06.06.2021 | 16:43

Антон Васильев: «Олохпут сайдыыта, кэскилбит ЫЧЧАТТАН тутулуктаах!»

Антон Васильев: «Олохпут сайдыыта, кэскилбит ЫЧЧАТТАН тутулуктаах!»
Ааптар: Айталина Софронова
Бөлөххө киир

М.К. Аммосов аатынан ХИФУ историческай факультетын бүтэрээри сылдьар Антон Васильев «Саха» национальнай көрдөрөр-иһитиннэрэр хампаанньатыгар эдэр ыччакка аналлаах биэриигэ продюсер быһыытынан үлэлиир, ону тэҥэ өрөспүүбүлүкэҕэ  ыччат политикатын киэҥник тарҕатааччы, кэскиллээх ыччат.
Бүгүн кини  «Тэтим” балаһаҕа ыалдьыттыыр, үөрэххэ туттарсаары сылдьар үөрэнээччилэргэ бэйэтин сүбэтин-аматын кэпсиир.

ХИФУ талааны арыйар

2016 сылга Дьокуускай куорат 1-кы №-дээх оскуолатын кыһыл көмүс мэтээлинэн бүтэрбитим. Үөрэхпин ситиһиилээхтик түмүктээн, ХИФУ-га туттарсан киирбитим. Оскуола уопсастыбаннай олоҕор көхтөөхтүк  кыттарым. Киин куорат дьаһалтатын ыччакка уонна дьиэ кэргэн управлениетыгар «Город Добра» уопсастыбаннай тэрилтэтигэр киирбиппин киэн тутта кэпсиибин. Оскуола саҕаттан уопсастыбаннай үлэнэн ситиһиилээхтик дьарыктаммытым, ону ХИФУ-га киирэн да баран ыһыктыбатаҕым.

ХИФУ – өрөспүүбүлүкэ, Уһук Илин биир киэн туттар университета,  үрдүк кылаастаах профессионаллары бэлэмниир кыһа, ону сэргэ кистэлэҥ талааны арыйар, киһи идэ ыларыгар, үүнэригэр төһүү күүс буолар. Биэс сыл университекка үөрэммитим тухары кыахпын толору туһанным. Бастакы куурустан ыла тайм-менеджмент техникатын таба туһанабын. Ол иһин спордунан дьарыктанарга, туйгуннук үөрэнэргэ, көхтөөх уопсастыбаннай  үлэҕэ бириэмэм тиийэр этэ. Бу тухары бэйэбин элбэх хайысхаҕа холоннум: бастакы куурустан үөрэнэр бөлөхпөр старостабын, биэс куурус тухары ХИФУ устудьуоннарын идэлээх сойуустарын актыбыыһынан сырыттым, бэрэссэдээтэл солбуйааччытынан кытта  үлэлээбитим.

2021 сыл тохсунньутуттан СӨ ыччатын парламенын бэрэссэдээтэлинэн үлэлиибин. Быйыл историческай факультеты икки профилынан бэлэмниир «История уонна быраап» хайысханы бүтэрэбин. Соторутааҕыта Казаннааҕы университекка  «Дьону салайыы» идэтин үөрэнэн бүтэрдим.

Эйигин куруук университет бары тэрээһиннэрин ыытааччы быһыытынан билэбин, ону таһынан “Саха” НКИХ-ҕа көрөбүн. Үлэҥ туһунан кэпсии түс эрэ.

«Саха» национальнай көрдөрөр-иһитиннэрэр хампаанньаҕа 2017 - 2018 сыллаахха «Я - молодой» диэн ыччакка аналлаах ток-шоу ыытааччытынан үлэлээбитим. 2020 сыл сайыныгар ыччаты угуйар «AYAR» түмсүүнү тэрийэммин, балаҕан ыйыттан хампаанньаҕа ыччакка аналлаах биэриилэр продюсерынан киирбитим. Оҕолорбун кытта бииргэ үлэлээн-хамсаан, улахан хамаанда тэринэн, эдэр ыччакка аналлаах бырайыактары оҥоробут. Ол курдук хас нэдиэлэ ахсын тахсар «Күөрчэх шоу» биэриилээхпит. Ийэ тыл уонна сурук-бичик күнүгэр «ТылBattle» биэриини устубуппут, Тапталлаахтар күннэригэр «Мэник Сүрэх» бырайыагы, саҥа дьыллааҕы өрөбүллэргэ «Ты тоже это видишь?» диэн ааттаах тэттик сериал оҥорон таһаарбыппыт. Бэйэбит күүспүтүнэн үлэлиибит, кимтэн да үп-харчы өттүнэн өйөбүл күүппэккэ, барытын бэйэбит толкуйдуубут, дьоруойдары булабыт, бэлэм бородууксуйаны оҥорон таһаарабыт. Продюсер быһыытынан үлэлиирим миэхэ билэр-көрөр сатабыллары иҥэрэр. Элбэх айар уонна талааннаах дьону кытта билсэбин, алтыһабын. Олус интэриэһинэй.

