Гостиницаны хайдах булабыт?
Booking сайт Арассыыйаҕа билигин үлэлиир эрээри, дойду иһинэн эбийиэктэри сатаан булбат. Airbnb сервис эмиэ биир оннук. Ол инниттэн, дьон-сэргэ уоппускаҕа ханна хонобут, түһэбит диэн мунаахсыйбатын диэн, гостиница эбэтэр кыбартыыра көрдүүр сайтары сырдатабыт.
Ostrovok.ru
Бу онлайн бронь оҥорорго Арассыыйаҕа биир бастыҥнара. Ханнык баҕарар нүөмэри, сыаналарын көрдөрөр уонна бэйэтин сайтыгар утааран, наадалаах иһитиннэриилэри билиһиннэрэр. Маны сэргэ, Ostrovok.ru сайтка TripAdvisor сайт иһитиннэриитэ, сыанабыла барыта ыйылла сылдьар.
Яндекс.Путешествия
Гостиницалары көрдөөһүн - «Яндекс.Путешествия» биир салаата. Маны таһынан, сайт нөҥүө сөмөлүөт, оптуобус уонна поезд билиэттэрин булуохха сөп.
Саамай үчүгэйэ - «Яндекс.Карт» сыһыарыытын кытта бииргэ үлэлиир, инньэ гынан туттарга, көрдүүргэ да олус судургу.
Туту.ру
Өссө биир поезд уонна сөмөлүөт билиэтин атыылыыр өҥө.
Tvil.ru
Кыбартыыралаах уонна чааһынай дьиэлээх дьон бэйэтэ куортамныыр. Tvil-га хаһаайын нүөмэрин, өйдөммөт боппуруоһу тута быһаарсыахха сөп.
Суточно.ру
Бу сайт нөҥүө чааһынай дьиэлэри, коттеджтары, оннооҕор хоһу кытта куортамныахха сөп. Уопсайа Арассыыйа 500 куоратын уонна туристическай эбийиэгин хабар. Сорох дьиэлэргэ эрдэттэн бронь оҥордоххо, кешбэк төлөнөр.
Командировка.ру
Бу сайт 2000 сылтан үлэлиир. Бронь диэн көрүллүбэт. Ол эрээри ханнык гостиницаҕа хос баарын, сыанатын, аадырыһын уонна төлөпүөнүн нүөмэрин билиэххэ сөп.
Сервис кыра куораттарга уонна нэһилиэнньэлээх пууннарга гостиницалары буларга көмөлөһүөҕэ. Ону тэҥэ сайтка бэлиэ сирдэр испииһэктэрин көрдөрөр.
101Hotels.com
Арассыыйа уонна СНГ сиригэр-уотугар дьиэ-уот араас көрүҥүн булар. Ол курдук хостеллар, чааһынай дьиэлэр, санаторийдар уонна сынньалаҥ базалара бааллар.
«Мир» каарталаах дьоҥҥо араас бонустаах бырагыраама үлэлиир, сотору-сотору чэпчэтиилээх аахсыйалар тахсаллар.
Сонуннар
Ордук ааҕаллар
