10.07.2021 | 10:00

Cаха сиригэр атах уонна илии быратыаһын оҥоруохтара

Cаха сиригэр атах уонна илии быратыаһын оҥоруохтара
Ааптар: Айталина Софронова

«Салют Орто» - Иркутскай  уонна Улан-Удэ куораттарыгар илии, атах быратыастарын  оҥорон таһаарар хампаанньа. Тэрилтэ «Сколково» пуонда регионнааҕы оператора «Якутия» технопарка киининэн үлэлиир.

Быйыл «Салют Орто» тэрилтэ Steplife B5 диэн ааттаах бионическай атах быратыаһын оҥордо: «Биһиги аныгы датчиктары, сервогидравлическай систиэмэни туһанаммыт ураты, үйэлээх бионическай атах быратыаһын оҥордубут. Быратыас микро-бырассыастартан турар, ол инниттэн туһанааччытыгар тирэнэригэр туох баар табыгыһын барытын учуоттаан оҥоһулунна», - диэн хампаанньа төрүттээччитэ Иван Худяков кэпсээтэ.

Иван Николаевич этэринэн, хара маҥнайгыттан доруобуйаларынан хааччахтаах дьоҥҥо  быратыас  оҥорон толкуйдааһыны олус интэриэһиргээбит. Ол санааттан өссө 2018 с. Лейпцига норуоттар икки ардыларыгар ыытыллар быыстапкаларыгар бу санааны кытта харсыбыт: «Аан дойду рыногын лидердэрэ хайдах үлэлииллэрин көрбүтүм. Кинилэр клиеннэрэ актыыбынай олохтоохтор, спордунан дьарыктаналлар, киһилии олох сиэригэр уйдаран олороллор. Онтон, Арассыыйаҕа аныгы кэм ирдэбилинэн  быратыас оҥоруута, айыыта ситэтэ суох балаһыанньаҕа турар. Атахтара суох дьоннор кыра функциональнай быратыастары кэтэргэ күһэллэллэр. Олох сайдан иһэр, тэтим эмиэ кэҥиэхтээх дии саныыбын”, - диэн этэр.

«Салют Орто» тэрилтэ быйыл саҥа тэриллэн тустаах регистрацияны ааспыт. Дьон-сэргэ, үөрэҕирии уонна аныгы технологиялар силбэһиилэрэ барыта хайдах эрэ, буолуохтааҕын курдук буолбут. Манна даҕатан эттэхэ, саҥа тэрилтэ социальнай бырайыактары өйүүр пуондаҕа тустаах үөрүйэҕи, инбэлиит дьон туох кыһалҕалааҕын барытын учуоттаан үлэтин саҕалаата.

Бу кылгас кэм иһигэр дьон олоҕун хаачыстыбатын биллэ тупсардылар диэххэ сөп. Инновационнай технологиялары киллэрэннэр билигин 242 доруобуйатынан хааччахтаах дьону  хаачыстыбалаах уонна табыгастаах быратыаһынан хааччыйдылар.

«Тэрилтэҕэ  бу сылга икки улахан сыал-сорук турар: бастакыта, Арассыыйа ырыынагар тахсааһын, үлэ хаамыытын, киириитин тестированиетын бүтэрээһин. Иккиһинэн, биһиги филиалбытын Дьокуускайга арыйааһын, тоҕо диэтэххэ, эһиги региоҥҥутугар хаачыстыбалаах быратыастары ылыан баҕарар дьон наһаа элбэх. Онуоха биһиги Дьокуускайга партнердары көрдүүбүт», - диэн былааннарын Иван Худяков үллэстэр.

Сонуннар

Ордук ааҕаллар

Гаврил Менкяров:  «Артыыс режиссер ирдиирин толоруохтаах»
Дьон | 23.10.2021 | 11:54
Гаврил Менкяров: «Артыыс режиссер ирдиирин толоруохтаах»
Бу талааннаах эдэр артыыһы Олоҥхо театрыгар, сахалыы киинэлэргэ үгүстүк көрдөххүт. Устар ууну сомоҕолуур уус-уран тыллаах, эмиэ даҕаны дьээбэлээх-хооболоох, бэтиэхэлээх уол кэнсиэртэри, уруу киэһэлэрин, быыстапкалары, музыкальнай бириэмийэлэри, о.д.а. улахан тэрээһиннэри иилээн-саҕалаан ыытарын сэргээбит буолуохтааххыт. Гаврил Менкяров олоҕо олоҥхо курдук сиэдэрэй, баай ис хоһоонноох.  Ходуһаҕа, бааһынаҕа ааспыт оҕо саас – Мин сүрдээх...
Иитиэх оҕо
Сынньалаңңа | 24.10.2021 | 12:00
Иитиэх оҕо
(Түөрт көстүүлээх оҕолорго сыаҥка)
«DAMS» бренд ааптара:  «Туохтан даҕаны куттанымаҥ!»
Дьон | 19.10.2021 | 17:00
«DAMS» бренд ааптара: «Туохтан даҕаны куттанымаҥ!»
«DAMS» бренд историята сыл анараа өттүгэр саҕаламмыта. 2020 сыллаахха Александра Павлова соҕотоҕун эскизтэри толкуйдаан, табаарын социальнай ситим нөҥүө атыылаан саҕалаабыта. Саха төрүт истиилинэн тигиллибит аныгылыы таҥастар ураты, намчы буоланнар, дьон-сэргэ сэҥээриитин ылбыта.   — Александра, дорообо! Бренд олус интэриэһинэй ааттаах. Хайдах толкуйдаммытай?     — «DAMS» – бу мин таптыыр дьиэ кэргэним чилиэннэрин...
Нолуок сокуонугар уларыйыылар киирдилэр
Сонуннар | 22.10.2021 | 11:30
Нолуок сокуонугар уларыйыылар киирдилэр
Ахсынньы 1 күнүгэр физическэй сирэйдэргэ 2020 сыллааҕы баай-дуол нолуогун болдьоҕо бүтэр.  Итинэн сибээстээн, өрөспүүбүлүкэҕэ сылын аайы буоларын курдук тырааныспар, сир учаастактарын уонна хапытаалынай тутуу эбийиэктэрин бас билээччилэригэр сэрэтии сурук ыытааһына саҕаланна. Бу туһунан алтынньы 21 күнүнээҕи физическэй сирэйдэр төлүүр нолуоктарыгар уларыйыылар тустарынан брифиҥҥэ Арассыыйа ФНС СӨ 5 №-дээх Оройуоннар икки...