Тайм-менеджмент бириэмэни аттарарга үөрэтэр

Хас көрдөҕүм ахсын бу уол барытын хайдах кыайа-хото тутара буолла дии саныыбын. Кистэлэҥэ туохха сытарый?

Үлэни уонна үөрэҕи тэҥҥэ дьүөрэлиир санааттан тайм-менеджмент диэн үөрүйэҕинэн олоробун. Маны мин маҥнайгы куурустан туттабын, бииргэ алтыһар доҕотторбор үөрэтэбин. Күннээҕи, нэдиэлэтээҕи былааным барыта ыйыллан турар. Бириэмэбин сөпкө туһанар буоламмын, элбэҕи ситиһэбин.

 

Ыччаты биир балаһааккаҕа түмүү

«AYAR» ыччат түмсүүтүн   хаһан тэринниҥ этэй?

«AYAR» ыччат түмсүүтүн  ааспыт сыл сайыныгар табаарыспын кытта тэрийэн саҕалаабыппыт. Ол курдук, тэрийэр үлэбитин ыыта сырыттахпытына, «Саха” НКИХ биһигини өйөөн, ыччакка аналлаах биэриилэри устарга көмөлөһөн саҕалаабыта. Салайааччы быһыытынан туох баар тэрийээччи уустук түгэннэрин таба көрөн, быһаарсан продюсер идэтигэр киирбитим. Генеральнай дириэктэр Олег Олеговичка, генеральнай продюсер Торговкин Ньургун Васильевичка уонна Алена Антоноваҕа олус  махтанабыт. 

 

Сокуон хараҕынан ыччат интэриэһин көмүскээһин

Ыччат парламенын чэрчитинэн туох үлэни ыыттыҥ? Биир эмэ сокуону олоххо киллэрдигит дуо?

Ыччат парламеныгар 2019 с. киирбитим. Ол курдук көннөрү чилиэнтэн салайааччы солбуйааччыта буолан, салайааччы дуоһунаһыгар талбыттара. Саамай киэн туттар түмүктэрбитин бэлиэтээтэххэ, СӨ патриотическай иитии сокуона баар буолуута. Сокуон бырайыага Ил Түмэҥҥэ бастакы дьүүллэһиитин этэҥҥэ ааспыта. Ааспыт сыл күһүнүгэр Арассыыйа Судаарыстыбыннай дууматын депутата Галина Иннокентьевна Данчиковалыын ыччат политикатын бырайыагын уопсастыбаннай ырытыыга ыытаммыт, биһиги этиилэрбит бу сокуоҥҥа киирдилэр. Сокуон олоххо киирэригэр төһүү буолбут  киһибитигэр Михаил Дмитриевич Гуляевка ыччат дьыалатын, физическай култуура уонна спорт Ил Түмэн кэмитиэтин  салайааччытыгар махтанабыт.

Саха парламена-ыччат илиитигэр!

Уопсастыбаннай үлэ – олоххо сирдиир суолдьут

Устудьуон үрдүк аатын сүгээри сылдьар оҕолорго тугу сүбэлиигин?

Абитуриеннарга талар идэҕитигэр эппиэтинэстээхтик сыһыаннаһыҥ, кимтэн даҕаны кыбыстыбакка, ким эрэ ыҥырарын кэтэһэн турбакка, уопсастыбаннай үлэҕэ сылдьан бэйэҕитин үчүгэйдик көрдөрүҥ диэн сүбэлиибин.  Бэйэҕит сыаллаах-соруктаах, туспа көрүүлээх, эрэллээх дьон буоларгытыгар баҕарыам этэ. Эһиги аны улахан дьоҥҥут, иннигитигэр  улахан эппиэтинэс күүтэрин өйдөөҥ.

