09.12.2020 | 17:52

Бүгүн коррупцияны утары охсуһуу күнэ

Бүгүн коррупцияны утары охсуһуу күнэ
Ааптар: Киин Куорат
Бөлөххө киир

Ахсынньы 9 күнүгэр Аан дойдутааҕы коррупцияны утары охсуһуу күнэ бэлиэтэнэр. Куорат баһылыга Сардана Авксентьева https://www.instagram.com/sardanaavksentieva/?hl=ru инстаграмыгар аатырбыт юриһы, талааннаах силиэдэбэтэли Макар Макарович Яковлевы дьоҥҥо билиһиннэрдэ. Макар Макарович бэйэтин кэмигэр бөдөҥ холубуонай дьыалалары ыыппыт, улахан уоруулааах, өлөрсүүлээх дьыалалары арыйбыт киһи. Арассыыйа силиэстийэлиир биригээдэлэрин салайбыта. 1980 сыллаахха СССР историятыгар алмааһы уоруу улахан дьыалатын силиэстийэлээбитэ. 1983-1985 сс. Москва ГУМ маҕаһыыныгар уоруу дьыалаларын ыыппыта. Прокуратура силиэстийэлиир бөлөхтөрүн Магадан уобалаһыгар. Камчаткаҕа, Кемеровоҕа салайан үлэлэппитэ. СССР норуодунай дьокутаатынан, СССР Үрдүкү Сэбиэтин дьокутаатынан, Саха сирин норуодунай дьокутаатынан талылла сылдьыбыта. СССР Үрдүкү Сэбиэтин хамыыһыйата кини салалтатынан бастакытын Ленинградтааҕы байыаннай уокуруктааҕы СССР прокуратуратын үлэтин бэрэбиэркэлээбитэ. Саха АССР Үрдүкү Сэбиэтигэр кини бастакынан сир аннынан ядернай тоҕута тэптэриилэр туһунан боппуруоһу көтөхпүтэ. Арассыыйа Федеративнай дуогабарын, Саха өрөспүүбүлүкэтин Конституциятын оҥорсубута. Генерал-майор Макар Яковлев “Сайсары күөлгэ түбэлтэ” (“Мой убийца”) киинэ кылаабынай геройун прототиба буолбутун үгүспүт билбэт буолуохтаах. Макар Макарович билигин ХИФУ юридическай факультетын холуобунай быраап кафедратын профессора. “Кини баары хайдах баарынан этэр көнө киһи. Ол иһин ытыктыыбын уонна холобур оҥостобун. Маннык дьон – биһиги норуоппут суобаһа”, - диэбит Сардана Владимировна.

Оттон “Киин куорат” хаһыакка Өрөспүүбүлүкэ күнүн көрсө 23.04.2020 с. эрэдээктэр Иван Ушницкай Макар Яковлевы кытта аһаҕас кэпсэтиитэ тахсыбыта: http://kiinkuorat.ru/2020/04/makar-yakovlev-bejebit-pozicziyabytyn-eterbit-naada/

Сонуннар

Ордук ааҕаллар

Утуйуу хаачыстыбата улахан суолталаах
Сонуннар | 15.03.2024 | 14:00
Утуйуу хаачыстыбата улахан суолталаах
Кулун тутар 15 күнүгэр Аан дойдутааҕы Утуйуу күнэ бэлиэтэнэр. ВОЗ статистикатынан, нэһилиэнньэ 10-30% кыайан утуйбакка (бессонница) эрэйдэнэр, сорох дойдуларга ити көрдөрүү 50−60%-ҥа тиийэр.
Сыана үрдээһинэ
Сонуннар | 22.03.2024 | 18:00
Сыана үрдээһинэ
(2024 сыл олунньу ыйдааҕы көрдөрүүтүнэн)
Социальнай биэнсийэ эбиллэр
Сонуннар | 16.03.2024 | 18:00
Социальнай биэнсийэ эбиллэр
Муус устар 1 күнүттэн социальнай биэнсийэ 7,5 бырыһыан үрдүүр. Бу туhунан 262 N-дээх уурааҕы кулун тутар 5 күнүгэр Арассыыыйа Бырабыыталыстыбата бигэргэттэ. Индексация кээмэйэ ааспыт сылга биэнсийэлээхтэргэ олох таһымын алын кээмэйин улаатыытынан ааҕыллар. Бу төлөбүргэ анаан социальнай пуонда бүддьүөтүгэр 37,5 млрд солк. көрүлүннэ. Статитстика көрдөрөрүнэн, Арассыыйаҕа 4 мөлүйүөнтэн тахса киһи социальнай...
Сергей:  «Уолаттар санаалара-оноолоро харахтарыгар көстөр»
Дьон | 21.03.2024 | 18:00
Сергей: «Уолаттар санаалара-оноолоро харахтарыгар көстөр»
Оҕо сылдьан разведчиктаах киинэлэри умсугуйан көрөрбүт, кинилэр курдук буолуохпутун баҕаран, сэриилээх оонньуурбут, саһа, сыбдыйа, сыылла сылдьан өстөөхтөрбүтүн самнарарбыт.  Разведчик диэн тылы иһиттэхпинэ, тута харахпар Штирлиц уобараһа көстөр. Кини өстөөхтөр уйаларыгар тиийэн, былааннарын, дьайыыларын биһиги дьоммутугар тиэрдэн, кыайыыны ситиһэргэ улахан кылаатын киллэрсэр.   Ол аата дьиҥнээх разведчик хайдах буолуохтааҕый? Кини боростуой саллаат...