16.03.2024 | 16:00

Өбүгэ тыына — искусствоҕа

Национальнай ойуулуур-дьүһүннүүр түмэл уонна Саха сирин худуоһунньуктарын сойууһун тэрийиилэринэн “Өбүгэ тыына” диэн быыстапка арылынна. Экспозицияҕа 20-тэн тахса араас хайысхалаах ааптар үлэтэ туруорулунна.
Өбүгэ тыына — искусствоҕа
Ааптар: Уйгулана БОЧОНИНА
Бөлөххө киир

Быыстапка биир сүрүн уратытынан ойуулуур-дьүһүннүүр искусство бары көрүҥэ биир сиргэ, биир кэмҥэ биир тиэмэ тула түмүллүбүтэ буолар. Ол курдук манна туруоруллубут хартыыналар, скульптура, декоративнай-прикладной үлэлэр бары өбүгэ тыынын тула түмүллэн, бу аптаах-алыптаах эйгэ кистэлэҥин таайарга холоноллор. Маныаха ааптардар номохторго, остуоруйаларга, историческай чинчийиилэргэ, былыргы артефактарга олоҕуран дьүһүйбүт уобарастара көмөлөһөллөр, былыргы дьыллар мындааларыгар көрөөччүгэ быыс арыйарга тирэх буолаллар.

Оттон быыстапкаҕа хомуллубут үлэлэр ааптардарынан араас көлүөнэ худуоһунньуктара буолаллар: Николай Курилов, Михаил Старостин, Федот Макаров, Иннокентий Корякин, Андрей Чикачев, Николай Чоччасов, Лена Гоголева, ЙэнСүр уо.д.а.

“Өбүгэ тыына – Саха сирин искусствотын биир сүрүн көҕүлүүр күүс. Саха худуоһунньуктара чуолаан өбүгэ үгэстэригэр тирэҕирэн, ону салгыы сайыннаран, ситэри толкуйдаан, чочуйан, аныгы үйэ сахатын култууратын уопсай бэлиэтин оҥорорго дьулуһаллар”,– диир Национальнай ойуулуур-дьүһүннүүр түмэл дириэктэрэ Влада Тимофеева.

Наталья Николаева, Саха сирин Худуоһунньук-тарын сойууһун бэрэссэдээтэлин солбуйааччы:

– Бу быыстапка биир тиэмэҕэ үлэлээбит араас хайысхалаах ааптардары түмтэ. Онон хас биирдии айар үлэһит эрэ буолбакка, көрөөччү, искусствоны, төрүт култуураны сэҥээрээччи бэйэтигэр туох эрэ саҥаны арыйыан сөп. Биһиги Сойууспут Национальнай түмэли кытта ыкса ситимнээх үлэлиир, онон маннык ураты хайысхалаах быыстапкаларга өрүү үөрүүнү кытта кыттыыны ылабыт».

“Өбүгэ тыына” (“Дух предков”) быыстапка муус устар 28 күнүгэр диэри НХМ сүрүн дьиэтигэр үлэлиир.

Сонуннар

Ордук ааҕаллар

Сири иилии эргийиэм!
Дьон | 12.04.2024 | 18:00
Сири иилии эргийиэм!
Кэбээйи Арыктааҕыттан төрүттээх Иннокентий Ноговицын бэлисипиэтинэн аан дойдуну биир гына айанныыр хоббилааҕын туһунан хас да сыллааҕыта суруйан турабыт. Иннокентий киһини кытта кэпсэтэригэр элбэх ууну-хаары эрдибэккэ, аҕыйах тылынан чуо ыйытыыга эрэ хоруйдуурун  билэр буоламмын, Кытайга тиийбититтэн саҕалаан, бассаабынан элбэх да элбэх ыйытыыларбынан көмөн туран, наадалаах информациябын хостоон ыллым. Кинини ыра санаатын...
Зоя Желобцова:  «Олох толору үөрүүтүн, кэрэтин билэн сылдьабын»
Дьон | 11.04.2024 | 10:00
Зоя Желобцова: «Олох толору үөрүүтүн, кэрэтин билэн сылдьабын»
«Үчүгэй киһи» диэн хайдах киһини ааттыылларый? Арааһа, бастатан туран, дьоҥҥо эйэҕэс, аламаҕай, үөрэ-көтө сылдьар, барыга-бары кыһамньылаах, үлэһит киһини ааттыыр буолуохтаахтар. Дьэ, оччотугар, биһиги дьүөгэбит Зоя Константиновна Желобцова онуоха сүүс бырыһыан эппиэттэһэр. Киһи киһитэ буоллаҕа биһиги Зоябыт!   Оттон киһи барахсан мутугунан быраҕар муҥур үйэтигэр дьонугар-сэргэтигэр, ыччаттарыгар хайдах суолу-ииһи, ааты, өйдөбүлү хаалларара...
«Доҕордоһуу» — оҕо саас ыллыга
Сонуннар | 11.04.2024 | 18:00
«Доҕордоһуу» — оҕо саас ыллыга
Бу күннэргэ өрөспүүбүлүкэҕэ бастакынан тэриллибит “Доҕордоһуу” оҕо үҥкүү норуодунай ансаамбыла 55-с сылын бэлиэтээтэ. Өрөспүүбүлүкэ үҥкүүтүн эйгэтигэр суолу тэлбит ансаамбыл үөрүүлээх тэрээһинин туһунан санаа атастаһыыларын ааҕыҥ.
Нэһилиэстибэ тула
Тускар туһан | 11.04.2024 | 12:00
Нэһилиэстибэ тула
Киһи бу олохтон барыыта, ыал арахсыыта, төрөппүтэ суох хаалыы – орто дойду сокуоннара. Онуоха биһиги сорох ардыгар хойутаан нэһилиэстибэни оҥотторор түгэммит баар. Өскөтүн кэргэниҥ, ийэҥ, аҕаҥ, чугас киһиҥ суох буоллаҕына, кини нэһилиэстибэтин алта ыйынан сокуонунан оҥотторуохтааххын.   Билэр чугас дьонум аҕалара орто дойдуттан барбытын кэннэ хас да сыл буолан баран биирдэ...