08.03.2022 | 13:30

Халыма ыччата Android-ка оонньуу айбыт

Халыма ыччата Android-ка оонньуу айбыт
Ааптар: Нарыяна ВИНОКУРОВА
Бөлөххө киир

Балысханнык сайдар биһиги үйэбитигэр кинигэҕэ эрэ буолбакка, көмпүүтэргэ, төлөпүөҥҥэ, куйаар ситимигэр оҕону сайыннарар, үөрэтэр араас сыһыарыылар бааллар. Дьэ, биир оннук оонньууну мин бииргэ үөрэнэр доҕорум, Өлөөкө Күөлэ орто оскуолатын 11-с кылааһын үөрэнээччитэ Вадим Слепцов айан, толкуйдаан таһаарбытын өрөспүүбүлүкэтээҕи «Кэскил» оҕо хаһыатын саайтыгар аахпыккыт буолуо. Ол эрээри мин Вадимы утары көрсөн олорон, кини үлэтин туһунан сиһилии ыйыталаһарга сананным.

 — Вадим, бу туох туһунан оонньууну оҥордуҥ?

— Бу «Угадай Колымскую фауну» диэн төрөөбүт дойдубут, Халымабыт кыылларын, көтөрдөрүн төһө билэргитин тургутан көрөргө аналлаах оонньуу. Манна 17 таһым баар. Көтөр-сүүрэр ааттарын барытын сөпкө эппиэттээбит киһи кыайыылаах буолар.

 

— Маны кимниин, хайдах оҥордугут?

— Бу үлэм салайааччыта нуучча тылын уонна литературатын учуутала Сайына Егоровна Винокурова буолар. Бастаан саҕалаан оҥорорго уустук соҕус этэ. Хас биирдии кыыл, көтөр хартыынатын булан, саайтка угуу кылгас кэм иһигэр кыаттарбат .

 

— Оонньууну туох сыаллаах оҥорбуккутуй?

— Халыма харамайдарын, көтөрдөрүн туһунан дьоҥҥо-сэргэҕэ сырдатар сүрүн сыаллаах-соруктаах үлэлээбиппит. Аны оҕолор болҕомтолорун хайдах тардыахха сөбүй диэн ыйытыы турбута. Онон, сүбэлэһэн, үөрэтэн-ырытан баран, Play Маркет сыһыарыы нөҥүө киирэн, оонньуу халыыбынан дойдуларын туһунан билиини иҥэриэххэ сөп эбит диэн быһаарбыппыт.

 

— Бу оонньуугун оҕолор төһө сэҥээрдилэр?

— Ээ, бэркэ ыйыталлар. Сүрүн ыйытыылара: «Бэйэҥ оҥорбутуҥ дуо?»— диэн. Сорохтор соһуйаллар, сорохтор итэҕэйбэттэр.

 

— Үлэҥ кэмигэр бэйэҕэр төһө элбэх саҥаны арыйдыҥ?

— Арыйыы элбэх буоллаҕа ди. Халымабыт харамайдарын научнай ааттарын-суолларын, конструктордар саайтарын, оонньууну хайдах оҥоруохха сөбүн биллим. Дьиҥэ, ылсан киирэн бардахха, наһаа ыарахана суох, хата, интэриэһинэй этэ.

 

— Бу үлэҕинэн ханна эрэ кытыбытыҥ дуо?

— Улуустааҕы «Инникигэ хардыы» чинчийэр үлэ кэмпириэнсийэтигэр үһүс миэстэ ылан, өрөспүүбүлүкэҕэ кыттыбытым. Онтон бүтүн Арассыыйатааҕы «Чугуновскай ааҕыыларга» иккис миэстэ буолбутум.

 

 — Ааҕыыларга сыаналааччылар төһө сэҥээрдилэр?

— Ыйытыылар араастар этэ. Холобур, бэйэҥ оҥортуҥ дуо, кыыллар ааттарын, бырагыраама куодун ыйыппыттара.

 

— Оҕолорго баҕа саннааҥ?

— Оҕолор, ытыалаһыылаах, өлөрсүүлээх оонньуулары оонньуоххут кэриэтэ, төрөөбүт дойдугутун билэ таарыйа, QR кодунан киирэн, буор босхо оонньооҥ, элбэҕи билиэххит, бэйэҕит эмиэ саҥаны айыаххыт, оҥоруоххут.

«Угадай колымскую фауну» оонньууну Play Маркеттан бу QR-кодунан эбэтэр бу ссылканан

https://play.google.com/store/apps/details?id=com.saiynavinokurova.ugadaikolymskuiufaunu хачайдаан ылыаххытын сөп.

 

Бииргэ үөрэнэр доҕорум Вадим айбыт оонньуутун хас да киһи буолан эмиэ оонньуохха сөп, төрөппүттэр, учууталлар да оҕону иитиигэ, үөрэтиигэ туһаналларыгар олус табыгастаах. Онон, бу оонньууну төлөпүөҥҥүтүгэр хачайдыыргытыгар сүбэлиибин.

 

Билигин гаджет сайдыбыт үйэтигэр, хамсык ыарыыттан сылтаан, дьиэҕэ олорор кэммитигэр, Вадим курдук бириэмэни туһалаахтык атаарыахха, элбэҕи билиэххэ, саҥаны толкуйдуохха, оҥоруохха сөп эбит. Онон, эһиги эмиэ кытаатыҥ!

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...