Эдэр-сэнэх буолуу кистэлэҥнэрэ

1. Элбэҕи аһаамаҥ. Сорох күн куртаххытын сынньатан, аскытын олох кыччатыҥ, оччотугар эккит-хааҥҥыт чэбдигириэ.

2. Аһыыр ас сааскытыгар сөп түбэһиэхтээх:

30 саас кэннэ элбэхтик эриэхэни, быары сиэҥ.

40 саас кэннэ бетакаротиннаах оҕуруот аһын аһааҥ, холобур, моркуоп. Эр дьон бу саастарыгар сыыры уонна бүөрү сиэхтэрин наада, селен диэн эттик олох охсууларын уйарга көмөлөһөр.

50 саас кэннэ уҥуоҕу бөҕөргөтөр аһы сиэҥ. Бу кэмҥэ элбэх балык наада, бу сүрэх, тымыр ыарыыларыттан көмүскүүр.

3. Бэйэҕит сөбүлүүр идэҕитинэн үлэлээҥ, оччотугар бэйэҕит сааскытыттан быдан эдэр буолан көстүөххүт.

4. Хайаан да иккиэ буолуҥ! Таптал уонна бэйэ-бэйэҕэ сылаас сыһыан – саамай үчүгэй эмп. Күүстээх таптал киһиэхэ дьолтон атыны аҕалбат. Бэйэтин дьоллоохтук сананар киһи доруобуйата бөҕөргүүр, үйэтэ уһуур.

5. Сүүрүк хоту устар киһитээҕэр бэйэтин санаатын сайа этэр, үлэтигэр туһанар киһи үлэтэ да тахсыылаах, үйэтэ да уһун буолар.

6. Сүүрүҥ-көтүҥ, элбэхтэ хамсаныҥ! Күҥҥэ 8 мүнүүтэ устата спордунан дьарыктанар киһи олоҕун биллэрдик уһатар.

7. Сөрүүн хоско утуйуҥ! Сөрүүн хоско утуйар киһи итии хоско утуйар киһитээҕэр эдэрчи көрүҥнээх буолар.

8. Сотору-сотору сөбүлүүр аскытын-таҥаскытын атыылаһан бэйэҕитин маанылааҥ, манньыйыҥ.

9. Кыыһырбыккытын искитигэр тутумаҥ, хайаан да таскытыгар таһаарыҥ! Этиҥ-тыыныҥ, тыаһааҥ-ууһааҥ. Хомолто санааны искэ тута сылдьыы ыарахан ыарыыга тиэрдэр. Санаа баттала – ыарыы төрдө.

10. Төбөҕүтүн үлэлэтиҥ! Сотору-сотору кроссворда таайыҥ, элбэх киһилээх оонньууларга кыттыҥ, омук тылын үөрэтиҥ, ахсаанна суоттааҥ. Ахсааны туох да тэрилэ суох өйгө суоттааҥ. Төбөҕүтүн быыстала суох үлэлэтэр буоллаххытына, хара өлүөххүтүгэр диэри түөһэйиэххит суоҕа.

Эдэр-сэнэх, чэгиэн буолуҥ!

«Доруобуйа – дьол” кинигэттэн.

Хаартыскалары интэриниэт аһаҕас ситимнэриттэн туһанныбыт.