Дьоллоох сыһыан харгыстарыттан босхолонуу

Фэншуйунан утуйар хос олох эниэргийэтин күүһүрдэр сиринэн буолар. Утуйар хос уоскутар, ону тэҥэ умсугуйууну уһугуннарар буолуохтаах. Иирсии-айдаарсыы, сыһыан тымныйыытын, арахсыы төрдө утуйар хоско баар буолуон сөп. Онон утуйар хоспутуттан тапталы төттөрү төлкөлүүр бэлиэлэри киэр кыйдыаххайыҥ.

- Соҕотох сүрэхтээх уруһуйу эбэтэр атын оҥоһугу – таптал икки сүрэх бэлиэлээҕин умнума.

- Соҕотох кыыс уруһуйун эбэтэр атын оҥоһугу – ити хаһан да бүппэт соҕотохсуйууну бэлиэтиир.

- Түүлгэ, таптаһыыга уонна сынньалаҥҥа сыһыана суох маллары (холобура, суруйар остуолу, кинигэ долбуурун, компьютеры, тэлэбиисэри, спордунан дьарыктанар тэриллэри, төлөпүөнү).

- Сүүнэ улахан миэбэли, аһаҕас долбуурдаах кинигэ ыскаабын.

- Урукку таптыыр киһиҥ хаартыскаларын, суруктарын, аккырыыккаларын, анабылларын. Итилэр саҥа олоҕу оҥосторгутун мэһэйдииллэр, онон таһаҕас оҥостубаккаҕыт быраҕыҥ. Эһиэхэ ким ордук суолталааҕын быһаарыҥ – урукку эбэтэр билиҥҥи тапталгыт уонна талыҥ.

- Арахсыы арыаллаах, туора хаамыы тойуктаах кинигэлэри.

- Сытыыны, иннэлээҕи, уһуктааҕы, хатыылааҕы барытын – кактустары, сытыы сороҕолоох люстраны (манна даҕатан эттэххэ, өскөтүн люстра эһиги төбөҕүт үрдүгэр ыйанан турар буоллаҕына, плафоннарга уларытыахха наада).

- Урукку тапталлааххыт малын-салын.

- Ахтылҕанынан уонна мунчаарыынан туолбут ырыаны-тойугу.

- Хайа барбыт уонна эмтэрийбит оҥоһуктары.

- Быылы, кири-хоҕу, ыһыллыыны-тоҕуллууну, бөҕү-саҕы, утуйар уонна кэтэр таҥас курсуйбут сытын – кирдээхтиин кир киксэр, ыраастыын ыраас ыаллаһар.

- Бороҥуй уоту – ыарахан тыыннаах салгыны үөскэтэр.

- Хара, халлаан күөх өҥнөөх, туох эмэ сытыылаах эбэтэр суоһурҕанар кыыл уруһуйдаах (холобура, адьырҕалар: тыатааҕы, баабыр, леопард) утуйар таҥаһы.

- Уу бэлиэлэрин (аквариуму, фонтаны, уу уруһуйдаах хартыынаны).

- Тапталлааххыт хаһан эрэ бэлэхтээбит хатан хаалбыт сибэккитин дьөрбөтүн – тапталгыт уоҕа суох буолар, кэхтэр кутталланар.

- Дьиэ үрдүнээҕи сиэркилэни, кэргэнниилэр күлүктэрин көрдөрөр сиэркилэлээх ыскаабы. Икки киһи оннугар түөрт киһини көрүү –таҥнарыыны төрүөттүүр саамай күүстээх бэлиэ.

- Балкоҥҥа тахсар ааны – итини уҕарытарга аан үрдүгэр “тыал муусукатын” ыйыахха сөп.