Бэйэ бизнеһигэр 350 000 солк. тиийэ ылыахха сөп

Кыра дохуоттаах гражданнар эбэтэр ыаллар социальнай хантараак көмөтүнэн бэйэ дьыалатын тэринэргэ судаарыстыбаттан 350 000 солк. ылар кыахтаахтар. Холобур, репетиторствоҕа, дьиэтээҕи кулинарияҕа, шиномонтажка эбэтэр ательеҕа.

Кимнээх хапсыахтарын сөбүй?

Социальнай хантараак оҥорторор бырааптаахтар:

кыра дохуоттаах ыал эбэтэр соҕотох гражданнар.

үлэтин сүтэрбит уонна үлэтэ суох дьон. Үлэтэ суох дьон – 2022 сыл кулун тутар 1 күнүттэн ахсынньы 31 күнүгэр диэри ханнык да тэрилтэҕэ үлэлээбэтэх түгэннэригэр.

Ирдэнэр докумуоннар

пааспар;

эр-ойох буолбуккут туһунан сибидиэтэлистибэ;

оҕо төрөөбүтүн туһунан сибидиэтэлистибэ;

дохуот уонна баай-дуол туһунан иһитиннэриилэр;

бизнес-былаан. Маны оҥорорго «Мин бизнеһим” кииҥҥэ босхо көмө ылыахха сөп.

3. Сайабылыанньаны “Мин докумуоннарым” кииҥҥэ уонна социальнай көмүскэл уорганыгар туталлар.

4. Социальнай хантараагы түһэрсиҥ

Үксүгэр быһаарыы 10 үлэ күнүн устатыгар ылыллар. Социальнай көмүскэл уоргана дьиэ кэргэн бэйэтин бизнеһиттэн туруктаах дохуоттаныан сөбүн туһугар тус сыаллаах бырагырааманы оҥорорго көмөлөһөр.

Бизнеһи сайыннарыыга соцхантараак болдьоҕо – 12 ый.

Онуоха ИП быһыытынан регистрацияланыахха эбэтэр “самозанятай” аатын ылар хайаан да наада. 

5. Көмө уопсай кээмэйэ

Муҥутуур суумата – 350 000 солк. диэри. Харчы матырыйаалы атыылаһарга, үлэ миэстэтин хааччыйарга, куортамҥа диэн көрүллэр. Ороскуот туһунан отчуоттуур хайаан да ирдэнэр. Маны таһынан идэни баһылыыргытыгар тустаах үөрэх кууруһун ааһаргытыгар эбии 30 000 солк. көрүллүөн сөп.