27.12.2021 | 19:25

Дьиэ кэргэнинэн астыыбыт

Дьиэ кэргэнинэн астыыбыт
Ааптар: Киин Куорат
Бөлөххө киир

Василина Данилова – тапталлаах кэргэн, икки уол ийэтэ, остуол хотойорунан астаах хаһаайка. Үлэ үөһүгэр да буоллар, хайаан даҕаны сонун бүлүүдэлэри, бурдук ас арааһын астаан, чугас дьонун үөрдэр. Кини: «Куукунаҕа сынньанабын, ас астыырбыттан дуоһуйууну ылабын», – диир. Уолаттар ийэлэригэр илии-атах буолаллар. Даниловтар дьиэлэрэ куруук минньигэс ас сытынан дыргыйар. Ыалдьыттыы баралларыгар хайаан да кэһиилээх, илии тутуурдаах сылдьаллар.

«Кыһыл баархат» капкейк

Тиэстэтигэр (15-18 капкейк тахсар):

180 г саахар;

2 сымыыт;

1 ч.нь. кыһыл гелевэй краситель;

1 паачыка ванилин;

180 мл кефир;

суода –ч.нь. 2/3;

120 мл мас арыыта;

220 г бурдук;

10 г какао;

ч.нь. 2/3 разрыхлитель.

 

Кириэмигэр:

300 г чөчөгөй (сливки);

150 г саахар;

200 г “Каймак”.

 

Астааһына:

Бастаан саахары уонна сымыыты күүгэн тахсыар диэри миксердиибит. Онтон ванилины уонна красители эбэбит.

Кефиргэ (холодильниктан эрдэ таһаарар ордук) суоданы кутабыт, оччоҕуна үллэн тахсыаҕа, онно мас арыытын эбэбит.

Сиидэлэммит бурдугу какаоны уонна разрыхлители кытта булкуйабыт.

Сымыыттаах маассабытыгар кураанах уонна убаҕас ингредиеннэрбитин уочаратынан холбуубут.

Тиэстэбитин капкейка аналлаах формаларга кутабыт. Олус толору кутуллубат, буһарыгар үллэн тахсарын учуоттуубут.

170 кыраадыс итии духуопкаҕа быһа холоон 20 мүнүүтэ буһарабыт.

Сакалааттаах пончик

Туох наадата:

640 г бурдук;

60 г саахар;

1 паачыка доруоһа (11 г);

60 г ынах арыыта;

250 мл үүт;

1-дии кымаах туус уонна ванилин;

2 сымыыт;

Киэргэтиигэ – сакалаат, сливки.

 

Астааһына:

Миксер иһитигэр ынах арыытын (уулларан баран) сылаас үүтү кытта булкуйабыт, онно сымыыты, доруоһаны, тууһу, ванилины эбэбит. Бурдугу сиидэлээн, икки партиянан кутабыт. Тиэстэбитин бытаан режимҥэ 5-8 мүн. миксердиибит. Тиэстэбитин атын иһиккэ көһөрөбүт уоннөа 1 чаас туруора түһэбит. Онтон пончикпытын оҥорон, бытаан уокка ыһаарылыыбыт. Сойутан баран киэргэтэр ордук. 1-1,5 плитка сакалаакка итии сливкини кутабыт уонна булкуйабыт. Ол кэннэ пончиктарбытын умньаан ылабыт. Бэйэ сөбүлүүрүнэн киэргэтэбит.

Оҕуруот астаах сибиинньэ этэ

Туох наадата:

600 г сибиинньэ этэ;

1 улахан эриэппэ луук;

2 өлүүскэ чеснок;

2 орто минньигэс биэрэс (кыһыл уонна араҕас);

стручковай фасоль;

1,5 ост.нь. крахмал;

3 ост.нь. соевай соус;

кунжут;

туус;

хара биэрэс.

Астааһына:

Сибиинньэ этин кырбыыбыт, туустуубут, тумалыыбыт, биэрэстиибит уонна крахмалы эбэбит. Барытын булкуйан баран ыһаарылыыбыт. Эти атын иһиккэ көһөрөн баран, эмиэ бу хобордооххо луугу, чесногу саһарчы ыһаарылыыбыт. Онтон минньигэс биэрэһи, стручковай фасолу, эти кутабыт. Соевай соуһу эбэбит, биэрэстиибит, туустуубут уонна хаппаҕын аспакка, бытаан уокка 5-7 мүнүүтэ буһарабыт. Гарнирга туох баҕарар буолуон сөп.    

