Дьиэҕэ пандус туруорарга

Доруобуйаларыгар хааччахтаах дьон дьиэлэригэр пандус туруортарыахтарын сөп.

Маныаха олорор сирдэринэн социальнай харысхал уорганнарыгар сайаапка түһэрэллэр. Бу докумуоннар наадалар:

— Дьиэни бас билии туһунан докумуон.

— Инбэлиит ыспыраапката.

— Пааспар куоппуйата.

— Оҕо инбэлиит буоллаҕына докумуоннара.

— Дьиэ кэргэн састаабын туһунан ыспыраапка.

Сайабылыанньаҕа ханнык пандуһу туруортараргытын суруйуохтааххыт: хомуллар (откидной), стационарнай уонна таһаарар платформа.

Сайабылыанньаны көрөн баран дьиэҕэ анал хамыыһыйаны ыыталлар. Хамыыһыйа дьиэ подъеһын уларыта тутуу сатанарын, сатамматын туһунан түмүк таһаарар.

10-ча күн устата муниципалитет баһылыгар түмүк тиийэр. Сайаапка биэрээччигэ куоппуйатын ыыталлар. Пандуһу социальнай харысхал уорганнара туруораллар. Салгыы көрүү-истии салайар хампаанньаҕа туттарыллар.

Пандус туруорарга олохтоохтор харчылара туттуллубат буолан, дьиэ уопсай мунньаҕын ыытар ирдэммэт.