аккаастаммыт ордук. Бу ааттамыт астар бары чэпчэки углеводтар буолан, киһи сиэтэҕинэ түргэнник аччыктыыр, ол иһин уойарга барар.  Уустук углеводтар – кытаанах бурдуктан оҥоһуллубут мохоруону, отруби булкаастаах килиэби сиир табыгастаах. 

Күннээҕи аспытыгар хайаан да сыалар баар буолуохтаахтар эбит. А, D, Е, K битэмииннэр балык, эриэхэ сыаларыгар бааллар.

Иммунитет үчүгэйдик үлэлиирин туһугар саамай сүрүнэ уубутун хана утуйуохтаахпыт. 7-8 чаастан кырата суохтук утуйабыт уонна төһө кыалларынан эти-хааны чэбдигирдэр хамсаныылары оҥоробут.