 Сливочнай соустаах креветка

Туох наадата:

400 г креветка;

300 мл чөчөгөй (сливки);

3-4 өлүүскэ чеснок;

150 г “Черри” помидор;

60 г сыыр;

укуруоп, күөх луук;

туус, хара, кыһыл биэрэс, тума арааһа;

чесногу ыһаарылыырга – ынах арыыта;

Удон лапса (эбэтэр спагетти).

 

Астааһына:

Чесногу ынах арыытыгар ыһаарылыыбыт, онтон үрдүгэр чөчөгөйү кутабыт, туустуубут, биэрэстиибит уонна 3-4 мүн. орто уокка туруора түһэбит. Креветкабытын кутабыт уонна 5 мүнүүтэ туруоран (иһит хаппаҕын аспакка) буһарабыт. Салгыы помидору, укуруобу, күөх луугу, туманы, сыыры эбэбит уонна 2-3 мүнүүтэ буһарабыт. Лапсаны туспа буһарабыт уонна тэриэлкэлэргэ кутабыт. Ол үрдүгэр сливочнай соустаах креветканы кутабыт.

Профитроли

Туох наадата:

Тиэстэтигэр:

1 ыстакаан бурдук (250 г);

1 ыстакаан уу;

туус – ч.нь. 2/3;

100 г ынах арыыта;

4 сымыыт.

 

Начыыҥкатыгар:

250-280 г ынах арыыта (холодильниктан эрдэ таһаарыҥ);

1 бааҥка сгущенка (боростуой эбэтэр буспут).

 

Астааһына:

Көстүрүүлэҕэ ынах арыытын, тууһу уонна ууну кутабыт. Бытаан уокка туруорабыт, булкуйабыт, ынах арыытын оргуйуор диэри уулларабыт. Онно бурдугу булкуйа-булкуйа эбэбит, 2 мүнүүтэ оргутабыт уонна таһаарабыт. Салгыы тиэстэбитигэр сымыыты биирдии-биирдии кутабыт (сымыыты куттах аайы тиэстэни үчүгэйдик булкуйабыт). Тиэстэбит хомуога суох, хойуу сүөгэй курдук буолуохтаах. Онтон тиэстэбитин сойутабыт. Ол кэмҥэ кириэммитин оҥоробут.

Лиискэ пергамент кумааҕыны тэлгиибит уонна тиэстэбитин кондитерскай мөһөөччүгүнэн грецкэй эриэхэ саҕа кээмэйдээх шарик гына кутабыт. 4-5 см тэйиччи буолаллара ордук.

175 кыраадыс итии духуопкаҕа 15-20 мүн. буһарабыт. Ол кэмҥэ духуопка аанын арыйбаппыт. 

Профитролиларбытын сойутан баран кириэминэн толоробут.

Безе

Туох наадата:

2 сымыыт үрүҥэ;

110-130 г (ыстакаан аҥаара) саахар эбэтэр саахар пудрата;

1 хааппыла лимон суога эбэтэр 1 кымаах лимоннай кислота.

 

Астааһына:

Сымыыт үрүҥүн үллүөр диэри ытыйабыт, онтон саахары 1-дии остолобуой ньуосканан эбэбит уонна 5 мүн. кэриҥэ үллүөр диэри ытыйабыт. Лиискэ араас быһыылаах оҥорон кутабыт уонна 60-70 кыраадыс итии духуопкаҕа 1-1,2 чаас туруорабыт. Бэйэ сөбүлүүрүнэн киэргэтиэххэ сөп.

Түргэнник астанар сугуннаах бөрүөк

Туох наадата:

4 сымыыт;

1 ыстакаан саахар;

100 г ынах арыыта (эрдэ уулларабыт);

1,5 ыстакаан бурдук;

0,5 ыстакаан тоҥ сугун;

1 ч.нь. ванильнай саахар.

 

Астааһына:

Сымыыты саахары кытта күүгэн тахсыар диэри ытыйабыт, онно уулларыллыбыт арыыны кутабыт. Бурдукка разрыхлители уонна ванильнай саахары булкуйабыт. Кекс тиэстэтин курдук буолуохтаах.