Университет сайдарбар үчүгэй балаһаакка буолбута. ХИФУ бэйэтин устудьуоннарын үчүгэйдик өйүүр, үөрэтэр уонна киһи буолан тахсалларыгар улахан суолтаны уурар.

— Кэпсэтииҥ иһин махтал!

Сонуннар

Ордук ааҕаллар

Дрону күрдьэҕинэн суулларбыт саха буойуна
Дьон | 16.05.2024 | 14:00
Дрону күрдьэҕинэн суулларбыт саха буойуна
Нэдиэлэ аайы саҥаттан саҥа киһини билсэр, салгыы кинини кытта сибээһи тутар, суруйсар суруналыыс идэлээх киһи үлэтин биир эмиэ интэриэһинэй өрүтэ. Мин анал байыаннай дьайыыга сылдьар суруйбут, ааҕааччы киэҥ эйгэтигэр таһаарбыт уолаттарбын үгүстэрин билсэбин, ыйыталаһабын, ханна тиийбиттэрин, сылдьалларын сураһабын, хомойуох иһин, сорохторун сүтэрэбин...   Хачыгаардыы сылдьан бэбиэскэ туппутум Анал байыаннай дьайыыга мобилизация...
Татьяна Иванова:  «Дьол уйатын ытыктабыллаах сыһыан эрэ тутар»
Дьон | 16.05.2024 | 16:00
Татьяна Иванова: «Дьол уйатын ытыктабыллаах сыһыан эрэ тутар»
Арассыыйаҕа Дьиэ кэргэн сылынан уонна Дьиэ кэргэн аан дойдутааҕы күнүгэр сөп түбэһиннэрэн, таптал кыымыттан саҕыллан биэс уон биэс сыл бииргэ олоруу дьолун билбит Татьяна, Петр Ивановтар дьиэ кэргэн туһунан сырдатабын.   Киһи төрүүрүгэр олоҕо барыта үөһэттэн суруллан кэлэр ыйаахтаах, ол  сиэринэн оҕо, ыччат буола үүнэн, сирдээҕи тапталы көрсөн, ийэ, аҕа дьолун...
Дархан этээччи Валентин Хорунов:  «Саха оһуохайа аан дойду дьонун түмүөҕэ...»
Дьон | 23.05.2024 | 10:00
Дархан этээччи Валентин Хорунов: «Саха оһуохайа аан дойду дьонун түмүөҕэ...»
Былырыын балаҕан ыйын 7 күнүгэр Саха Өрөспүүбүлүкэтин Ил Дархана Айсен Николаев Оһуохай күнүн олохтуур туһунан Ыйаахха илии баттаабыта. Дьэ, ол үөрүүлээх күммүт – ыам ыйын 25 күнэ үүнэрэ икки хонук хаалла.  Бүгүҥҥү нүөмэрбит ытык-мааны ыалдьыта – Саха Өрөспүүбүлүкэтин Дархан этээччитэ Валентин Хорунов.   Дьуохар биһигэр улааппыт дьоллоохпун – Валентин Васильевич, саха...
Уу хаачыстыбата мөлтөөтө
Сонуннар | 14.05.2024 | 16:12
Уу хаачыстыбата мөлтөөтө
Роспотребнадзор иһитиннэрэринэн, ыам ыйын 15 күнүттэн уу ситимин мониторинныыр сирдэртэн күннэтэ анаалыс ылыллар буолуоҕа. Көмүөл мууһа барар кэмигэр сыллата уу хаачыстыбата мөлтүүр, кыраантан кэлэр уубут өлбөөркөй, кирдээх дьүһүннэнэр, ол эрэн билиҥҥитэ СанПиН бары ирдэбиллэригэр эппиэттиир хаачыстыбалаах. Маннык түгэҥҥэ Роспотребнадзор анал фильтрдары туттарга, кыраан уутун оргутан эрэ баран иһэргэ, бытыылкалаах ыраастаммыт...