Духуопканы эрдэ 175 кыраадыска холбоон ититэбит. Формабытын ынах арыытынан сотобут уонна тиэстэбитин кутабыт. Үрдүгэр 0,5 ыстакаан сугуну табыгынатабыт. Бөрүөгү быһа холоон 30-35 мүн. буһарабыт. Онтон үрдүгэр саахарнай пудраны кутабыт.          

Сонуннар

Ордук ааҕаллар

Татьяна Гоголева:  «Төрөөбүт тылын билбэт ыччат ханна да сыаналаммат»
Дьон | 13.06.2024 | 10:00
Татьяна Гоголева: «Төрөөбүт тылын билбэт ыччат ханна да сыаналаммат»
«Хотугу сулус» оҕо телерадиоакадемиятын төрүттээбит, үгүс көлүөнэ талааннаах ыччаты көччөх гынан көтүппүт Татьяна Гоголева, чахчы, Саха сиригэр тыыннаах номох буолбут киһи. СӨ култууратын үтүөлээх үлэһитэ, СӨ култууратын, социальнай эйгэтин туйгуна, «Гражданскай килбиэн» бэлиэ хаһаайына олоҕун тухары оҥорбута, айбыта-туппута, үйэтиппитэ үгүс.   Кини туһунан бу иннинэ сурулунна ини, суруллубата ини. Ол эрээри...
“Сүүрэр суолга – Владимир Слепцов!”
Спорт | 18.06.2024 | 14:15
“Сүүрэр суолга – Владимир Слепцов!”
Спорт көрүҥнэриттэн биир бастыҥнара уһун сиргэ сүүрүү. Ырааҕы сүүрүүнэн ылбычча киһи дьарыктаммат. Бэйэтин кэмин аатырбыт сүүрүгэ-быһыйа, Саха АССР рекордсмена, стайер уонна марафонец Владимир Слепцову ааспыт үйэ 60-80 сылларын дьоно үчүгэйдик өйдүүр-билэр. Быйыл рекорд олохтообута лоп-курдук 50 сыла. Аҕаларын, эһэлэрин кэриэстээннэр оҕолоро, сиэннэрэ, бииргэ төрөөбүт балта  Людмила Пантелеймоновна, быраата Артем Пантелеймонович...
ЭкоБизнес —  Айылҕаҕа харыстабыллаах  сыһыаҥҥа тирэҕирэн
Дьон | 14.06.2024 | 14:00
ЭкоБизнес — Айылҕаҕа харыстабыллаах сыһыаҥҥа тирэҕирэн
Дьокуускайга бизнес араас хайысхата сайдар. Олохтоох бородууксуйаны оҥорон атыыга таһаарыы ордук элбэх эбит буоллаҕына, туризм курдук өҥөнү оҥорор предпринимателлэр тарбахха баттаналлар. Юлиана уонна Захар Алексеевтар элбэх оҕолоох дьиэ кэргэн Дьокуускай таһынааҕы Капитоновка сэлиэнньэтигэр туристическай бизнеһи сайыннаран эрэллэр.   Оҕолор улааттылар диэн саҕалаабыппыт – Биһиги үс уоллаахпыт. Улахаттарбыт 14 саастарын туолбуттарын кэннэ,...
Олоҥхо ыһыаҕар анаан Дьокуускайтан айанныыр паром ахсаана элбэтиллэр
Сонуннар | 14.06.2024 | 10:17
Олоҥхо ыһыаҕар анаан Дьокуускайтан айанныыр паром ахсаана элбэтиллэр
XVII-с өрөспүүбүлүкэтээҕи Олоҥхо ыһыаҕа быйыл бэс ыйын 20-21 күннэригэр Аммаҕа Муона чараҥа айылҕа маанылаах миэстэтигэр ыытыллаары турар.  Ыһыах мааны ыалдьыттарынан өрөспүүбүлүкэ 32 муниципальнай тэриллиититтэн 15 тыһыынчаттан тахса киһи буолуоҕа. Айанньыттарга анаан «Дьокуускай – Аллараа Бэстээх» хайысханан 15 паром сылдьыаҕа, Амма сэлиэнньэтин иһинэн оптуобустар, ыһыах түһүлгэтигэр тиэрдэр шатллар сүүрүөхтэрэ. Түһүлгэҕэ 3...